Daniele 8:13 - Xitsonga (Bibele)

¹³ Kutani ndzi yingisa un'wana wa vahlawuriwa a vulavula; kutani muhlawuriwa un'wana a hlamula la nga sungula ku vulavula, a ku: “I mangani masiku lama hlayiweke eka xivono lexi ematshan'weni ya gandzelo ra masiku, ni le matshan'weni ya xidyoho lexi onhaka xana? Xikwetsimisiso ni mavandla swi ta hluriwa swi kandziyeriwa ku yisa kwihi?”

BIBELE Mahungu Lamanene

¹³ “Kutani ndzi twa un'wana la hlawulekeke a ri karhi a vulavula, ndzi twa ni muhlawuleki un'wana la vutisaka, a ku: ‘Xana timhaka leti ta xivono ti ta ya emahlweni ku fikela rini, ndzi vula ta magandzelo lama yimisiwaka, ni ta vudyoho lebyi onhaka, ni ta xivandla lexo hlawuleka loko xi nyiketiwa eka rimhondzo, ni ta swivumbiwa swa le tilweni loko swi kandziyeriwa hi rona xana?’

Daniele 8:13 Iomraidhean Croise

Pisalema 74:10

Oho Xikwembu! Muxanisi u ta sandza ku yisa kwihi? Xana nala u ta sola vito ra wena hi masiku ni masiku?

Pisalema 74:9

A ha ha voni swikombiso swa hina, A ka ha ri na muprofeta; Exikarhi ka hina, a ku na la tivaka leswaku ku ta yisa kwihi.

Pisalema 79:5

Yehovha, u ta tshika rini ku kariha, Rilondo ra wena ri ta pfurha tani hi ndzilo hi masiku xana?

Esaya 28:18

Ntwanano wa n'wina ni rifu wu ta endliwa swahava, ni ku hlangana ka n'wina ni sirha ku nga ka ku nga yimi khombo leri taka tanihi ndhambi loko ri fika ri ta mi vutla;

Esaya 6:11

Kutani ndzi ku: “Ku ta va ku fika rini, Hosi?” A ku: “Miti yi ko yi mbundzuka, yi pfumatiwa vaaki, ni tindlu ti pfumala vanhu, ni tiko ri onhaka ri va rhumbi;

Esaya 63:18

Vanhu va tiko ra wena lero kwetsima va fuwile tiko nkarhinyana ntsena; valala va hina, va pyanyatele yindlu ya wena ya ku kwetsima.

Esaya 9:6

Hikuva hi velekeriwe n'wana, hi nyikiwe n'wana wa wandzisanyana, vuhosi byi vekiwile ekhatleni ra yena. U ta thyiwa Muhlamarisi, Mutsundzuxi, Xikwembu xa matimba, Tatana la nga riki na ku hela, Hosi ya ku rhula;

Yeremiya 12:10

Varisi lavo tala va onhile nsimu ya mina ya vhinya, va kandziyerile masimu ya mina; nsimu ya mina leyi rhandzekaka, va yi endlile mananga layo biha.

Daniele 11:31

Kutani mavandla lama humaka eka yena ma ta yima ma swihata xikwetsimisiso, ni khokholo, kutani ma ta herisa gandzelo ra masiku ni masiku, kutani ematshan'weni ya xona, va ta veka manyala ya muonhi.

Daniele 12:11

Kutani ku sungula hi nkarhi wa ku herisiwa ka gandzelo ra masiku, lowu ku nga ta tlhomiwa manyala ya muonhi, ku ta hundza masiku ya 1 290.

Daniele 12:8

Kutani mina ndzi yingisa, kambe a ndzi twisisanga, kutani ndzi ku: “Hosi yanga, timhaka teto ti ta helela kwihi?”

Daniele 4:10

“Kutani swivono leswi ndzi swi voneke emoyeni wa mina loko ndzi ri emasangwini ya mina, a swi ri leswi: A ndzi languta, kutani ndzi vona ku ri ni murhi lowu tlakukeke ngopfungopfu exikarhi ka misava.

Daniele 4:13

Eku voneni ka moya wa mina, loko ndza ha ri vulawini bya mina, ndzi vona ku humelela un'wana wa valanguteri lava hlawuriweke a xika etilweni.

Daniele 4:23

Leswi u nga vona un'wana wa valanguteri, wa vahlawuriwa, a xika etilweni, a ku: ‘Wisani murhi, mi wu onha; ntsena mi siya xikundzu ni timitsu emisaveni, xi kulekiwa hi timpecana ta nsimbhi ni ta koporo, xi va exikarhi ka byanyi bya nhova, xi ko xi tsakamisiwa hi mberha ya le tilweni, kutani xi va ni ku averiwa ka xona swin'we ni swiharhi swa nhova, mikarhi ya ntlhanu na mimbirhi yi ko yi hundza ehenhla ka xona.’

Daniele 7:16

Kutani ndzi tshinela eka un'wana wa lava yimeke kwalaho, ndzi n'wi vutisa leswi tiyeke eka timhaka leti hinkwato, kutani a vulavula na mina a ndzi hlamusela tona, a ku:

Daniele 7:23

“A ndzi byela, a ku: ‘Xivandza xa vumune i ku fuma kun'wana ka vumune loku nga ta va kona emisaveni, loku nga taka ku nga fani na ku fuma kun'wana hinkwako, ku ta handzula misava hinkwayo, ku yi kandziyela, ku yi silakanya.

