Daniele 4:7 - Xitsonga (Bibele)

⁷ Kutani ku tisiwa lavo tlhariha ni vangoma, ni Vakalediya, ni va vun'anga bya tinyeleti; kutani ndzi va byela norho, kambe va hluleka ku ndzi hlavutela wona.

BIBELE Mahungu Lamanene

⁷ Kutani vangoma, ni vavhumbhi, ni Vakalediya, ni lava tivaka tinyeleti va ta eka mina, leswaku ndzi ta va tivisa norho wa mina, kambe vona a va kotanga ku ndzi hlamusela leswi wu vulaka swona.

Daniele 4:7 Iomraidhean Croise

Genesa 41:24

Kutani min'oko ya timbakarhi yi kulungela min'oko leya ntlhanu na mimbirhi leyinene. Kutani ndzi byerile vangoma, kambe a ku na munhu la ndzi hlamuselaka.”

Genesa 41:8

Nimixo, moya wa Faro a wu tshukile; kutani a rhuma ku ya vitana vangoma hinkwavo va Egipta ni tintlhari ta kona. Kutani Faro a va hlavutela milorho ya yena, kambe a ku vanga na un'we wa vona la tivaka ku hlamusela swona eka Faro.

Pisalema 37:35

Ndzi vonile lowo biha la chavisaka, A nava kukotisa murhi lowu hlukeke ngopfu;

Esaya 44:25

Ndzi endle ku bvumbha ka vangoma xilo xa hava, ndzi hlanyisa va bvumbhi, ndzi tlherisele ndzhaku tintlhari, ndzi hundzula vutlhari bya tona vuphukuphuku.

Ezekiele 31:3

Vona, Asiriya a a ri kedari ya Lebanoni, lowu sasekeke hi marhavi ya wona, ni ku khuma loku nga ni ndzhuti; nsinya wa wona a wu lehile, manangwanangwa ya wona a ma ri exikarhi ka mapapa.

Daniele 1:4

ti va timbhuri leti nga riki na xisandzu ni xivati, ta mimombo leyo saseka, leta vutlhari, leti humeleleke emahlweni hi tidyondzo, leti nga ni ku twisisa vutivi, leti lulameleke ku nghena entirhweni wa yindlu ya hosi, ti ta dyondzisiwa ririmi ni matsalwa ya Vakalediya.

Daniele 2:10

Vakalediya va hlamula emahlweni ka hosi, va ku: “A ku na munhu emisaveni la nga tivaka ku humesa leswi komberiwaka hi hosi; na swona a ku na hosi, hambi yi ri leyikulu ni leya matimba leyi tshamaka yi lava, ni siku ni rin'we, xilo lexo tano eka mungoma ni loko ku ri ka ntlhari, kumbe ka Mukalediya.

Daniele 2:27

Daniele a hlamula emahlweni ka hosi, a ku: “Xihundla lexo hosi yi kombelaka nhlamuselo ya xona, a ku na munhu exikarhi ka tintlhari, ni loko ku ri eka lava bvumbhaka, kumbe eka lava dyondzeke, kumbe eka lava xiyaka tinyeleti, la nga tivaka ku xi tivisa hosi.

Daniele 2:7

Va vuyela va hlamula, va ku: “Hosi yi nga byela malandza ya yona norho kutani hi ta humesa nhlamuselo ya wona.”

Daniele 3:8

Kwalaho, enkarhini wolowo, vanhu van'wana va Kalediya va tshinelela, va ta hehla Vayuda;

Daniele 4:18

“Hi wolowo norho ndzi wu lorheke, mina hosi Nebukadnetsara, kutani wena, Beltexatsara, u ndzi byela nhlamuselo ya wona, leswi tintlhari hinkwato ta ku fuma ka mina ti hlulekeke ku ndzi tivisa yona; kambe wena u nga swi tiva, hikuva moya wa swikwembu leswi hlawuriweke wu le ka wena.”

Daniele 5:7

Kutani hosi yi huwelela hi matimba leswaku ku tisiwa vangoma, ni Vakalediya ni va vungoma bya tinyeleti. Kutani hosi yi vulavula ni lava vutlhari va Babilona, yi ku: “Munhu, hambi a ri mani na mani, la nga ta hlaya leswi tsariweke la, la nga ta ndzi hlamusela swona, u ta ambexiwa nguvu ya xivunguvungu, u ta veheriwa ritlama ra nsuku enhan'wini, a nyikiwa ni xitshamo xa vunharhu eku fumeni ka mina.”

Daniele 5:8

Kavaloko tintlhari hinkwato ta hosi ti nghena, kambe ti tsandzeka ku hlaya leswi tsariweke ni loko ku ri ku hlavutela hosi timhaka ta swona.