Daniele 6:8 - Xitsonga (Bibele)

⁸ Kutani, hosi, wa nga tiyisa ku lerisa loku, kutani u tsala nawu leswaku wu nga hundzuki, kukotisa nawu wa Vameda ni Vaperesi, wu nga nawu lowu nga riki na ku hundzuka.”

BIBELE Mahungu Lamanene

⁸ Kutani we hosi, nawu lowu u nga ta wu veka, u ta wu fungha hi mfungho wa wena leswaku ku nga vi na munhu loyi a nga wu hundzuluxaka, hikuva hi ntolovelo wa Vameda ni Vaperesi, milawu a yi hundzuluxiwi.”

Daniele 6:8 Iomraidhean Croise

Estere 1:19

Hikwalaho, loko hosi yi pfumela, ku lerisa ka ku fuma a ku endliwe hi yena, kutani ku tsariwa ebukwini ya milawu ya Peresi na Mediya, ku va loku nga riki na ku hundzuka, leswaku, Vhasiti a nga ha tshuki a ta emahlweni ka hosi Ahasuwerusi, kutani hosi a yi nyike vukosikazi bya yena eka un'wana la n'wi tlulaka hi ku lulama.

Estere 3:12

Hi laha vatsari va hosi va vitaniwaka hi siku ra khume na manharhu ra n'hweti yo sungula; ku tsaleriwa hinkwako hilaha Hamani a leriseke hakona; ku tsaleriwa tindhuna ta hosi, ni vafumi va tiko rin'wana ni rin'wana, ni tihosana ta vanhu van'wana ni van'wana; ku tsaleriwa tiko rin'wana ni rin'wana hi matsalele ya rona, ni vanhu van'wana ni van'wana hi ku vulavula ka vona; matsalwa ma tsariwa hi vito ra hosi Ahasuwerusi, kutani ku tiyisiwa hi xingwavila xa hosi.

Estere 8:10

Mordekayi a tsala hi vito ra hosi Ahasuwerusi, kutani a tiyisa hi xingwavila xa hosi, a rhumela mapapila hi vatsutsumi lava khandziyeke tihanci ni vakhandziyi va tikamela, ni timula leti tswalaka hi tihanci leta matswele.

Estere 8:3

Estere a engeta a vulavula emahlweni ka hosi, a tiwisela emahlweni ka milenge ya yena, a rila, a n'wi khongela leswaku a herisa ku biha ka Hamani, Muagaga, ni vutlhari bya yena lebyi ingi a hehleke Vayuda ha byona.

Estere 8:8

Loko swi ri tano, tsalani n'wina hi vito ra hosi ematshan'weni ya Vayuda hilaha mi swi rhandzaka, kutani mi tiyisa hi xingwavila xa hosi; hikuva papila leri tsariweke hi vito ra hosi, ri tiyisiweke hi xingwavila xa hosi, a ri na ku hundzukeriwa.”

Pisalema 94:21

Va rhambanela moya wa lowo lulama, Va avanyisa ngati ya la nga riki na nandzu.

Esaya 10:1

Khombo eka lava vekaka milawu leyi nga lulamangiki, lava tsalaka mapapila yo homboloka;

Daniele 5:28

Parisini (ku avanyisiwa): Vuhosi bya wena byi avanyisiwile, byi nyikiwile Vameda ni Vaperesi.”

Daniele 6:12

Kutani va tshinelela, va vulavula emahlweni ka hosi hi nawu lowu endliweke hi yona, va ku: “Xana a ku tsalanga nawu lowu nge: Munhu, hambi a ri mani na mani, la nga ta khongela xikwembu xin'wana, kumbe munhu un'wana hi masiku ya makume manharhu, loko a nga ri wena, hosi, u ta hoxiwa ekheleni ra tinghala-ke?” Hosi yi angula, yi ku: “I mhaka leyi tiyeke, i nawu wa Vameda ni Vaperesi, wu nga nawu lowu nga riki na ku hundzuka.”

Daniele 6:15

Kambe vavanuna valavo va ta eka hosi hi huwa leyikulu, va ku eka hosi: “Tiva, hosi, leswaku hi nawu wa Vameda ni Vaperesi, ku lerisa, hambi wu ri nawu lowu vekiweke hi hosi, a wu na ku hundzuka.”

Matewu 24:35

Tilo ni misava swi ta hundza, kambe marito ya mina ma nga ka ma nga hundzi.