Daniele 9:7 - Xitsonga (Bibele)

⁷ Ku lulama ku le ka wena, Hosi; eka hina ku ni tingana ta mimombo, hi siku ra namuntlha eka vavanuna va Yuda, ni vaaki va Yerusalema, ni ka Vaisraele hinkwavo, eka lava nga ekusuhi, ni lava nga ekule, ematikweni hinkwawo laha u nga va hlongolela kona, hikwalaho ka ku dyoha loku va ku dyoheleke hakona.

BIBELE Mahungu Lamanene

⁷ We N'wini wa hina, u Xikwembu xo lulama, kambe hina hi tivangele tingana letikulu namuntlha, ndzi vula hina hinkwerhu: Vanhu va le Yuda, ni lava akeke eYerusalema, ni Vaisraele hinkwavo, lava nga kusuhi ni lava nga kule, ematikweni hinkwawo lawa u va hangalaseleke eka wona, hikuva va lwile na wena, va nga ha tshembeki.

Daniele 9:7 Iomraidhean Croise

Ezra 9:13

“Loko ku ri laha hi nga humelela hi leswo tala, hikwalaho ka ku endla ka hina ka ku biha, ni milandzu leyikulu ya hina (kasi wena Xikwembu xa hina, u hi tsetselele, a ku hi banga hi ku biwa loku ringanaka ni makhombo ya hina, u tlhele u hi hlayisela masalela layonghasi);

Ezra 9:15

Oho Yehovha, Xikwembu xa Israele, u lulamile; hina, hi lo sala hi ri lava poneke kukotisa leswi voniwaka namuntlha. Hi hina kwala, hi yimeke emahlweni ka wena hi ri ni nandzu; hikuva hi nga ka hi nga hanyi emahlweni ka wena hikwalaho ka swona.”

Nehemiya 9:33

Loko u ri wena, u endlile hi ku lulama etimhakeni hinkwato leti humeleleke, u endlile swinene, kambe hina hi endlile leswo biha.

Pisalema 119:137

U lulamile, Yehovha, Ku avanyisa ka wena, na kona, ku lulamile!

Pisalema 44:15

Tingana ta mina ti le mahlweni ka mina hi masiku, Ni ku kanakana ku funengete mombo wa mina,

Pisalema 51:14

Oho Xikwembu, Xikwembu xa ku hlayiseka ka mina! Ndzi kutsule ka ngati leyi halatiweke, Kutani ririmi ra mina ri ta twarisa ku lulama ka wena.

Pisalema 51:4

Ndzi dyohele wena, wena ntsena; Ndzi endlile leswo biha emahlweni ka wena, Hi laha u nga ta va la lulameke loko u vulavula, Ni loyi a tengeke loko u avanyisa.

Esaya 11:11

Kambe enkarhini wolowo, Hosi yi ta yimisa ra vumbirhi voko ra yona, yi kutsula masalela ya tiko ra yona, lama siyiweke ematikweni ya Asiriya, ni ya Egipta, ni ya Patroso, ni ya Kuxi, ni ya Elamu, ni ya Xinara, na Hamata ni le swihlaleni swa lwandle.

Esaya 45:16

Hinkwavo va khomiwa hi tingana, va vaviseka, va suka va ri ni tingana vona vaendli va swifaniso.

Yeremiya 12:1

Wena Yehovha, u lulamile, ndzi nga tsandzeka ku kanetana na wena; hambiswiritano, ndzi ta tengisana na wena: Xana lavo biha va kateka ha yini, ni vakanganyisi hinkwavo va ni ku rhula ha yini-ke?

Yeremiya 23:6

Emikarhini ya yena, Yuda u ta hanya, Israele a tiakela eku tsakeni kutani hi rona vito lero va nga ta n'wi vitana ha rona: ‘Yehovha, ku lulama ka hina.’

Yeremiya 24:9

Ndzi ta va nyiketa eku xanisekeni ni le makhombyeni, eku fumeni hinkwako ka misava, va ta va xisandzu, va soriwa, va va xikombiso ni ku rhukaniwa ematlhelweni hinkwawo, laha ndzi nga ta va hangalasela kona.

