Daniele 3:12 - Xitsonga (Bibele)

¹² Kasi, ku ni vanhu va Vayuda, lavo u va leriseke timhaka ta tiko ra Babilona, a nga Xadraka, na Mexaka, na Abedi-Nego; vanhu lava, a va vuri nchumu hi wena, hosi; a va tirheli swikwembu swa wena, kambe a va khinsami emahlweni ka xifaniso xa nsuku lexi u nga xi yimisa.”

BIBELE Mahungu Lamanene

¹² Kambe ku na Vayuda van'wana lava u va vekeke ku va tindhuna ta xifundzha xa Babilona, vona i Xadraka, na Mexaka, na Abedi-Nego. Hosi, vavanuna lava a va ku xiximi, swikwembu swa wena a va na mhaka na swona, hambi xifaniso lexi u xi yimiseke xa nsuku, a va xi khongeli.”

Daniele 3:12 Iomraidhean Croise

Estere 3:8

Hamani a ku eka hosi Ahasuwerusi: “Ku ni vanhu van'wana lava hangalakeke, lava avaneke exikarhi ka vanhu va matiko hinkwawo ya ku fuma ka wena; milawu ya vona yi hambanile ni ya vanhu van'wana; a va yi hi milawu ya hosi; a hi swinene leswaku hosi yi va tshika va rhula.

Swivuriso 27:4

Ku kariha ku ni nsele, ku holova i ku tala ka nambu, Loko ma ri mavondzo i mani a nga ta yima emahlweni ka wona?

Eklesiasta 4:4

Kambe ndzi tsundzukile ntirho hinkwawo ni ntirho wihi ni wihi lowu nga ni vutlhari, kutani ndzi vonile leswaku munhu un'wana u ni mona eka un'wana. Na swona i swahava ni ku landza mheho.

Daniele 1:7

ndhuna ya vatsheniwa yi va thya mavito man'wana: Yi thya Daniele vito ra Beltexatsara; Hananiya, ra Xadraka Mixaele, ra Mexaka; na Azariya, ra Abedi-Nego.

Daniele 2:48

Kutani hosi yi kurisa Daniele, yi n'wi avela tinyiko leto tala ta nkoka; yi n'wi veka mufumi wa tiko hinkwaro ra Babilona, yi n'wi endla ni ndhuna ya tintlhari hinkwato ta Babilona.

Daniele 2:49

Kambe Daniele a kombele ka hosi leswaku a veka Xadraka, Mexaka na Abedi-Nego va va entirhweni wa tiko ra Babilona; Daniele, yena, a va ehubyeni ya hosi.

Daniele 3:11

ni leswaku mani na mani la nga taka a nga khinsami a gandzela, u ta hoxiwa ekheleni ra ndzilo lowo kariha.

Daniele 3:16

Xadraka, na Mexaka na Abedi-Nego va hlamula, va ku eka hosi: “Wee Nebukadnetsara, a hi fanelanga ku ku hlamula nchumu emhakeni leyi.

Daniele 3:29

Kutani nawu wu vekiwa hi mina eka vanhu hinkwavo, ni ka matiko hinkwawo, ni ka va tindzimi hinkwato, leswaku munhu la solaka Xikwembu xa Xadraka, na Mexaka, na Abedi-Nego u ta pulukanyisiwa, kutani yindlu ya yena yi ta endliwa tala, hikuva a ku na Xikwembu ximbe lexi nga ponisaka hi mukhuva wolowo.”

Daniele 3:30

Ku suka enkarhini wolowo, hosi yi humelerisa emahlweni Xadraka, na Mexaka, na Abedi-Nego evukosini bya tiko ra Babilona.

Daniele 6:13

Kutani va hlamula, va ku eka hosi: “Yena Daniele, un'wana wa lava khomiweke lava humaka eYuda, a nga vuri nchumu hi wena, hosi, ni loko wu ri nawu lowu tsariweke hi wena, kambe a khongela Xikwembu xa yena kanharhu hi siku.”

Daniele 6:14

Hosi, kakuloko yi twa mhaka yoleyo yi tela hi nhlomulo ngopfu, kutani yi tsundzuka hi mbilu ya yona ku lamulela Daniele, yi va yi ringeta ku n'wi ponisa, dyambu ri ko ri lava ku pela.

Timhaka 17:7

kasi vona hinkwavo va ala ku lerisa ka Khezari, va ku: ‘Hosi yin'wana yi kona, a nga Yesu.’ ”

Timhaka 5:28

“Xana a hi mi lerisanga ngopfungopfu leswaku mi nga tshuki mi dyondzisa hi vito lero xana? Hambiswiritano, mi tatile Yerusalema hi dyondzo ya n'wina, kutani mi rhandza ku tisa ngati ya munhu loyi, henhla ka hina.”