Daniele 7:5 - Xitsonga (Bibele)

⁵ “Kutani ndzi vona xivandza xin'wana xa vumbirhi xi fana ni bere, xi yimile hitlhelo rin'we, xi ri ni timbambu tinharhu enon'wini wa xona exikarhi ka meno, kutani ku vuriwa ka xona, va ku: ‘Suka u rhurhumbula tinyama leto tala.’

BIBELE Mahungu Lamanene

⁵ Kutani ndzi languta xivandzana xa vumbirhi; xona a xi fana ni bere. A xi bvutamile kunene; enon'weni wa xona a xi lumile timbambu tinharhu; kutani xi byeriwa ku suka xi yima, xi mitetela nyama yo tala.

Daniele 7:5 Iomraidhean Croise

2 TIHOSI 2:24

Yena a hundzuluka, a va vona, a va rhukana hi vito ra Yehovha. Kutani tibere timbirhi ti huma exihlahleni, ti handzulela varisanyana va mune wa makume na vambirhi exikarhi ka vona.

Swivuriso 17:12

Ku hlangana ni bere leyi tekeriweke vana va yona, Ku tlula ku hlangana ni xihunguki eku hlanyeni ka xona.

Esaya 56:9

N'wina hinkwenu, swiharhi swa nhova, tanani mi dya, na n'wina hinkwenu swivandzana swa xihlahla!

Daniele 11:2

Kutani sweswi, ndzi ta ku byela swinene. “Waswivo, tihosi tinharhu ta ha ta va kona eka Vaperesi, kutani wa vumune u ta fuwa vukosi lebyi tlulaka bya tin'wana hinkwato, kutani kutakuloko a tinyike matimba hi rifuwo ra yena, u ta tivitanela vunyingi hinkwabyo ku ya lwa ni va ku fuma ka Yavhani.

Daniele 2:39

Endzhaku ka wena, ku ta humelela ku fuma kun'wana, lokutsongo ka wena; kutani ku ta va ni kun'wana ka vunharhu, loka koporo, loku nga ta fuma emisaveni hinkwayo.

Daniele 5:28

Parisini (ku avanyisiwa): Vuhosi bya wena byi avanyisiwile, byi nyikiwile Vameda ni Vaperesi.”

Daniele 7:4

Lexo sungula a xi fana ni nghala, xi ri ni timpapa ta gama. Kutani ndzi languta ku fika loko timpapa ti hluviwa, kutani xi tlakusiwa ehansi, xi yimisiwa hi milenge ya xona kukotisa munhu, kutani xi nyikiwa mbilu ya munhu.

Daniele 7:6

“Endzhaku ka xona loko ndzi languta ndzi vona xivandza xin'wana lexi fanaka ni yingwe xi ri ni timpapa ta mune ta nyanyana enhlaneni wa xona, xivandza lexo a xi ri ni tinhloko ta mune, kutani xi nyikiwa vuhosi.

Hosiya 13:8

Ndzi ta tiwisela ehenhla ka vona ku fana ni bere leyi lahlekeriweke hi vana va yona, ndzi handzula swifuva swa vona, ndzi va dyela kona ku fana ni nghala ya ntswele; swivandzana swa nhova swi ta va handzula.

Nhlavutelo 13:2

Xivandza lexi ndzi xi voneke, a xi fana ni yingwe, milenge ya xona yi fana ni milenge ya bere; nomu wa xona wu fana ni nomu wa nghala; kutani dragona yi xi nyika matimba ya yona, ni xiluvelo xa yona, ni vuhosi lebyikulu.