Yeremiya 3:25

Hi funengerile tingana ta hina, hi ambarile xisandzu xa hina; hikuva hi dyohele Yehovha, Xikwembu xa hina, hina ni vatata wa hina, ku sungula evuntshweni bya hina ku fika siku leri, kambe a hi yingisanga rito ra Yehovha, Xikwembu xa hina.”

Yeremiya 32:32

hikwalaho ka ku biha hinkwako loku vana va Israele ni vana va Yuda va ku endleke loko va ndzi pfukile va ri vona, ni tihosi ta vona, ni vakulukumba va vona, ni vaprista va vona, ni vaprofeta va vona, ni vanhu va Yuda, ni vaaki va Yerusalema.

Yeremiya 33:16

Hi masiku walawo, Yuda u ta pona, na Yerusalema, a tiakela hi ku tsaka, kutani hi rona vito leri va nga ta n'wi vula ha rona: ‘Yehovha ku lulama ka hina!’

Yeremiya 4:17

Va n'wi rhendzele kukotisa varindzi va nsimu, hikuva u tiarisile emahlweni ka mina,’ ” ku vula Yehovha.

Yeremiya 7:19

Xana hakunene va ndzi karihisa xana, ku vula Yehovha? A ndzi ri va tikarihisa va ri vona; va ta khomiwa hi tingana emimombyeni ya vona.

Ezekiele 16:63

leswaku u anakanya mikarhi leyi nga hundza, u va ni tingana, kambe u miyela, ni ku tisola, loko ndzi ta ku rivalela mitirho hinkwayo ya wena, ku vula Hosi, Yehovha.”

Ezekiele 36:31

Mi ta tsundzuka tindlela ta n'wina to biha, ni swiendlo swa n'wina leswi ngi swi nga ri leswinene mi tinyenyetsa hikwalaho ka swidyoho ni manyala ya n'wina.

Ezekiele 5:10

Vona, vatatana va ta dya vana va vona exikarhi ka n'wina, ni vana va ta dya vatata wa vona; ndzi ta hetisa exikarhi ka vona ku avanyisa ka mina, ndzi hangalasa hi matlhelo hinkwawo leswi nga ta sala swa wena.

Ezekiele 6:12

La nga ta va ekule u ta fa hi ntungu, la nga ta va ekusuhi u ta wisiwa hi fumu, la nga ta sala u ta lovisiwa hi ndlala. Hi mukhuva lowo ndzi ta hetisa ehenhla ka vona vukari bya mina.

Daniele 9:14

Hikwalaho Yehovha a hitekeleke khombo lero, a ri tisela ehenhla ka hina, hikuva Yehovha, Xikwembu xa hina, u lulamile emitirhweni hinkwayo yoleyi a yi tirheke, kambe a hi yingisanga rito ra yena.

Daniele 9:18

Rhiya ndleve, Xikwembu xa mina, u yingisa; hanyanya, u languta marhumbi ya hina, ni muti lowu vuriwaka hi vito ra wena, hikuva ni loko hi veka swikhongelo emahlweni ka wena, a hileswaku hi tidzunisa hi ku lulama ka hina, kambe swi ri ntsena hikwalaho ka tintswalo letikulu ta wena.

Daniele 9:8

Hosi, eka hina ku ve tingana ta mimombo, ni ka tihosi ta hina, ni ka tindhuna ta hina, ni ka vatata wa hina, hikuva hi ku dyohele.

Amosi 9:9

“Hikuva, vonani, ndzi ta lerisa, kutani ndzi ta hlela yindlu ya Israele exikarhi ka matiko hinkwawo, ku kota loko ku hlunguriwa mavele hi rihlelo, ku nga sali ni ndzhoho leyi welaka ehansi.

Varhoma 6:21

Emikarhini yoleyo a mi tshovela yini xana? Mi khomisiwa tingana ha swona sweswi, hikuva makumu ya swona i rifu.

Duteronoma 32:4

“Yehovha i Ribye lero tiya; mitirho ya yena yi hetisekile; Hikuva tindlela hinkwato ta yena ti lulamile! I Xikwembu xo tshembeka, a xi na nandzu; Xi ni vunene, xi lulamile,

Duteronoma 4:27

Yehovha u ta mi hangalasa ematikweni, kutani mi ta sala mi nga ri vangani exikarhi ka matiko lawa Yehovha a nga ta mi yisa eka wona;