Daniele 4:18 - Xitsonga (Bibele)

¹⁸ “Hi wolowo norho ndzi wu lorheke, mina hosi Nebukadnetsara, kutani wena, Beltexatsara, u ndzi byela nhlamuselo ya wona, leswi tintlhari hinkwato ta ku fuma ka mina ti hlulekeke ku ndzi tivisa yona; kambe wena u nga swi tiva, hikuva moya wa swikwembu leswi hlawuriweke wu le ka wena.”

BIBELE Mahungu Lamanene

¹⁸ Lowu hi wona norho lowu ndzi wu lorheke mina hosi Nebukadnetsara. Kutani wena Beltexatsara ndzi hlamusele leswi wu vulaka swona, hikuva tintlhari hinkwato ta tiko ra mina ti tsandzekile. Kambe wena u nga swi kota, hikuva moya wa swikwembu leswo hlawuleka wu le henhla ka wena.”

Daniele 4:18 Iomraidhean Croise

Genesa 40:12

Yosefa a ku eka yena: “Ku hlamusela ka wona, hi loku: Marhavi lamanharhu, i masiku manharhu.

Genesa 41:15

Kutani Faro a ku eka Yosefa: “Ndzi lorhe milorho, kambe a ku na la ndzi hlamuselaka yona; ndzi twile va ku vula leswaku loko u twe norho, wa hlamusela.”

Genesa 41:8

Nimixo, moya wa Faro a wu tshukile; kutani a rhuma ku ya vitana vangoma hinkwavo va Egipta ni tintlhari ta kona. Kutani Faro a va hlavutela milorho ya yena, kambe a ku vanga na un'we wa vona la tivaka ku hlamusela swona eka Faro.

Esaya 19:3

Moya wa Egipta wu ta titivala, ndzi ta herisa makungu ya vona, va ta ya hlahluva eka swikwembu swahava, ni ka vangoma, ni ka vona lava vutisaka vafi, ni ka vabvumbi.

Daniele 1:20

Kutani etimhakeni hinkwato ta vutlhari ni mano hosi yi va vutisaka tona, yi kuma leswaku va tlula eka khume tintlhari hinkwato, ni vangoma lava nga eku fumeni hinkwako ka yona.

Daniele 2:38

kutani hinkwako laha vana va vanhu, ni swiharhi swa nhova, ni tinyanyana ta le tilweni, va tiakeleke kona, xi va vekile emavokweni ya wena, xi ku endle hosi ya vona hinkwavo: Nhloko ya nsuku, hi wena.

Daniele 2:7

Va vuyela va hlamula, va ku: “Hosi yi nga byela malandza ya yona norho kutani hi ta humesa nhlamuselo ya wona.”

Daniele 5:15

Kasi tintlhari ni vangoma va tisiwile emahlweni ka mina ku ta hlaya leswi tsariweke la, ni ku hlamusela timhaka ta swona, kambe va tsandzekile ku ndzi byela nhlamuselo ya swona.

Daniele 5:8

Kavaloko tintlhari hinkwato ta hosi ti nghena, kambe ti tsandzeka ku hlaya leswi tsariweke ni loko ku ri ku hlavutela hosi timhaka ta swona.

Amosi 3:7

Hikuva Hosi, Yehovha, a nga endli nchumu a nga si kombisa makungu ya yena eka malandza ya yena va nga vaprofeta.