Daniele 8:4 - Xitsonga (Bibele)

⁴ Ndzi vona khuna ri paletela vupeladyambu, ni le n'walungwini, ni le dzongeni, ku nga ri na xiharhi lexi nga ri tiyelaka, ku nga ri na munhu la nga lamulelaka ematimbeni ya rona; kutani ri endla hilaha ri rhandzaka hakona, ri ri karhi ri tinyika matimba.

BIBELE Mahungu Lamanene

⁴ Kutani ndzi vona nyimpfu leyi ya khuna yi ri karhi yi phandha-phandha ehansi, yi ya evupeladyambu, ni le n'walungwini, ni le dzongeni, ku pfumaleka ni xiharhi ni xin'we lexi xi nga yi tiyelaka; naswona a ku nga ri na munhu loyi a nga lamulelaka van'wana ematimbeni ya yona; a yi tiendlela hi ku rhandza, yi tikurisa swinene.

Daniele 8:4 Iomraidhean Croise

1 TIHOSI 22:11

Sedekiyasi, n'wana Kenana, a a tiendlele timhondzo ta nsimbhi, a ku: “Yehovha u vula sweswo, u ri: ‘Hi timhondzo leti, u ta lwa ni Vasiriya, u ko u va heta.’ ”

Ntirho 10:7

Kasi wa swi tiva leswaku a ndzi na nandzu, Ni leswaku a ku na munhu la nga ndzi lamulelaka evokweni ra wena.

Pisalema 44:5

Ha wena hi ta himetela lava nga valala va hina; Hi vito ra wena, hi ta kandziyela lava hi pfukaka.

Pisalema 50:22

“Twisisani-ke swilo leswi, n'wina lava rivalaka Xikwembu, Leswaku kumbe ndzi nga handzula, ku nga ri na mulweri.

Pisalema 7:2

Leswaku nala a nga tshuki a ndzi handzula kukotisa nghala, A ndzi khandletela loko ndzi nga ri na mulweri.

Ezekiele 34:21

Hikuva mi susumete hi rivambu ni khatla, mi be leti vabyaka hinkwato hi timhondzo ta n'wina ku fikela loko mi ti hangalasela ehandle.

Daniele 11:16

Kutani loyi a rhambiweke ku ya lwa na yena, u ta endla hilaha a rhandzaka hakona, kutani a ku na munhu la nga ta n'wi tiyela; kutani u ta yima etikweni, ri ri tiko ro saseka, kutani ku onha ku ta va kona evokweni ra yena.

Daniele 11:36

“Kutani hosi yi ta endla hilaha yi rhandzaka hakona, yi ta tikurisa, yi titlakusa ehenhla ka swikwembu hinkwaswo, kutani yi ta hleva Xikwembu xa swikwembu hi swisandzu leswi hlamarisaka, yi ta khuluka ku ko ku fika ku hetisekeni ka vukari, hikuva lexi lerisiweke xi ta endlakala.

Daniele 5:19

Kutani hikwalaho ka vukulukumba lebyo ngi xi n'wi nyikile byona, vanhu va tinxaka hinkwato, ni va matiko hinkwawo, ni va tindzimi hinkwato, a va ri ni ku chava, va rhurhumela emahlweni ka yena; a tshama a dlaya loyi a rhandzaka ku n'wi dlaya, a hanyisa loyi a rhandzaka ku n'wi hanyisa, a tlakusa loyi a rhandzaka ku n'wi tlakusa, a tsongahata loyi a rhandzaka ku n'wi tsongahata.

Daniele 5:30

Hi byona vusiku byebyo, Belxatsara, hosi ya Vakalediya, a dlawa.

Daniele 7:5

“Kutani ndzi vona xivandza xin'wana xa vumbirhi xi fana ni bere, xi yimile hitlhelo rin'we, xi ri ni timbambu tinharhu enon'wini wa xona exikarhi ka meno, kutani ku vuriwa ka xona, va ku: ‘Suka u rhurhumbula tinyama leto tala.’

Daniele 8:7

Kutani ndzi xi vona xi ba khuna erihlangutini xi ri karihela, kutani xi ba khuna xi tshova timhondzo timbirhi ta rona kambe khuna a ri pfumala matimba ya ku lwa na xona; kutani xi ri wisela ehansi, xi ri kandziyela, ku nga ri na munhu la lamulelaka khuna ematimbeni ya xona.

Mikiya 5:8

Kambe lava seleke va Yakobo va ta va exikarhi ka matiko ni tinxaka leto tala kukotisa nghala exikarhi ka swiharhi swa nhova, ni xinghalana exikarhi ka ntlhambi wa tinyimpfu; yi nga loko yi hundza yi kandziyela, yi handzula, ku nga ri na loyi a ponisaka!

Duteronoma 33:17

Nkunzi ya yena ya mativula i ku kwetsima ka yena, Timhondzo ta yona i timhondzo ta nyarhi; U ta tlhava ha tona matiko hinkwawo swin'we, Ku ya fika emakun'wini ya misava. Hi byona vunyingi bya Efrayimi, Hi wona madzanadzana ya Manase.”