Daniele 3:6 - Xitsonga (Bibele)

⁶ Kutani mani na mani la nga taka a nga khinsameri a gandzela xifaniso xa nsuku, u ta hoxiwa hi nomu wolowo ekheleni ra ndzilo lowo kariha.”

BIBELE Mahungu Lamanene

⁶ Loyi a nga ta ala ku nkhinsama a khongela, ú ta hatla a khomiwa, a hoxiwa ekheleni ra ndzilo lowu pfurhaka hi matimba.”

Daniele 3:6 Iomraidhean Croise

Genesa 19:28

Kutani a languta tlhelo ra Sodoma na Gomora, ni ra tiko hinkwaro ra rivala, kutani a vona musi wa misava wu tlhlandlukela ehenhla, wu fana ni musi wa xivumbi.

Eksoda 20:5

u nga tshuki u swi khinsamela, ni loko ku ri ku swi tirhela; hikuva hi mina Yehovha, Xikwembu xa wena, xa rilaveta, lexi baka vana hikwalaho ka ku homboloka ka vatswari va vona, ku yisa erixakeni ra vunharhu ni ra vumune eka lava ndzi vengaka;

Esaya 44:17

Kutani hi lexi nga sala, u tivatlela xifaniso xa xikwembu xa yena, a korhama emahlweni ka xona, a xi gandzela, a xi khongela, a ku: “Ndzi ponise! Hikuva u xikwembu xa mina!”

Yeremiya 29:22

Ku ta tekiwa rito ra ndzhukano eka vona hinkwavo lava bohiweke va Yuda lava nge Babilona, va ta ku: “Yehovha a a ku endle kukota Sedekiyasi, ni kukota Akabu, lava hosi ya Babilona yi va hiseke hi ndzilo.”

Daniele 2:5

Hosi yi hlamula, yi ku eka Vakalediya: “Rito ri huma eka mina, ri te: Kungakuloko mi nga ndzi tivisi norho ni ku hlamusela ka wona, mi ta pulukanyisiwa, kutani tindlu ta n'wina ti ta endliwa matala;

Daniele 3:11

ni leswaku mani na mani la nga taka a nga khinsami a gandzela, u ta hoxiwa ekheleni ra ndzilo lowo kariha.

Daniele 3:15

Sweswi, loko mi tilunghisile, hi nkarhi lowu mi yingisaka mpfumawulo wa mhalamhala, ni wa xitiringo, ni wa ritaninga, ni wa haripa, ni wa psalteri, ni wa gupu, ni wa leswi yimbiwaka hinkwaswo, mi khinsama, mi gandzela xifaniso lexi ndzi xi endleke: Loko swi nga ri tano loko mi nga gandzeli, mi ta hoxiwa hi nomu lowu, ekheleni ra ndzilo lowo leva. Kutani xikwembu hi xihi lexi nga ta mi ponisa emavokweni ya mina xana?”

Daniele 3:21

Kutani vanhu valavo va bohiwa va ri ni tihembe ta vona, ni tinguvu ta vona, ni swifunengelo swa vona, ni mikhancu hinkwayo ya vona, va hoxiwa ekheleni ra ndzilo lowo leva.

Daniele 3:7

Hi laha-ke, kuteloko va matiko hinkwawo va yingisa mpfumawulo wa mhalamhala, ni wa xitiringo, ni wa ritaninga ni wa haripa, ni wa psalteri, ni wa tinxaka hinkwato ta swa ku yimba, va matiko, ni swivongo, ni tindzimi, hinkwavo va khinsama, va gandzela xifaniso xa nsuku Lexi yimisiweke hi hosi Nebukadnetsara.

Daniele 5:19

Kutani hikwalaho ka vukulukumba lebyo ngi xi n'wi nyikile byona, vanhu va tinxaka hinkwato, ni va matiko hinkwawo, ni va tindzimi hinkwato, a va ri ni ku chava, va rhurhumela emahlweni ka yena; a tshama a dlaya loyi a rhandzaka ku n'wi dlaya, a hanyisa loyi a rhandzaka ku n'wi hanyisa, a tlakusa loyi a rhandzaka ku n'wi tlakusa, a tsongahata loyi a rhandzaka ku n'wi tsongahata.

Daniele 6:7

Tinganakana hinkwato ta ku fuma, tihosi ni masatrapi, vatsundzuxi ni tindhuna, va kanerile ku veka nawu wa hosi ni ku lerisa loku tiyeke, loku vulaka leswaku un'wana ni un'wana la nga ta khongela xikwembu xin'wana, ni loko ku ri munhu un'wana hi masiku ya makume manharhu, loko ku nga ri ku khongela wena, hosi, u ta hoxiwa ekheleni ra tinghala.

Matewu 13:42

Ti ta va cukumeta ekheleni ra ndzilo, laha mikosi yi nga ta va kona, ni ku getsela ka meno.

Matewu 13:50

ti va cukumeta ekheleni ra ndzilo laha mikosi yi nga ta va kona, ni ku getsela ka meno.”

Matewu 4:9

kutani a ku eka yena: “Swilo leswo hinkwaswo ndzi ta ku nyika swona, loko u ndzi khinsamela hi matsolo, u ndzi gandzela.”

Marka 6:27

Kutani a hatla a rhuma nhenha, a lerisa leswaku ku nehiwa nhloko ya Yohane.

Nhlavutelo 14:11

Musi wa ku xaniseka ka vona wu mbuluka hi masiku ni masiku, kutani lava gandzelaka xivandza ni xifaniso xa swona, va nga ka va nga kumi ku wisa vusiku ni nhlekanhi, hambi va ri lava amukeleke mfungho wa vito ra xona.”

Nhlavutelo 9:2

Kutani yi pfula khele ra tihele, kutani ku huma ekheleni musi lowu fanaka ni musi wa hondo lowukulu; kutani dyambu ni mpfhuka swi hundzuka ntima hi musi lowu humaka ekheleni.