Daniele 7:1 - Xitsonga (Bibele)

¹ Hi lembe ra ku sungula ka ku fuma ka Belxatsara, hosi ya Babilona, Daniele, a ri vulawini bya yena, a va ni norho ni swivono emoyeni wa yena.

BIBELE Mahungu Lamanene

¹ Hi lembe ro sungula ra ku fuma ka Belxatsara hosi ya le Babilona, Daniele loko a etlele, ú lorhile norho, a vona ni xivono, kutani a tsala norho wa kona ni timhaka ta wona,

Daniele 7:1 Iomraidhean Croise

Genesa 15:1

Endzhaku ka timhaka teto, rito ra Yehovha ri fika eka Abrama enorhweni, ri ku: “Abrama, u nga chavi. Ndzi xitlhangu xa wena ni hakelo ya wena leyikulu.”

Genesa 46:2

Kutani Xikwembu xi vulavula na Israele hi swivonakariso swa vusiku, xi ku: “Yakobo, Yakobo!” A hlamula a ku: “Hi mina loyi.”

Ntirho 4:13

Kakuloko mianakanyo yi pfuxiwa hi ku vona ka vusiku, Enkarhini lowu vurhongo byi khomaka vanhu,

Esaya 30:8

Famba sweswi u ya tsala timhaka leti ehenhla ka tafula emahlweni ka vona u tsala ni le bukwini ti ta hlayiseriwa emikarhini leyi taka, xi va xikombiso, hilaha ku nga heriki.

Esaya 8:1

Kutani Yehovha a ku eka mina: “Teka xiphepherhele lexi anameke, u tsala kona hi matsalwa lama vonakaka, u ku: ‘A ku hatliwe ku phangiwa, ku hlengeletiwa hi ku angwetla!’

Yeremiya 23:28

Muprofeta la nga ni norho, a a vulavule norho; la nga ni rito ra mina, a a vulavule rito ra mina swinene. Mungu wu endla yini exikarhi ka koro xana, ku vula Yehovha?

Yeremiya 27:7

Matiko hinkwawo ma ta n'wi tirhela, yena, ni n'wana wa yena, ni vatukulu va yena, ku ko ku fika nkarhi lowu tiko ra yena ri nga ta tsongahatiwa hi matiko layo tala ni tihosi letikulu.

Yeremiya 36:32

Kutani Yeremiya a teka buku yin'wana a yi nyika Baruku, n'wana Neriya, mutsari, a tsala eka yona hi nomu wa Yeremiya marito hinkwawo ya buku leyi Yoyakimi, hosi ya Yuda, ingi a yi hisile hi ndzilo; kambe va yi engetela hi marito yo tala kukotisa layo rhanga.

Yeremiya 36:4

Kutani Yeremiya a vita Baruku, n'wana Neriya, kutani Baruku a tsala ebukwini, hi nomu wa Yeremiya marito hinkwawo lawa Yehovha a nga n'wi byela wona.

Ezekiele 1:1

Hi lembe ra makume manharhu, hi siku ra vuntlhanu ra n'hweti ya vumune, loko a ndzi ri exikarhi ka lava yisiweke evukhumbini, enambyeni wa Kebara, matilo ma pfuleka, kutani ndzi vona mahlori ya Xikwembu.

Ezekiele 40:2

A ndzi yisa kona hi milorho ya mahlori ya Xikwembu, kutani a ndzi veka entshaveni leyo leha ngopfu, ehenhla ka yona a ku ri ni xilo lexi fanaka ni muti hitlhelo ra dzonga.

Daniele 1:17

Kutani Xikwembu xi nyika majaha laya mune lawa, vutlhari ni ku twisisa matsalwa, ni vutlhari hinkwabyo; kambe Daniele a va ni ku twisisa swikombiso hinkwaswo ni milorho.

Daniele 2:1

Hi lembe ra vumbirhi ra ku fuma ka Nebukadnetsara, hosi yi lorha milorho; kutani yi tlhaviwa emoyeni, yi nga ha kumi vurhongo.

Daniele 2:26

Hosi yi vulavula, yi ku eka Daniele, la thyiweke vito ra Beltexatsara: “Xana wa swi kota kunene ku ndzi byela norho lowu ndzi wu lorheke ni nhlamuselo ya wona-ke?”

