Daniele 7:21 - Xitsonga (Bibele)

²¹ Kakuloko ndzi languta, ndzi vona hilaha rimhondzo lero ri lwaka ni vahlawuriwa ri va hlula,

BIBELE Mahungu Lamanene

²¹ Loko ndza ha langutile, ndzi vona rimhondzo leri ri lwa ni vahlawuriwa, kutani ri va hlula.

Daniele 7:21 Iomraidhean Croise

Daniele 11:31

Kutani mavandla lama humaka eka yena ma ta yima ma swihata xikwetsimisiso, ni khokholo, kutani ma ta herisa gandzelo ra masiku ni masiku, kutani ematshan'weni ya xona, va ta veka manyala ya muonhi.

Daniele 12:7

Kutani ndzi twa munhu la ambaleke ntsembyana, la yimeke ehenhla ka mati ya nambu, loko a tlakusa voko ra yena ra xinene ni voko ra ximatsi ehenhla, a hlambanya hi La hanyaka hilaha ku nga heriki, a ku: “Ku sele nkarhi wun'we, ni mikarhi mimbirhi ku yisa exikarhi ka nkarhi wun'wana; kutani leswo hinkwaswo swi ta endlakala loko matimba ya tiko lero kwetsima ma tshoviwile hinkwawo.”

Daniele 7:20

ni le matshan'weni ya timhondzo leta khume leti ngi ti ri enhlokweni ya xona, ni le matshan'weni ya rin'wana leri humeleleke, leri tin'wana tinharhu a ti wile emahlweni ka rona, ri nga rona rimhondzo leri ngi ri ri ni mahlo, ni nomu lowu vulavulaka hi ku tikurisa, leri vonakalaka ku hundzisa tin'wana.

Daniele 8:12

Mavandla ma nyiketiwile rona, ni gandzelo ra masiku hikwalaho ka swidyoho, kutani rimhondzo ri cukumeta switiyiso ehansi, ri endla, ri kuma mikateko emitirhweni ya rona.

Daniele 8:24

Ma tsimba ya yona ma ta engeteleka, kambe ma nga ri matimba ya yona, yi ta onha hi mukhuva lowu hlamarisaka, yi kateka, yi va yi hetisisa, yi lovisa tinhenha ni tiko ra vahlawuriwa.

Daniele 8:9

Eka rin'wana ra tona, ku mile rimhondzwana leri lehelaka tlhelo ra dzonga, ni le vuxeni, ni le tikweni lerinene;

Nhlavutelo 17:14

Ti ta lwa ni Xinyimpfana, kambe Xinyimpfana xi ta ti hlula, hikuva i Hosi ya tihosi ni Mufumi wa vafumi; kutani lava a nga na vona hi lava vitaniweke ni vahlawuriwa, ni vapfumeri.”

Nhlavutelo 17:6

Kutani ndzi vona wansati a pyopyiwile hi ngati ya vakwetsimi, ni ngati ya timbhoni ta Yesu; kakuloko ndzi n'wi vona, ndzi hlamala ngopfungopfu.

Nhlavutelo 19:19

Kutani ndzi vona xivandza, ni tihosi ta misava ni mavandla ya tona, va hlengeletene ku ta lwa ni loyi a khandziyeke mangwa ni mavandla ya yena.