Daniele 9:27

Kutani hosi yoleyo yi ta endla xinakulobye lexa matimba ni lavo tala hi vhiki rin'we, kutani exikarhi ka vhiki u ta herisa gandzelo ni nhlengo; kutani muonhi u ta tirha mitirho ya manyala ku kondza vuheriso ni leswi tiyisiweke swi wela ehenhla ka muonhi.”

Zakariya 1:19

Ndzi ku eka ntsumi leyi vulavulaka na mina: “Timhondzo leto ta ku endla yini?” Yi ku eka mina: “Leti hi tona timhondzo leti hangalaseke Yuda, na Israele, na Yerusalema.”

Zakariya 14:5

Mi ta tsutsuma hi nkova wa tintshava ta mina, hikuva nkova wa tintshava wu ta fika eAsele; kutani mi tsutsuma kukotisa siku mi nga tsutsuma loko misava yi tsekatseka, emikarhini ya Uziya, hosi ya Yuda. Kutani Yehovha, Xikwembu xa mina, u ta ta, a ri ni vakwetsimi hinkwavo.

Matewu 11:27

Swilo hinkwaswo swi vekiwe eka mina hi Tatana; a ku na la tivaka N'wana, loko a nga ri Tatana; naswona a ku na la tivaka Tatana loko a nga ri N'wana, ni loyi N'wana a rhandzaka ku n'wi hlavutela yena.

Matewu 24:15

“Kutakuloko mi vona manyala ya ku herisiwa, lama nga vuriwa hi muprofeta Daniele, ma yimile exivandleni lexi hlawuriweke (la hlayaka u fanele ku anakanya);

Marka 13:14

“Kutakuloko mi vona manyala ya ku hlaseriwa lama vuriweke hi muprofeta Daniele, ma yimile laha ma nga faneriki (la hlayaka a a tsundzuke); enkarhini wolowo, lava nga eYudiya a va tsutsumele etintshaveni;

Luka 10:22

Kutani a hundzukela eka vadyondzisiwa va yena, a ku: Swilo hinkwaswo ndzi swi nyikiwile hi Tatana; kutani a ku na la tivaka leswaku Tatana i mani, loko a nga ri N'wana, ni loyi N'wana a nga swi rhandzaka ku n'wi pfuletela yena.”

Luka 21:20

“Kambe, kutakuloko mi vona Yerusalema a rhendzeriwe hi mavandla, mi ta tiva leswaku ku onhaka ka wona ku kusuhi.

Luka 21:24

Va ta wa hi ku kariha ka fumu, va ta yisiwa va ri makhumbi ematikweni hinkwawo; kutani Yerusalema, u ta kandziyeriwa hi vamatiko ku ko ku hela nkarhi wa vamatiko.

Yohane 1:18

Xikwembu a xi voniwanga hi munhu ni siku ni rin'we; N'wana la nga swakwe, la nga exifuveni xa Tatana, hi yena loyi a nga hi tivisa xona.

Duteronoma 33:2

“Yehovha u hume Sinayi, U va tsuvukele a ri Seyira; U vonakile a ri entshaveni ya Parani, U suke exikarhi ka mavandla layo kwetsima. Evokweni ra xinene ra yena, ndzilo wa nawu wu va humelele.

1 Vatesalonika 3:13

yi va yi tiyisa timbilu ta n'wina, leswaku ti pfumala xisandzu eku kwetsimeni, emahlweni ka Xikwembu, Tata wa hina, eku humeleleni ka Hosi ya hina, Yesu Kriste, ni vakwetsimi va yena hinkwavo.

Vaheveru 10:29

xana loko mi ehleketa, a hi ku biwa loku tlurisaka loku a nga ta ringanisiwa hakona, loyi a kandziyeleke N'wana wa Xikwembu, a ringaniseke leswaku ngati ya ntwanano leyi a hlantswiweke ha yona a hi nchumu, a engeta a sandza Moya wa tintswalo xana?

1 Petro 1:12

Kutani va kombisiwile leswaku a va titirhelanga, kambe va tirhele hina, etimhakeni leti mi ti byeriweke sweswi, hi lava mi dyondziseke hi Moya lowo Kwetsima lowu rhumiweke, wu huma etilweni, ti nga timhaka leti tintsumi ti navelaka ngopfu ku ti hlometela.

Yuda 1:14

Hi vona valavo Enoko, wanuna lowa vuntlhanu na vambirhi ku sukela eka Adamu, a nga va bvumbha loko a te:

Nhlavutelo 11:2

Kambe loko ri ri rivala leri nga ehandle ka tempele, u ri siya u nga ri pimi, hikuva ri nyikiwile vamatiko; kutani va ta kandziyela muti lowo kwetsima hi tin'hweti ta mune wa makume na timbirhi.

Nhlavutelo 6:10

A va huwelela hi rito lerikulu, va ku: “Hosi yo kwetsima ya ntiyiso, u ta hlwela ku ri kungani ku avanyisa ni ku rihisa ngati ya hina eka lava akeke emisaveni xana?”

Vaavanyisi 13:18

Ntsumi ya Yehovha yi ku eka yena: “U vutisela yini vito ra mina xana? Hi leri chavisaka!”