Daniele 4:13

Eku voneni ka moya wa mina, loko ndza ha ri vulawini bya mina, ndzi vona ku humelela un'wana wa valanguteri lava hlawuriweke a xika etilweni.

Daniele 4:5

Ndzi va ni norho lowu ndzi tshuketeke, kutani mianakanyo ya mina loko ndzi ri emasangwini ya mina, ni leswi ndzi swi voneke enhlokweni ya mina, swi ndzi rhurhumerisa.

Daniele 5:1

Hosi Belxatsara a endlela tihosana ta yena ta khume ra madzana nkhuvo lowukulu; kutani a nwa vhinyo emahlweni ka lava khume ra madzana.

Daniele 5:22

Na wena, n'wana wa yena, wena Belxatsara, a ku tsongahatanga mbilu ya wena, ni loko u tivile timhaka teto hinkwato.

Daniele 5:30

Hi byona vusiku byebyo, Belxatsara, hosi ya Vakalediya, a dlawa.

Daniele 7:13

“Ndzi ku ndzi languta eswivonweni swa vusiku, kutani vonani, un'wana la fanaka ni n'wana wa munhu a humelela hi mapapa ya le henhla, a fika eka Nkulukumba wa masiku, a tisiwa emahlweni ka yena.

Daniele 7:15

“Mina, Daniele, ndzi twe mbilu ya mina yi ri ni nhlomulo exikarhi ka mina, ni swivono swa nhloko yanga swi ndzi tshukisa.

Daniele 7:7

“Endzhaku ka sweswo, loko ndzi languta eswivonweni swa vusiku, ndzi vona xivandza xa vumune lexi chavisaka, lexo leva, lexi hundzisaka hi matimba, xi ri ni meno lamakulu ya nsimbhi, a xi phorha xi tshovelela, xi kandziyela hi milenge leswi seleke; a xi nga fani ni swivandza swin'wana leswi xi rhangeleke emahlweni, kambe a xi ri ni timhondzo ta khume.

Daniele 8:1

Hi lembe ra vunharhu ra ku fuma ka hosi Belxatsara, mina, Daniele, ndzi humeleriwa hi xivono, endzhaku ka lexo sungula.

Yuwele 2:28

“Endzhaku ka sweswo, ndzi ta chela moya wa mina ehenhla ka nyama hinkwayo, ku ta profeta vana va n'wina va xinuna ni va xisati; swidyuhati swa n'wina swi ta lorha milorho, ni majaha ya n'wina ma vona mahlori.

Amosi 3:7

Hikuva Hosi, Yehovha, a nga endli nchumu a nga si kombisa makungu ya yena eka malandza ya yena va nga vaprofeta.

Habakuku 2:2

Kwalaho Yehovha a ndzi hlamula, a ku: “Tsala hlavutelo, yi vatle emahantini, leswaku la yi hlayaka a yi hlaya hi ku tsutsuma;

Tinhlayo 12:6

Kavaloko a ku: “Yingisani swinene marito ya mina! Loko muprofeta u kona exikarhi ka n'wina, mina Yehovha ndzi tikombisa ka yena hi mahlori, ndzi vulavula na yena enorhweni.

Varhoma 15:4

Hikuva timhaka hinkwato leti tsariweke eku sunguleni, ti tsariwile ku hi dyondzisa, leswaku, hi ku yingisela, ni ku chavelela loku humaka eMatsalweni, hi ta va ni ku langutela.

2 Vakorinto 12:1

Kunene a ndzi fanelangi ku tidzunisa, hikuva ndzi nga fika ni ka masingita ni ka swikombiso swa Hosi.

Nhlavutelo 1:19

Sweswi tsala timhaka leti u ti voneke ni leti nga kona sweswi, ni leti fanelaka ku ta endzhaku ka leti;

Nhlavutelo 10:4

Kuteloko tindlati ta ntlhanu na timbirhi ti pfumisile marito ya tona, a ndzi lava ku tsala, kambe ndzi twa rito leri humaka etilweni, ri ku eka mina: “Lemela swilo leswi nga vuriwa hi tindlati leta ntlhanu na timbirhi, u nga swi tsari.”