Daniele 9:10 - Xitsonga (Bibele)

¹⁰ A hi yingisanga rito ra Yehovha, Xikwembu xa hina, ni ku famba hi milawu ya yena leyi a yi vekeke emahlweni ka hina hi vaprofeta, malandza ya yena.

BIBELE Mahungu Lamanene

¹⁰ hi ala ku yingisa rito ra wena, we HOSI Xikwembu xa hina, hi tshika ni milawu ya wena leyi u hi nyikeke yona hi milomo ya vaprofeta malandza ya wena.

Daniele 9:10 Iomraidhean Croise

2 TIHOSI 18:12

hikuva a va yingisanga rito ra Yehovha, Xikwembu xa vona, kambe va tlurile ntwanano wa yena, ni ku lerisa hinkwako ka Muxe, nandza wa Yehovha; a va swi yingisanga ni ku endla ha swona.

Yeremiya 16:11

U ta ku eka vona: ‘Hi leswi vatata wa n'wina va ndzi tshikeke, ku vula Yehovha, kutani va ya lava swikwembu swin'wana, va swi tirhela kambe va swi khinsamela; kambe, loko ndzi ri mina, va ndzi tshikile, kutani a va hlayisanga milawu ya mina.

Yeremiya 32:23

Va vuya va ta ri fuma; kambe a va yingisangi rito ra wena, a va fambanga hi milawu ya wena, a va endlanga swilo hinkwaswo leswi u va leriseke swona, leswaku va swi endla; hilaha u va humeseleke makhombo lawa hinkwawo!

Daniele 9:6

Kutani a hi yingisangi vaprofeta, malandza ya wena, lava nga vulavula hi vito ra wena eka tihosi ta hina, ni ka tindhuna ta hina, ni ka vatata wa hina, ni ka vanhu hinkwavo va tiko.

Vaheveru 1:1

Xikwembu xi vulavurile khale na vatatana hi mikarhi leyo tala ni mikhuva leyo tala xi vulavula hi vaprofeta;