Daniele 5:7 - Xitsonga (Bibele)

⁷ Kutani hosi yi huwelela hi matimba leswaku ku tisiwa vangoma, ni Vakalediya ni va vungoma bya tinyeleti. Kutani hosi yi vulavula ni lava vutlhari va Babilona, yi ku: “Munhu, hambi a ri mani na mani, la nga ta hlaya leswi tsariweke la, la nga ta ndzi hlamusela swona, u ta ambexiwa nguvu ya xivunguvungu, u ta veheriwa ritlama ra nsuku enhan'wini, a nyikiwa ni xitshamo xa vunharhu eku fumeni ka mina.”

BIBELE Mahungu Lamanene

⁷ Kutani Belxatsara a huwelela vavhumbhi ni Vakalediya ni lava tivaka tinyeleti, a byela tintlhari leti ta Babilona, a ku: “Loyi a nga ta hlaya leswi tsariweke laha khumbini, a tlhela a ndzi hlamusela swona, ndzi ta n'wi ambexa xiambalo xa xivunguvungu, ndzi n'wi ambexa ni vuhlalu bya nsuku enhan'wini, kutani ndzi n'wi veka ku va ndhunankulu etikweni ra mina.”

Daniele 5:7 Iomraidhean Croise

Genesa 41:8

Nimixo, moya wa Faro a wu tshukile; kutani a rhuma ku ya vitana vangoma hinkwavo va Egipta ni tintlhari ta kona. Kutani Faro a va hlavutela milorho ya yena, kambe a ku vanga na un'we wa vona la tivaka ku hlamusela swona eka Faro.

Estere 3:1

Endzhaku ka sweswo, hosi Ahasuwerusi a tlakusa Hamani, n'wana Hamedata Muagaga; a n'wi kurisa, a tlakusa xitshamo xa yena ku tlurisa swa tihosana hinkwato leti ngi a ri na tona.

Eksoda 7:11

Kambe Faro a vitana tintlhari ni vangoma; kutani na vona, hikuva a ti ri tintlhari ta Egipta, va endlisa sweswo hi vutlhari bya vona:

Swivuriso 1:9

Hikuva swi ta va xibombiso lexo saseka enhlokweni ya wena, Ni sindza ra nkoka enhan'wini ya wena.

Risimu ra Tinsimu 1:10

Marhama ya wena ma sasekile exikarhi ka tinxaxa ta swingwavila, Ni nhamu ya wena hi mikarara ya vuhlalu.

Esaya 47:13

U tikarhatile ku ya eku hlahluveni! A va te sweswi va ku ponisa, lava pihlaka matilo, lava languta ka tinyeleti, lava bvumbhaka loko n'hweti yi tshama, lexi nga ta ku humelela!

Yeremiya 50:35

“Fumu a ri ve ehenhla ka Vakalediya, ku vula Yehovha, ni le henhla ka vaaki va Babilona, ni le henhla ka tihosi ta yena, ni le henhla ka va vutlhari va yena.

Ezekiele 16:11

Ndzi ku sasekisa hi swibombiso ni vusenga emavokweni, ndzi ku bohela ni sindza enhan'wini.

Daniele 1:20

Kutani etimhakeni hinkwato ta vutlhari ni mano hosi yi va vutisaka tona, yi kuma leswaku va tlula eka khume tintlhari hinkwato, ni vangoma lava nga eku fumeni hinkwako ka yona.

Daniele 1:4

ti va timbhuri leti nga riki na xisandzu ni xivati, ta mimombo leyo saseka, leta vutlhari, leti humeleleke emahlweni hi tidyondzo, leti nga ni ku twisisa vutivi, leti lulameleke ku nghena entirhweni wa yindlu ya hosi, ti ta dyondzisiwa ririmi ni matsalwa ya Vakalediya.

Daniele 2:2

Kutani hosi yi lerisa leswaku ku rhambiwa tintlhari, ni vabvumbi, ni vangoma, ni Vakalediya, va ta hlamusela hosi ku lorha ka yona. Kavaloko va ta, va yima emahlweni ka hosi.

