Daniele 9:6 - Xitsonga (Bibele)

⁶ Kutani a hi yingisangi vaprofeta, malandza ya wena, lava nga vulavula hi vito ra wena eka tihosi ta hina, ni ka tindhuna ta hina, ni ka vatata wa hina, ni ka vanhu hinkwavo va tiko.

BIBELE Mahungu Lamanene

⁶ Vaprofeta va nga malandza ya wena, va vulavurile hi vito ra wena, va khongotela tihosi ta ka hina, ni tindhuna ta kona, ni vatata wa hina, ni vanhu hinkwavo, kambe a hi va yingisanga.

Daniele 9:6 Iomraidhean Croise

2 TIHOSI 18:12

hikuva a va yingisanga rito ra Yehovha, Xikwembu xa vona, kambe va tlurile ntwanano wa yena, ni ku lerisa hinkwako ka Muxe, nandza wa Yehovha; a va swi yingisanga ni ku endla ha swona.

2 TIKRONIKA 33:10

Kambe Yehovha a tshama a vulavula na Manase ni tiko ra yena; ntsena a va yingisanga nchumu.

Ezra 9:7

Ka ha ri mpfhuka wa vatata wa hina, hi tshama enandzwini lowukulu ku fikela sweswi hikwalaho ka swidyoho swa hina, hi nyiketiwile ni tihosi ta hina, ni vaprista va hina, emavokweni ya tihosi ta matiko walawo, hi nyiketiwa fumu ni ku bohiwa, ni ku onhaka, ni tingana, kukotisa namuntlha.

Nehemiya 9:30

U va byarha hi malembe yo tala, u va laya hi moya wa wena, u vulavula na vona hi vaprofeta va wena, kambe a va rhiyanga tindleve; hikwalaho u va nyiketeke emavokweni ya matiko ya misava.

Nehemiya 9:32

“Kutani sweswi, Xikwembu xa hina Xikwembu lexikulu xa matimba, lexi chavisaka, lexi hlayisaka ntwanano ni tintswalo, mahlomulo ma nga tshuki ma va matsanana emahlweni ya wena lama hi humeleleke hina ni tihosi ta hina, ni tihosana ta hina ni vaprista va hina, ni vaprofeta va hina, ni vatata wa hina, ni tiko ra hina hinkwaro, ka ha ri emikarhini ya tihosi ta Asiriya ku ta fikela siku ra sweswi.

Nehemiya 9:34

Tihosi ta hina, ni vakulu va hina, ni vaprista va hina, ni vatata wa hina a va endlanga hi nawu wa wena, a va tsundzukangi ku lerisa ka wena ni milawu ya wena, hilaha u endleke vumbhoni exikarhi ka vona hakona.

Yeremiya 26:5

ni ku yingisa marito ya malandza ya mina vaprofeta, volavo ndzi tshameke ndzi va rhumela eka n'wina, volavo ndzi va rhumaka ndzi pfuka wa ha ri mixo, kambe a mi va yingisanga;

Yeremiya 29:19

Hikuva a va yingisanga rito ra mina, ku vula Yehovha, loko ndzi ri karhi ndzi va rhumela malandza ya mina vaprofeta, ndzi va rhuma wa ha ri mixo, kambe a va yingisanga, ku vula Yehovha.’

Yeremiya 44:16

“Loko ri ri rito leri u hi byeleke rona hi vito ra Yehovha, hi nga ka hi nga ku yingisi;

Yeremiya 7:13

Kambe sweswi, leswi mi endleke sweswo hinkwaswo, ku vula Yehovha, kambe ndzi tshama ndzi vulavula na n'wina, ndzi ri karhi ndzi pfuka ka ha ri mixo ndzi va ndzi vulavula, kambe a mi yingisanga; kutani ndzi tshama ndzi mi vita, kambe a mi pfumelanga.

Yeremiya 7:24

Kambe a va yingisanga, ni loko ku ri ku rhiya tindleve; kambe va tifambela hi makungu ya vona ni le ku tinonon'hwiseni ka timbilu ta vona leto biha, kutani va tlhelele endzhaku, a va yanga emahlweni.

Daniele 9:10

A hi yingisanga rito ra Yehovha, Xikwembu xa hina, ni ku famba hi milawu ya yena leyi a yi vekeke emahlweni ka hina hi vaprofeta, malandza ya yena.

Daniele 9:9

Kambe eka Hosi, Xikwembu xa hina, ku ni tintswalo ni ku rivalela, hikuva hi tikurisele yena.

Matewu 23:37

“Yerusalema, Yerusalema, la dlayaka vaprofeta, la khandlaka hi maribye lava rhumiweke eka wena, ndzi rhandzile kangani ku hlengeleta vana va wena kukotisa huku loko yi hlengeleta swiciwana swa yona ehansi ka timpapa ta yona, kambe mi arile.

Timhaka 13:27

Hikuva lava akeke eYerusalema, ni vakulukumba va vona, leswi va nga tivangiki Yesu, va n'wi avanyisile va hetisisa sweswo marito ya vaprofeta lama hlayiwaka hi Savata rin'wana ni rin'wana.