Daniele 7:4 - Xitsonga (Bibele)

⁴ Lexo sungula a xi fana ni nghala, xi ri ni timpapa ta gama. Kutani ndzi languta ku fika loko timpapa ti hluviwa, kutani xi tlakusiwa ehansi, xi yimisiwa hi milenge ya xona kukotisa munhu, kutani xi nyikiwa mbilu ya munhu.

BIBELE Mahungu Lamanene

⁴ Lexo sungula a xi fana ni nghala, kambe a xi ri ni timpapa ku fana ni gama. Kuteloko ndza ha langutile, timpapa ta xona ti hluviwa, kutani xi tlakusiwa, xi yimisiwa emisaveni hi milenge mimbirhi kukota munhu, kutani xi nyikiwa miehleketo ya vanhu.

Daniele 7:4 Iomraidhean Croise

2 SAMIELE 1:23

“Sawulo na Yonatani, varhandziwa ni lava tsakisaka evutomini bya vona, A va hambananga eku feni ka vona; A va tlula magama hi ku vevuka, A va tlula tinghala hi matimba.

Ntirho 25:6

Swi nga va yini ka munhu xi nga xivungu ntsena, Ni n'wana wa munhu lexi nga xivungunyana ntsena!”

Pisalema 9:20

Yehovha, chela nchavo exikarhi ka wona! Matiko a ma tivisise leswaku i vanhu ntsena!

Yeremiya 25:38

U sukile kukotisa nghala ya le xihlahleni, hikuva tiko ra vona ri hundzuriwe rhumbi hi vukari bya fumu leri dlayaka, ni vukari bya ku kariha ka yena.”

Yeremiya 4:13

Langutani muonhi u tlhandluka kukotisa mapapa; tigolonyi ta yena ti kotisa xidzedze; tihanci ta yena ti tlula makoti hi ku tsutsuma; khombo ri le ka hina, hikuva ha borisiwa!

Yeremiya 4:7

Nghala yi humile exihlahleni xa yona, kambe muonhi wa matiko u hlomile, u hume exivandleni xa yena ku ya onha tiko ra wena; miti ya wena yi ta herisiwa yi pfumala muaki.

Yeremiya 48:40

Hikuva ku vula Yehovha: “Vona, u haha kukota gama, u dlamula timpapa ta yena tlhelo ra Mowabu.

Yeremiya 49:19

“Vona, kukota nghala, u huma eswihlahleni swa Yordani, u tlhandlukela evuakweni lebyo tiya; kan'we ndzi ta balekisa Edomu, a suka kona; kutani yeloyi ndzi n'wi hlawuleke, ndzi ta lerisa yena ehenhla ka byona. Hikuva i mani la kotaka mina? I mani la nga ndzi vitelaka ehubyeni? I mani, murisi la nga yimaka emahlweni ka mina?

Swirilo 4:19

Vaxanisi va hina va ni matsamba Ku tlula magama ya le henhla; Va hi hlongorisa etintshaveni; Emananga va hi celela marindzi.

Ezekiele 17:3

u ku: Ku vula Hosi Yehovha: Gama lerikulu leri nga ni timpapa letikulu, leto leha, timpapa leti nga ni tinsiva ta mavalavala, ri tile eLebanoni, ri tshovile makumu ya rhavi ra Kedari.

Ezekiele 28:2

“N'wana wa munhu, u nge eka hosi ya Tiri, u ku: Hosi Yehovha u ri: Hikuva mbilu ya wena yi titlakusile, u vule leswaku: ‘Ndzi xikwembu, ndzi tshame exitshan'weni xa Xikwembu, exikarhi ka malwandle,’ kambe u munhu, a ku Xikwembu, hambi u veke mbilu ya wena ku fana ni mbilu ya Xikwembu.

Ezekiele 28:9

Xana u ta ku, ndzi xikwembu, emahlweni ka la nga ta ku tlhava xana? Kambe u munhu ku nga ri xikwembu, evokweni ra la ku tlhavaka.

Daniele 2:38

kutani hinkwako laha vana va vanhu, ni swiharhi swa nhova, ni tinyanyana ta le tilweni, va tiakeleke kona, xi va vekile emavokweni ya wena, xi ku endle hosi ya vona hinkwavo: Nhloko ya nsuku, hi wena.

Daniele 4:36

Enkarhini wolowo ku tiva ku tlhelele eka mina, ku kwetsima ka vuhosi bya mina, ni vukulukumba bya mina, ni vulombi bya mina swi tlherisiwe eka mina; vatsundzuxi va mina, ni tindhuna ta mina va ta ndzi teka, kutani ndzi vuya ndzi vekiwa evuhosini, kutani ndzi engeteleriwa hi vukulukumba lebyi tlurisaka.

Daniele 7:12

Loko swi ri swivandza swin'wana, swi tekeriwa vuhosi bya swona, kambe swi engeteriwa ku hanya nkarhi wun'we ni nkarhinyana wun'wana.

Daniele 7:5

“Kutani ndzi vona xivandza xin'wana xa vumbirhi xi fana ni bere, xi yimile hitlhelo rin'we, xi ri ni timbambu tinharhu enon'wini wa xona exikarhi ka meno, kutani ku vuriwa ka xona, va ku: ‘Suka u rhurhumbula tinyama leto tala.’

Matewu 24:28

Hikuva laha ntsumbu wu nga kona, hilaha makoti ma nga ta hlengeletana kona.

Duteronoma 28:49

“Yehovha u ta ku pfuxela tiko leri nga ekule, ri nga emakun'wini ya misava, tiko leri fanaka ni gama loko ri haha, tiko leri u nga ka u nga twisisi ririmi ra rona;

Nhlavutelo 13:2

Xivandza lexi ndzi xi voneke, a xi fana ni yingwe, milenge ya xona yi fana ni milenge ya bere; nomu wa xona wu fana ni nomu wa nghala; kutani dragona yi xi nyika matimba ya yona, ni xiluvelo xa yona, ni vuhosi lebyikulu.