Daniele 5:11 - Xitsonga (Bibele)

¹¹ Munhu u kona eku fumeni ka wena loyi moya wa swikwembu leswo kwetsima wu nga eka yena; emikarhini ya tata wa wena, ku kumiwe eka yena ku vonakala, ni mano, ni vutlhari lebyo ngi i vutlhari bya swikwembu; kutani hosi Nebukadnetsara, tata wa wena, a n'wi vekile ndhuna ya tintlhari ni ya vangoma, ni ya Vakalediya, ni ya va vungoma bya tinyeleti, a ri tata wa wena, hosi;

BIBELE Mahungu Lamanene

¹¹ Laha tikweni ra wena ú kona munhu un'wana loyi a nga ni moya wa swikwembu leswo hlawuleka. Enkarhini wa hosi Nebukadnetsara tata wa wena, munhu loyi a a vekiwile ku va ndhuna ya vangoma ni vavhumbhi ni Vakalediya ni lava tivaka tinyeleti, hikuva ú kumeke a ri ni vutivi ni ku twisisa, ni vutlhari lebyi fanaka ni bya swikwembu.

Daniele 5:11 Iomraidhean Croise

Genesa 41:38

Kutani Faro a ku eka malandza ya yena: “Xana hi nga kuma munhu la fanaka na loyi, yeloyi moya wa Xikwembu wu nga eka yena?”

2 SAMIELE 14:17

Kambe nandza wa wena u te: ‘Rito ra hosi, n'wini wanga, a ri hi nyike ku wisa,’ hikuva hosi, n'wini wa mina, yi fana ni ntsumi ya Xikwembu ku yingisa leswo lulama ni lexo biha; kambe Yehovha Xikwembu xa wena, a a ve na wena!”

Ezekiele 28:3

Vona, u tlharihe ku tlula Daniele; a ku na vutumbelo lebyi fihliweke eka wena.

Ezekiele 28:4

Hi vutlhari bya wena ni ku anakanya ka wena u tiendlele xuma, u tihlengeletele nsuku ni silivhere evuhlayiselweni bya wena.

Daniele 1:4

ti va timbhuri leti nga riki na xisandzu ni xivati, ta mimombo leyo saseka, leta vutlhari, leti humeleleke emahlweni hi tidyondzo, leti nga ni ku twisisa vutivi, leti lulameleke ku nghena entirhweni wa yindlu ya hosi, ti ta dyondzisiwa ririmi ni matsalwa ya Vakalediya.

Daniele 2:11

Mhaka leyi laviwaka hi hosi ya nonon'hwa, kutani a ku na un'wana la nga yi kombisaka hosi, loko swi nga ri swikwembu leswi nga akangiki xikarhi ka vanhu.”

Daniele 2:22

Hi xona lexi hlavutelaka leswi enteke ni swihundla; xi tivisisa leswi nga emunyameni; ku vonakala ku akile eka xona.

Daniele 4:18

“Hi wolowo norho ndzi wu lorheke, mina hosi Nebukadnetsara, kutani wena, Beltexatsara, u ndzi byela nhlamuselo ya wona, leswi tintlhari hinkwato ta ku fuma ka mina ti hlulekeke ku ndzi tivisa yona; kambe wena u nga swi tiva, hikuva moya wa swikwembu leswi hlawuriweke wu le ka wena.”

Daniele 4:5

Ndzi va ni norho lowu ndzi tshuketeke, kutani mianakanyo ya mina loko ndzi ri emasangwini ya mina, ni leswi ndzi swi voneke enhlokweni ya mina, swi ndzi rhurhumerisa.

Daniele 4:6

Ndzi kondza ndzi lerisa leswaku ku tisiwa emahlweni ka mina lava vutlhari hinkwavo va Babilona va ta ndzi funungulela norho wolowo.

Daniele 5:14

Ndzi twile loko ku vuriwa, va ku: ‘Moya wa swikwembu wu le ka wena, ni leswaku ku kumiwile eka wena ku vonakala, ni mano, ni vutlhari lebyi tlurisaka.’

Daniele 5:7

Kutani hosi yi huwelela hi matimba leswaku ku tisiwa vangoma, ni Vakalediya ni va vungoma bya tinyeleti. Kutani hosi yi vulavula ni lava vutlhari va Babilona, yi ku: “Munhu, hambi a ri mani na mani, la nga ta hlaya leswi tsariweke la, la nga ta ndzi hlamusela swona, u ta ambexiwa nguvu ya xivunguvungu, u ta veheriwa ritlama ra nsuku enhan'wini, a nyikiwa ni xitshamo xa vunharhu eku fumeni ka mina.”

Timhaka 12:22

Kutani vanhu va huwelela, va ku: “Rito leri, i ra Xikwembu, a hi ra munhu!”

Timhaka 14:11

Kutani a tlula a famba. Vunyingi, loko byi vona leswi endliweke hi Pawulo, byi sungula ku huwelela hi ririmi ra Valikawoniya, va ku: “Swikwembu swi tekile tinghohe ta vanhu, swi xikele eka hina.”

Timhaka 16:16

Kambe, kakuloko hi ya exikhongelweni, ku humelela nandza un'wana wa wansati loyi ngi a ri ni moya wa pitona (wa vungoma), a hlangana na hina; a a fumisa veni va yena hi ku bvumbha.

Nhlavutelo 3:9

Vona, ndzi ta ku tisela van'wana va sinagoga ya Satana, lava tivulaka Vayuda, kasi a hi vona, kambe va hemba; ndzi ta va tisa leswaku va khinsama emilengeni ya wena, va ta tiva leswaku ndzi ku rhandzile.