Daniele 8:9 - Xitsonga (Bibele)

⁹ Eka rin'wana ra tona, ku mile rimhondzwana leri lehelaka tlhelo ra dzonga, ni le vuxeni, ni le tikweni lerinene;

BIBELE Mahungu Lamanene

⁹ “Kutani eka leritsongo ra timhondzo leti ta mune, ku mila rimhondzo rin'wana lerintshwa, ri kula ku tlula mpimo, ri kongoma edzongeni, ni le vuxeni, ni le tikweni leri tlulaka matiko hinkwawo hi ku saseka.

Daniele 8:9 Iomraidhean Croise

Pisalema 105:24

Yehovha a andzisa tiko ra yena ngopfu, Ri va ni matimba ku tlula valala va rona.

Pisalema 48:2

Yi sasekile swonghasi ntshava ya Siyoni, yi tsakisa misava hinkwayo. Etlhelweni ra n'walungu, i muti wa hosi leyikulu;

Yeremiya 3:19

Mina a ndzi ku: Ndzi nga ku vekisa ku yini exikarhi ka vana va mina? Kambe ndzi nga ku nyikisa ku yini tiko leri rhandzekaka, rifuwo lero saseka ra tinyimpi ta matiko xana? Kambe a ndzi ku: Mi ta ndzi vula “tatana,” mi nga ka mi nga ha ndzi tshiki.

Ezekiele 20:15

“Kambe, ndzi va yimisela voko ra mina emananga, ndzi ku: A ndzi nga va yisi etikweni leri ndzi va nyikeke rona, leri nga ni ntswamba ni vulombe, lero saseka ngopfu exikarhi ka matiko hinkwawo,

Ezekiele 20:6

“Hi siku lero ndzi yimise voko ra mina eka vona, ku va humesa etikweni ra le Egipta, va ta etikweni leri ingi ndzi ri hlawulele vona, leri nga ni ntswamba ni vulombe, lero saseka exikarhi ka matiko hinkwawo.

Daniele 11:16

Kutani loyi a rhambiweke ku ya lwa na yena, u ta endla hilaha a rhandzaka hakona, kutani a ku na munhu la nga ta n'wi tiyela; kutani u ta yima etikweni, ri ri tiko ro saseka, kutani ku onha ku ta va kona evokweni ra yena.

Daniele 11:21

“Ematshan'weni ya yena ku ta humelela un'wana la solekaka, la nga lulameriwiki hi vuhosi, kutani u ta tikombisa hi ku rhula, a titekela vuhosi hi mano.

Daniele 7:8

Kakuloko ndzi languta timhondzo toleto, ndzi vona rimhondzwanyana rin'wana ri humelela exikarhi ka timhondzo tin'wana, kutani timhondzo tinharhu ta leto sungula ti guriwa hi rona, kutani, vonani, rimhondzo lero a ri ri ni mahlo lama fanaka ni ya munhu, ni nomu lowu vulavulaka hi ku tikurisa.

Zakariya 7:14

“Ndzi va hangalasile hi mheho exikarhi ka matiko hinkwawo lawa va nga ma tivangiki, tiko ri sala ri onhakile endzhaku ka vona, ku pfumaleka la hundzaka kona ni la tlhelelaka kona, va hundzurile tiko lerinene rhumbi.”