Daniele 8:23 - Xitsonga (Bibele)

²³ Emakun'wini ya ku fuma loku, loko vadyohi va tatile mpimo, ku ta humelela hosi ya mombo wa tihanyi ni ya vutlhari byo hlavutela swihundla.

BIBELE Mahungu Lamanene

²³ “ ‘Loko mimfumo leyi yi ya eku heleni ka yona, ni loko vadyohi va ta va va fumile ku ringana, ku ta humelela hosi yin'wana yo tikurisa ngopfu, leyi tivaka ku vutisa vanhu swivutiso leswo tika.

Daniele 8:23 Iomraidhean Croise

Nhlavutelo 19:20

Kutani xivandza xi khomiwa swin'we ni muprofeta wa mavunwa, loyi a nga endla emahlweni ka xona mahlori lawa a hambukiseke ha wona lava nga amukela mfungho wa xivandza, ni lava gandzeleke xifaniso xa xona havambirhi va cukumetiwa va ha hanya etiveni leri pfurhaka ra ndzilo ni xivavula.

1 Timotiya 4:1

Kambe Moya wu vurisile leswaku emikarhini ya le ndzhaku, van'wanyana va ta tlhela eku pfumeleni, va namarhela mimoya leyi kanganyisaka, ni tidyondzo ta mademona,

Daniele 7:20

ni le matshan'weni ya timhondzo leta khume leti ngi ti ri enhlokweni ya xona, ni le matshan'weni ya rin'wana leri humeleleke, leri tin'wana tinharhu a ti wile emahlweni ka rona, ri nga rona rimhondzo leri ngi ri ri ni mahlo, ni nomu lowu vulavulaka hi ku tikurisa, leri vonakalaka ku hundzisa tin'wana.

Daniele 7:11

A ndzi ri karhi ndzi languta hikwalaho ka marito ya ku tikurisa lama vuriweke hi rimhondzo, kutani kakuloko ndzi languta, xivandza xi dlawa, kutani miri wa xona wu lova hi ku hoxiwa endzilweni leswaku wu hisiwa.

Daniele 7:8

Kakuloko ndzi languta timhondzo toleto, ndzi vona rimhondzwanyana rin'wana ri humelela exikarhi ka timhondzo tin'wana, kutani timhondzo tinharhu ta leto sungula ti guriwa hi rona, kutani, vonani, rimhondzo lero a ri ri ni mahlo lama fanaka ni ya munhu, ni nomu lowu vulavulaka hi ku tikurisa.

Daniele 7:25

U ta humesa marito ya ku lwa ni Muungameri-la-tlakukeke, u ta xanisa vahlawuriwa va Muungameri-la-tlakukeke, kutani a va ni makungu ya ku hundzula mikarhi ni nawu, kutani vahlawuriwa va ta nyiketiwa emavokweni ya yena hi nkarhi, ni mikarhi yin'wana, ni hafu ya nkarhi.

Daniele 8:25

Kutani hikwalaho ka ku tlhariha ka yena, mano ma ta kateka emavokweni ya yona, kutani yi ta tikurisa embilwini ya yona, yi va yi dlaya lavo tala lava tshameke hi ku tsaka, kutani yi ta pfukela Hosi ya tihosi matimba, kambe yi ta tshoviwa ku nga ri hi voko ra munhu.

Ezekiele 38:16

Kutani u ta khandziya u ya lwa ni tiko ra mina ra Israele, u kotisa papa leri lavaka ku funengeta misava. Emikarhini ya makumu, hilaha ndzi nga ta ku rhuma hakona ku lwa ni tiko ra mina, leswaku matiko ma ta ndzi tiva loko ndzi ta tikwetsimisa ha wena emahlweni ka vona, wena Gogo!

Ezekiele 38:8

Loko ku herile masiku yo tala, hilaha u nga ta lerisiwa; emikarhini ya le mahlweni, u ta ta lwa ni tiko leri poneke eka fumu, leri nga hlengeletiwa ematikweni yo tala, etintshaveni ta Israele leti ingi ti sele hi nkarhi wo leha ti nga ri na vanhu, va humile exikarhi ka matiko, va tshama hinkwavo hi ku rhula.

Daniele 11:24

Exikarhi ka ku rhula, u ta nghena emaaveni ya tiko leri hundzisaka hi ku nona, kutani u ta endla leswi nga ka swi nga endliwangiki hi vatata wa yena ni vakokwa wa yena; u ta pambula leswi kumiweke enyimpini, ni xuma, ni rifuwo, kutani u ta endla makungu yo wisa makhokholo, kutani u ta endlisa sweswo ku yisa enkarhini lowu pimiweke.

Daniele 11:21

“Ematshan'weni ya yena ku ta humelela un'wana la solekaka, la nga lulameriwiki hi vuhosi, kutani u ta tikombisa hi ku rhula, a titekela vuhosi hi mano.

Daniele 10:14

Kutani ndzi tile sweswi ku ku tivisa leswi nga ta humelelela tiko ra wena emikarhini ya makumu; hikuva xa ha ri xikombiso xa leswi nga ta ta.”

Genesa 15:16

Kambe erixakeni ra vumune, va ta vuya halenu, hikuva ku homboloka ka Vaamori a ku si tala hi ku ringana.”

1 Vatesalonika 2:16

va hi arisile ku dyondzisa vamatiko leswaku va nga kumi ku hlayiseka, va ri karhi va engetela hi masiku swidyoho swa vona, kambe eku heteleleni, ku kariha ka Xikwembu ku va wela ehenhla.

Matewu 23:32

Hetisisani-ke mpimo wa vatata wa n'wina.

Duteronoma 28:50

va nga vanhu va mimombo yo tiya, lava va nga ka va nga tweli wa khale vusiwana, va nga vi na tintswalo eka n'wana;

Tinhlayo 24:24

Tingalava ti ta ta hi le Kitimi, Ti ta tsongahata Asuru, ti ta tsongahata Ebere; Kutani na yena u ta herisiwa.”

Swivuriso 1:6

Ya ku twisisa swivuriso ni marito ya ku enta, Ni timhaka ta lavo tlhariha, ni dyondzo ya vona leyi fihlekeke.

Daniele 8:22

Rimhondzo leri loko ri tshovekile, kutani timhondzo ta mune ti mila ematshan'weni ya rona, hileswaku ku fuma ka mune ku ta huma etikweni lero, kambe ku nga ka ku nga vi na matimba ya rona.

Daniele 8:24

Ma tsimba ya yona ma ta engeteleka, kambe ma nga ri matimba ya yona, yi ta onha hi mukhuva lowu hlamarisaka, yi kateka, yi va yi hetisisa, yi lovisa tinhenha ni tiko ra vahlawuriwa.