Daniele 6:3 - Xitsonga (Bibele)

³ Loko a ri Daniele, a hundza tindhuna ni masatrapi hikuva a a ri ni moya lowu hlamarisaka kambe hosi yi anakanya ku n'wi veka ehenhla ka ku fuma hinkwako.

BIBELE Mahungu Lamanene

³ kambe a a hambene ni tihosana ni valanguteri lavan'wana, hikuva yena a a lulamile ngopfu; kutani hosi Dariyosi a ehleketa ku n'wi veka mulanguteri wa tiko ra yena hinkwaro.

Daniele 6:3 Iomraidhean Croise

Ezra 4:22

Kambe tivoneleni, mi nga tshuki mi hoxa ku endla sweswo, tihosi ti nga tshuki ti onhakelwa hikwalaho.”

Nehemiya 7:2

Ndzi veka Hanani, makwerhu, na Hananiya, mulerisi wa khokholo, leswaku va langutela Yerusalema, hikuva a a ri wanuna lonene, la chavaka Xikwembu ku tlurisa van'wana lavo tala.

Estere 10:3

Hikuva Muyuda Mordekayi a a ri wa vumbirhi, la tlhandlamaka hosi Ahasuwerusi; a va nkulukumba exikarhi ka Vayuda, ni la tsakisaka eka vunyingi bya varikwavo; a a lavela vanhu va rikwavo tintswalo, a kanelela hinkwavo va rixaka ra yena ku rhula.

Swivuriso 17:27

La tikhomaka emaritweni u tiva ku tlhariha, La tisivaka nomu u ni ku twisisa.

Swivuriso 22:29

Xana u tsundzukile munhu la gingiritekaka emitirhweni ya yena-ke? U ta yima emahlweni ka tihosi, A nga ka a nga yimi emahlweni ka vanhu ntsena.

Eklesiasta 2:13

Kutani ndzi vonile leswaku vutlhari byi sasekile ku tlula vuphukuphuku, kukotisa loko ku vonakala ku sasekile ku tlula munyama.

Daniele 5:12

hikuva moya wa ku tlakuka, ni ku tiva, ni ku twisisa ni ku hlamusela milorho, ni ku hlamusela swihundla, ni ku hlavutela ka swivutiso leswo nonon'hwa swi tshamile swi kumiwa eka yena, a nga Daniele, loyi hosi yi n'wi chuleke vito ra Beltexatsara. Loko swi ri tano, a ku vitaniwe Daniele, kutani u ta ku hlamusela.”

Daniele 5:14

Ndzi twile loko ku vuriwa, va ku: ‘Moya wa swikwembu wu le ka wena, ni leswaku ku kumiwile eka wena ku vonakala, ni mano, ni vutlhari lebyi tlurisaka.’

Daniele 5:7

Kutani hosi yi huwelela hi matimba leswaku ku tisiwa vangoma, ni Vakalediya ni va vungoma bya tinyeleti. Kutani hosi yi vulavula ni lava vutlhari va Babilona, yi ku: “Munhu, hambi a ri mani na mani, la nga ta hlaya leswi tsariweke la, la nga ta ndzi hlamusela swona, u ta ambexiwa nguvu ya xivunguvungu, u ta veheriwa ritlama ra nsuku enhan'wini, a nyikiwa ni xitshamo xa vunharhu eku fumeni ka mina.”

Daniele 9:23

Kuteloko wa ha ku sungula ku khongela, rito ri humelele, leri ndzi teleke ku ta ku tivisa rona, hikuva u ri la rhandziwaka. Yingisa rito swinene, u xiyaxiya xivono.