Daniele 2:23 - Xitsonga (Bibele)

²³ Hi wena, Xikwembu xa vatata wa mina, loyi ndzi ku vongaka, ndzi ku dzunisaka hikuva u ndzi nyikile vutlhari ni matimba, u vuya u ndzi kombisa leswi hi swi kombeleke eka wena; hikuva u hi kombisile mhaka ya hosi.”

BIBELE Mahungu Lamanene

²³ We Xikwembu xa vatata wa hina, ndza ku nkhensa ni ku ku dzunisa, hikuva u ndzi nyikile vutlhari ni matimba; leswi hi nga swi kombela eka wena, u ndzi paluxerile swona, mhaka ya hosi, u hi tivisile yona.”

Daniele 2:23 Iomraidhean Croise

Genesa 18:17

Kutani Yehovha a ku: “Xana ndzi nga fihlela Abrahama leswi ndzi nga ta swi endla?

Genesa 31:42

Xikwembu xa tatana, Xikwembu xa Abrahama, lexi Isaka a xi chavaka, loko ngi xi nga ndzi lwelanga, i ngi u ndzi tlherisele hakunene ndzi nga ri na nchumu. Kambe Xikwembu xi vonile ku soriwa ka mina, ni ku xaniseka ka mavoko ya mina, kutani matolo xi avanyisile.”

1 TIHOSI 18:36

Kutani hi nkarhi wa ku humesa magandzelo, muprofeta Eliya a tshinela, a ku: “Yehovha, Xikwembu xa Abrahama, na Isaka, na Israele, a ku tiviwe namuntlha leswaku hi wena Xikwembu xa Israele, ni leswaku ndzi nandza wa wena, ni leswaku ndzi endlile swilo hinkwaswo leswi, hi ku lerisa ka wena!

1 TIHOSI 8:57

Yehovha, Xikwembu xa hina, a a ve na hina kukotisa leswi ngi a ri ni vatatana; a nga hi tshiki, a nga hi rivali,

1 TIKRONIKA 29:10

Kavaloko Davhida a khensa Yehovha emahlweni ka nhlengeletano hinkwayo, a ku: “A ku khensiwe Yehovha, Xikwembu xa Israele tata wa hina, hi masiku ni masiku!

1 TIKRONIKA 29:13

Oho! Xikwembu xa hina! Sweswi ha ku vonga, hi dzunisa vito ra wena leri kwetsimaka.

2 TIKRONIKA 20:6

kutani a ku: “Oho! Yehovha, Xikwembu xa vatata wa hina, a hi wena Xikwembu xa matilo, ni mufumi wa matiko hinkwawo xana? Evokweni ra wena ku ni matimba ni ntamu, a ku na munhu la tivaka ku lwa na wena.

Pisalema 21:2

U n'wi nyikile hilaha mbilu ya yena yi naveleke hakona, Kambe a ku solanga ku kombela ka milomu ya yena,

Pisalema 21:4

U kombele vutomi, kutani u n'wi nyikile byona, Byi ri vutomi lebyi tiyeke, lebyi nga heriki.

Pisalema 25:14

Makungu ya Yehovha i ya lava n'wi chavaka, Ku va dyondzisa ntwanano wa yena.

Pisalema 50:14

Humesela Xikwembu ku vonga ri nga gandzelo ra wena, U va u riha ku hlambanya ka wena eka La nge henhlahenhla.

Eksoda 3:15

Xikwembu xi engeta xi ku eka Muxe: “U ta va byela, u ku: ‘Yehovha, Xikwembu xa vatata wa n'wina, Xikwembu xa Abrahama, Xikwembu xa Isaka, Xikwembu xa Yakobo, xi ndzi rhumile eka n'wina.’ Hi rona vito ra mina hilaha ku nga heriki; hi xona xitsundzuxo xa mina etinxakeni ta tinxaka.

