Daniele 7:8 - Xitsonga (Bibele)

⁸ Kakuloko ndzi languta timhondzo toleto, ndzi vona rimhondzwanyana rin'wana ri humelela exikarhi ka timhondzo tin'wana, kutani timhondzo tinharhu ta leto sungula ti guriwa hi rona, kutani, vonani, rimhondzo lero a ri ri ni mahlo lama fanaka ni ya munhu, ni nomu lowu vulavulaka hi ku tikurisa.

BIBELE Mahungu Lamanene

⁸ Loko ndzi ri karhi ndzi xiyaxiya timhondzo ta kona, ndzi vona rimhondzo rin'wana leri milaka exikarhi ka letin'wana. Rona a ri ri ritsongo, kambe emahlweni ka rona, timhondzo tinharhu exikarhi ka leto sungula ti guleka, kutani ndzi vona leswaku rimhondzo leri a ri ri ni mahlo yo fana ni ya munhu, ni nomo lowu humesaka marito yo tikurisa.”

Daniele 7:8 Iomraidhean Croise

Pisalema 12:3

Yehovha u ta herisa milomu leyi yengaka, Ni ririmi leri tisaselaka hi leswikulu,

Daniele 11:36

“Kutani hosi yi ta endla hilaha yi rhandzaka hakona, yi ta tikurisa, yi titlakusa ehenhla ka swikwembu hinkwaswo, kutani yi ta hleva Xikwembu xa swikwembu hi swisandzu leswi hlamarisaka, yi ta khuluka ku ko ku fika ku hetisekeni ka vukari, hikuva lexi lerisiweke xi ta endlakala.

Daniele 7:19

“Kutani ndzi navela ku tiva leswi tiyeke ematshan'weni ya xivandza xa vumune, lexi a xi nga fani na swin'wana hinkwaswo, lexi chavisaka ngopfungopfu, lexi ngi xi ri ni meno ya nsimbhi ni min'wala ya koporo, lexi a xi handzula, ni ku tshovelela, ni ku kandziya hi milenge leswi seleke;

2 Vatesalonika 2:4

la kanetaka ni la titlakuselaka ehenhla ka hinkwaswo leswi vuriwaka Xikwembu ni leswi khinsameriwaka, a ko a tshamisa kukota Xikwembu etempeleni ya Xikwembu, a ri karhi a tivula Xikwembu.

2 Timotiya 3:2

Hikuva vanhu va ta va lava tirhandzelaka, lava rhandzaka mali, lava tibombisaka, lava tikurisaka, lava hlevaka, lava nga yingisiki vatswari va vona, va nga tivi ku khensa, vasandzi,

2 Petro 2:18

Hikuva hi ku vulavula timhaka ta manyunyu, ni ta hava, va rhiya hi ku navela ka nyama ni manyala, vanhu lava ha ku fularhelaka lava hanyaka eku hungukeni.

Yuda 1:16

I vanhu va ku n'unun'uta, lava vilelaka hi masiku, va ya hi ku navela ka vona; milomu ya vona yi vulavula manyunyu, va ri karhi va hlamala nghohe ya vanhu ku ta pfuniwa.

Nhlavutelo 13:1

Kutani ndzi vona xivandza lexi humaka elwandle, xi ri ni timhondzo ta khume, ni tinhloko ta ntlhanu na timbirhi; etimhondzweni ta xona, xi rhwele tihari ta khume etinhlokweni ta xona, ku tsariwile mavito ya xisandzu.

Nhlavutelo 9:7

Xivumbeko xa tinjiya teto a xi fana ni xa tihanci leti lunghiseriweke ku lwa; ti rhwele etinhlokweni ta tona leswi fanaka ni tihari ta nsuku; mimombo ya tona a yi fana ni mimombo ya vanhu.

1 SAMIELE 2:3

Mi nga ha tarisi marito ya n'wina ya ku tikurisa; Ku tikukumuxa ku nga ha humi emilon'wini ya n'wina; Hikuva Yehovha i Xikwembu lexi nga ni vutivi, Hi yena la ringanisaka maendlelo ya vanhu.