Daniele 6:4 - Xitsonga (Bibele)

⁴ Kavaloko tindhuna ni masatrapi va lava nkarhi wa ku hehla Daniele entirhweni wa ku fuma lowu a wu tirhaka kambe a va wu kumanga, ni loko ku ri ku n'wi sandza ha nchumu, hikuva a a ri munhu la tshembekeke, kutani a ku nga ri na nandzu eka yena hambi byi ri vumbabva.

BIBELE Mahungu Lamanene

⁴ Kutani tihosana ni valanguteri lavan'wana va lava lexi va nga hehlaka Daniele ha xona entirhweni wa yena wa mfumo, kambe a va kumanga na xin'we lexi hoxekeke, hikuva a a tirha hi ku tshembeka.

Daniele 6:4 Iomraidhean Croise

Genesa 41:38

Kutani Faro a ku eka malandza ya yena: “Xana hi nga kuma munhu la fanaka na loyi, yeloyi moya wa Xikwembu wu nga eka yena?”

Genesa 43:18

Kambe va tshuka loko va yisiwa endlwini ya Yosefa, va ku: “Hi nghenisiwa hikwalaho ka mali leyi nga tlheriseriwa emikwameni ya hina enkarhini lowuyani; hi ta tengisiwa, va ta hi pfukela matimba, va hi wela ehenhla, va hi khoma ni timbhongolo ta hina, hi ta va makhumbi ya yena.”

Swivuriso 29:27

Xihunguki i manyala eka lavo lulama, Kutani la lulameke endleleni ya yena, i manyala eka munhu wo homboloka.

Eklesiasta 4:4

Kambe ndzi tsundzukile ntirho hinkwawo ni ntirho wihi ni wihi lowu nga ni vutlhari, kutani ndzi vonile leswaku munhu un'wana u ni mona eka un'wana. Na swona i swahava ni ku landza mheho.

Yeremiya 18:18

Va ri karhi va ku: “Tanani, hi endla makungu ku lovisa Yeremiya; hikuva nawu wu nga ka wu nga heri eka muprista, ni ku tsundzuxa ku nga ka ku nga heri eka la tlhariheke, ni loko ri ri rito eka muprofeta. Tanani, a hi n'wi tlhaveni hi ririmi, kutani hi nga anakanyi ku vulavula ka yena, ni kun'we.”

Yeremiya 18:23

Kambe, wena Yehovha, u tiva leswaku makungu hinkwawo ya vona ehenhla ka mina ku ndzi dlaya; u nga tshuki u funengeta nandzu wa vona, kutani u nga susi xidyoho xa vona emahlweni ka wena; a va susumetiwe emahlweni ka wena! Hi siku ra vukari bya wena u endlisa sweswo na vona.

Yeremiya 20:10

Hikuva ndzi twile ku hleva ka lavo tala; ku chavisa ku ndzi rhendzele hi matlhelo hinkwawo: “N'wi hleveni, hi ta n'wi hehla.” Hinkwavo lava ngi ndzi twanana na vona, lava langutelaka ku khunguvanyeka ka mina, va ri: “Ingi a nga kanganyisiwa, kutani hi n'wi hlula leswaku hi tirihisela eka yena!”

Yeremiya 29:7

Ma nga lavela muti lowo ndzi mi yiseke eku bohiweni eka wona ku tsaka, mi wu khongelela eka Yehovha, hikuva eku rhuleni ka wona, mi ta va ni ku rhula, na n'wina.

Daniele 3:8

Kwalaho, enkarhini wolowo, vanhu van'wana va Kalediya va tshinelela, va ta hehla Vayuda;

Daniele 5:12

hikuva moya wa ku tlakuka, ni ku tiva, ni ku twisisa ni ku hlamusela milorho, ni ku hlamusela swihundla, ni ku hlavutela ka swivutiso leswo nonon'hwa swi tshamile swi kumiwa eka yena, a nga Daniele, loyi hosi yi n'wi chuleke vito ra Beltexatsara. Loko swi ri tano, a ku vitaniwe Daniele, kutani u ta ku hlamusela.”