Swivuriso 21:22

La tlhariheke u khandziya emutini wa tinhenha, U wisa khokholo ra lava titshembaka.

Swivuriso 24:5

La tlhariheke u ni matimba, Ni munhu wo dyondzeka u tiyisa matimba ya yena;

Swivuriso 8:14

Ku tsundzuxa ni ku kateka i swa mina, Na wona mano, ni matimba i swa mina.

Eklesiasta 7:19

Vutlhari byi nyika lavo tlhariha matimba ku tlula vafambisi va khume va matimba lava nga emutini.

Eklesiasta 9:16

Kutani ndzi ku: “Vutlhari byi sasekile ku tlula matimba, hambiloko vutlhari bya xisiwana byi sandziwa, ni loko marito ya xona ma nga yingisiwi.”

Eklesiasta 9:18

Vutlhari byi sasekile ku tlula matlhari, kambe mudyohi a ri un'we u onha vunene lebyinyingi.

Esaya 12:1

Hi siku rero u ta ku: “Oho Yehovha! Ndza ku tlangela hikuva u ndzi karihele kambe vukari bya wena byi tlherile, kutani u ndzi chavelele.

Yeremiya 33:3

Vitana eka mina, ndzi ta ku hlamula, ndzi ku komba leswikulu, leswi fihliweke, leswi u nga swi tiviki.

Daniele 1:17

Kutani Xikwembu xi nyika majaha laya mune lawa, vutlhari ni ku twisisa matsalwa, ni vutlhari hinkwabyo; kambe Daniele a va ni ku twisisa swikombiso hinkwaswo ni milorho.

Daniele 2:18

va ku va kombela tintswalo eka Xikwembu xa le henhla ematshan'weni ya xihundla xexo, leswaku Daniele ni vanakulobye va nga tshuki va dlawa ni tintlhari tin'wana ta Babilona.

Amosi 3:7

Hikuva Hosi, Yehovha, a nga endli nchumu a nga si kombisa makungu ya yena eka malandza ya yena va nga vaprofeta.

Matewu 11:25

Enkarhini wolowo Yesu a vulavula a ku: “Ndza ku dzunisa, Tatana, Hosi ya le tilweni ni ya misava, hikuva timhaka teto u ti fihlele lavo tlhariha ni lava mano, kambe u ti tivisile lavatsongo.

Luka 10:21

Enkarhini wolowo, Yesu a tshukatshuka hi ku tsaka emoyeni wa yena a ku: “Ndza ku dzunisa Tatana, Hosi ya le tilweni ni ya misava, hikuva timhaka leti, u ti fihlele lavo tlhariha ni va mano, kambe u ti pfuletele lavatsongo. Ina, Tatana, swi tano, hikuva u swi rhandzise sweswo.

Yohane 11:41

Kavaloko va susa ribye, laha mufi ingi a vekiwile kona; kutani Yesu a tlakusela mahlo ehenhla, a ku: “Tatana, ndza ku khensa hikuva u ndzi yingisile.

Yohane 15:15

A ndza ha mi vuli malandza, hikuva nandza a nga tivi leswi hosi ya yena yi swi endlaka; ndzi mi vurile vanakulorhi, hikuva ndzi mi tivisile hinkwaswo leswi ndzi swi tweke eka Tatana.

Nhlavutelo 1:1

Ku hlavutela ka Yesu Kriste loku a ku nyikiweke hi Xikwembu, a ta tivisa malandza ya yena timhaka leti fanelaka ku humelela sweswi, leti a ti rhumeke hi ntsumi ya yena, a va a ti kombisa Yohane, nandza wa yena,

Nhlavutelo 5:5

Kutani un'wana wa vakulukumba a ku eka mina: “U nga rili, vona, nghala ya rixaka ra Yuda, rimitsu ra Davhida yi hlurile leswaku yi ta pfula buku ni ku lemula ku tiyisa kantlhanu na kambirhi ka yona.”