Daniele 2:27

Daniele a hlamula emahlweni ka hosi, a ku: “Xihundla lexo hosi yi kombelaka nhlamuselo ya xona, a ku na munhu exikarhi ka tintlhari, ni loko ku ri eka lava bvumbhaka, kumbe eka lava dyondzeke, kumbe eka lava xiyaka tinyeleti, la nga tivaka ku xi tivisa hosi.

Daniele 2:48

Kutani hosi yi kurisa Daniele, yi n'wi avela tinyiko leto tala ta nkoka; yi n'wi veka mufumi wa tiko hinkwaro ra Babilona, yi n'wi endla ni ndhuna ya tintlhari hinkwato ta Babilona.

Daniele 2:6

kambe loko mi ndzi ringanyetela norho ni nhlamuselo ya wona, mi ta hiwa hi mina tinyiko, ni swo mi tsakisa, ni ntwalo lowu tlurisaka. Sweswo-ke hambani mi ndzi ringanyetela norho ni nhlamuselo ya wona.”

Daniele 4:14

A huwelela hi rito leri tlakukeke, a vulavula, a ku: ‘Tsemani murhi, mi khutulela marhavi ya wona; hundlani matluka ya wona mi hangalasa mihandzu ya wona; swiharhi swi tsutsuma swi tshuka endzhutini wa wona, ni tinyanyana ta le tilweni emarhavini ya wona.

Daniele 5:11

Munhu u kona eku fumeni ka wena loyi moya wa swikwembu leswo kwetsima wu nga eka yena; emikarhini ya tata wa wena, ku kumiwe eka yena ku vonakala, ni mano, ni vutlhari lebyo ngi i vutlhari bya swikwembu; kutani hosi Nebukadnetsara, tata wa wena, a n'wi vekile ndhuna ya tintlhari ni ya vangoma, ni ya Vakalediya, ni ya va vungoma bya tinyeleti, a ri tata wa wena, hosi;

Daniele 5:15

Kasi tintlhari ni vangoma va tisiwile emahlweni ka mina ku ta hlaya leswi tsariweke la, ni ku hlamusela timhaka ta swona, kambe va tsandzekile ku ndzi byela nhlamuselo ya swona.

Daniele 5:16

Kambe ndzi twile leswaku wena wa swi tiva ku nyika munhu nhlamuselo, ni ku hlamusela swivutiso leswo nonon'hwa. Loko kunene u nga hlaya leswi tsariweke ni ku ndzi tivisa timhaka ta swona, u ta ambexiwa nguvu ya xivunguvungu, u ta veheriwa ritlama ra nsuku enhan'wini ya wena, kutani u ta vekiwa exitshan'weni xa vunharhu eku fumeni ka mina.”

Daniele 5:29

Kutani hi ku lerisa ka Belxatsara Daniele a ambexiwa hi xivunguvungu, a veheriwa ritlama ra nsuku enhan'wini, kutani ku twarisiwa emahlweni ka yena leswaku u ta tshama exitshan'weni xa vunharhu xa ku fuma.

Tinhlayo 22:17

ndzi ta ku dzunisa ngopfu; kambe hinkwaswo leswi u nga ta ndzi byela, ndzi ta swi endla. Wa nga ta u ndzi rhukanela tiko leri!’ ”

Tinhlayo 22:7

Vakulu va Mowabu ni vakulu va Midiyani va suka, va tamerile swa ku hakela mungoma, va ya fika eka Balaama, va n'wi byela marito ya Balaka.

Tinhlayo 24:11

Sweswi tifambele ekarikwenu, ndzi vurile leswaku ndzi ta ku dzunisa ngopfu; kambe Yehovha u ku sivele ku amukela nchumu.”

1 SAMIELE 17:25

Kutani vanhu va Israele va ku: “Xana a mi vonanga wanuna la fambaka emahlweni? U humile ku sandza Israele. La nga ta n'wi dlaya, hosi yi ta n'wi nyika xuma lexikulu, yi n'wi nyika ni wanhwana wa yena, kutani yi ta tshunxa yindlu ya tata wa yena eIsraeleni.”