Daniele 6:22

Xikwembu xa mina xi rhumile ntsumi ya xona, yi sivile milomu ya tinghala leswaku ti nga tshuki ti ndzi endla nchumu, hikuva ndzi kumiwile ndzi nga ri na nandzu emahlweni ka xona; ni le mahlweni ka wena, hosi, a ndzi dyohanga nchumu.”

Matewu 26:4

va kanela makungu ya ku khoma Yesu hi vutlhari, va ta n'wi dlaya.

Matewu 27:18

Hikuva a a swi tiva leswaku va n'wi nyikete yena hi mona.

Luka 20:20

Kutani va n'wi xiya, va rhuma tinhlori leti tiendlaka vanhu lavanene, leswaku va ta n'wi phasa hi marito ya yena, va ta n'wi nyiketa tihosi ni le matimbeni ya mufumi.

Luka 20:26

Kutani va hluleka ku n'wi phasa hi marito ya yena emahlweni ka vanhu, kambe va hlamala hi ku hlamula ka yena, kutani va miyela.

Luka 22:2

Kutani vaprista lavakulu ni vatsari a va lava hilaha va nga ta dlaya Yesu hakona, hikuva a va chava tiko.

Yohane 19:4

Pilato a engeta a humela ehandle, a ku eka vona: “Vonani, ndzi n'wi humesile ehandle eka n'wina, mi ta tiva leswaku a ndzi kumi nandzu eka yena hambi wu ri wun'we.”

2 Vakorinto 11:12

Kambe leswi ndzi swi endlaka, ndzi ta engeta ndzi swi endla, leswaku loko va ri lava lavaka nkarhi, ndzi va pfumarisa wona, leswaku emhakeni leyi va tidzunisaka ha yena, va kumiwa va ri lava fanaka na hina.

Vafilipiya 2:15

leswaku mi pfumala xisandzu ni xivati, mi va vana va Xikwembu lava nga solekiki exikarhi ka rixaka leri onhakeke, lero homboloka, rolero mi nga va ni ku vangama exikarhi ka rona, kukotisa mavoningo emisaveni, mi ri karhi mi tamela rito ra vutomi;

1 Timotiya 5:14

Hikwalaho, ndzi rhandza leswaku lavantshwa va tekiwa, va veleka vana, va risa tindlu ta vona, va nga tshuki va nyika mukaneti nkarhi, ni lowutsongo, wa ku hleva.

Tito 2:8

marito ya wena a ma ve lama hanyisaka, lama nga solekiki, leswaku la kanetaka a va ni tingana hi ku pfumala leswo biha leswi a nga mi vulaka ha swona.

1 Petro 2:12

mi va ni mikhuva yo saseka exikarhi ka matiko, leswaku timhaka leti va mi hlevaka ha tona kukota loko ngi mi ri vadyohi, va ta tiva ku dzunisa Xikwembu ha tona, siku xi nga ta va endzela, hikwalaho ka mitirho leyo saseka leyi va nga ta va va yi vonile eka n'wina.

1 Petro 3:16

mi va ni ripfalo lerinene, leswaku timhaka leti va mi lumbetaka ha tona kukotisa loko ngi mi ri swidyohi, va khomiwa hi tingana eka tona, lava hlevaka mikhuva ya n'wina leyi nga eka Kriste.

Vaavanyisi 14:4

Loko a ri tata wa yena ni mana wa yena, a va nga swi tivi leswaku mhaka yoleyo yi hume eka Yehovha; kasi Samsoni a a lava nkarhi wa ku lwa ni Vafilista; hikuva enkarhini wolowo, Vafilista a va fuma Vaisraele.

1 SAMIELE 12:4

Va ku: “A ku dyanga swa hina, a ku hi kandlanga, kambe a ku amukelangi nchumu eka munhu ni un'we!”

1 SAMIELE 18:14

Davhida a a endla hi vutlhari etimhakeni hinkwato, kutani Yehovha a a ri na yena.

1 SAMIELE 22:14

Ahimeleke a hlamula, a ku eka yena: “I mani exikarhi ka malandza hinkwawo ya wena la tshembekaka kukotisa Davhida, mukon'wana wa hosi yi nga ndhuna leyi tivaka timhaka ni leyi dzunisiwaka endlwini ya wena?