Daniele 5:16 - Xitsonga (Bibele)

¹⁶ Kambe ndzi twile leswaku wena wa swi tiva ku nyika munhu nhlamuselo, ni ku hlamusela swivutiso leswo nonon'hwa. Loko kunene u nga hlaya leswi tsariweke ni ku ndzi tivisa timhaka ta swona, u ta ambexiwa nguvu ya xivunguvungu, u ta veheriwa ritlama ra nsuku enhan'wini ya wena, kutani u ta vekiwa exitshan'weni xa vunharhu eku fumeni ka mina.”

BIBELE Mahungu Lamanene

¹⁶ Ndzi byeriwile leswaku wena u tiva ku hlamusela ni ku ololoxa swiphiqo swa vanhu. Kutani sweswi loko wo kota ku hlaya ni ku hlamusela leswi tsariweke, ndzi ta ku ambexa xiambalo xa xivunguvungu, ndzi ku ambexa ni vuhlalu bya nsuku enhan'wini, naswona ndzi ta ku veka ku va ndhunankulu etikweni ra mina.”

Daniele 5:16 Iomraidhean Croise

Genesa 40:8

Kutani va ku eka yena: “Hi lorhile milorho, kambe a ku na loyi a hi hlamuselaka.” Yosefa a ku eka vona: “Ku hlamusela a ku humi eka Xikwembu xana? Mi nga ndzi byela yona.”

Genesa 41:15

Kutani Faro a ku eka Yosefa: “Ndzi lorhe milorho, kambe a ku na la ndzi hlamuselaka yona; ndzi twile va ku vula leswaku loko u twe norho, wa hlamusela.”

Genesa 41:42

Faro a susa xingwavila xa yena eritihweni ra yena, a vehela eritihweni ra Yosefa; a n'wi bombisa hi mikhancu leya ntsembyana lowo vevuka, a n'wi bela ritlama ra nsuku enhan'wini;

Daniele 2:48

Kutani hosi yi kurisa Daniele, yi n'wi avela tinyiko leto tala ta nkoka; yi n'wi veka mufumi wa tiko hinkwaro ra Babilona, yi n'wi endla ni ndhuna ya tintlhari hinkwato ta Babilona.

Daniele 2:6

kambe loko mi ndzi ringanyetela norho ni nhlamuselo ya wona, mi ta hiwa hi mina tinyiko, ni swo mi tsakisa, ni ntwalo lowu tlurisaka. Sweswo-ke hambani mi ndzi ringanyetela norho ni nhlamuselo ya wona.”

Daniele 5:29

Kutani hi ku lerisa ka Belxatsara Daniele a ambexiwa hi xivunguvungu, a veheriwa ritlama ra nsuku enhan'wini, kutani ku twarisiwa emahlweni ka yena leswaku u ta tshama exitshan'weni xa vunharhu xa ku fuma.

Daniele 5:7

Kutani hosi yi huwelela hi matimba leswaku ku tisiwa vangoma, ni Vakalediya ni va vungoma bya tinyeleti. Kutani hosi yi vulavula ni lava vutlhari va Babilona, yi ku: “Munhu, hambi a ri mani na mani, la nga ta hlaya leswi tsariweke la, la nga ta ndzi hlamusela swona, u ta ambexiwa nguvu ya xivunguvungu, u ta veheriwa ritlama ra nsuku enhan'wini, a nyikiwa ni xitshamo xa vunharhu eku fumeni ka mina.”

Daniele 6:2

ehenhla ka wona a veka tindhuna tinharhu; Daniele a a ri un'wana wa tona, ti nga leti masatrapi walawo hinkwawo ma nga ta tihlamulela eka tona, hosi yi nga ti onhakeriwa hi nchumu.

Timhaka 8:18

Kambe Simoni, kakuloko a vona leswaku Moya lowo Kwetsima wu nyikiwa hi ku tlhandleka ka mavoko ya vaapostola, a va humesela mali, a ku: