Daniele 2:22 - Xitsonga (Bibele)

²² Hi xona lexi hlavutelaka leswi enteke ni swihundla; xi tivisisa leswi nga emunyameni; ku vonakala ku akile eka xona.

BIBELE Mahungu Lamanene

²² xi paluxa swilo hinkwaswo leswi nga xihundleni; hi xona xi tivaka leswi nga xinyamini, hikuva laha xi nga kona, ku lo nghéé!

Daniele 2:22 Iomraidhean Croise

Genesa 41:16

Yosefa a hlamula Faro, a ku: “A hi mina: Xikwembu hi xona lexi nga ta hlamula Faro hi ku hlamula lokunene.”

Ntirho 12:22

Xi boxa makungu lama fihliweke emunyameni, Xi humesa ndzhuti wa rifu eku vonakaleni,

Ntirho 26:6

Ndhawu ya vafi yi fununguriwe emahlweni ka xona, Swidziva a swi sirheriwi,

Pisalema 104:2

U tifunengete hi ku vonakala kukotisa nkumba, U andlale matilo kukotisa tende.

Pisalema 25:14

Makungu ya Yehovha i ya lava n'wi chavaka, Ku va dyondzisa ntwanano wa yena.

Pisalema 36:9

Hikuva nseledyana ya vutomi yi na wena, Kutani eku vonakaleni ka wena hi vona ku vonakala.

Eklesiasta 8:1

La fanaka ni lowo tlhariha i mani xana? I mani la tivaka ku hlamusela mhaka xana? Vutlhari bya munhu byi sasekisa mombo wa yena, byi hundzula ku onya ka mombo wa yena.

Esaya 41:22

“Humesani timhaka ta n'wina, mi bvumbha leswi nga ta humelela! Mi bvumbhile tihi khale? Vulani, hi ta swi tiva, hi ta vona ku humelela eka swona, kumbe mi hi byele leswi nga ta humelela.

Esaya 41:26

Xi kombisiwe i mani ka ha ri eku sunguleni leswaku hi swi tiva; i mani la swi vuleke khale, hi ta ku: ‘Swi tano xana?’ A ku na munhu la vuleke ta yena, a ku na munhu la kombiseke ta yena. Marito ya n'wina a ma twiwanga hi munhu.

Esaya 42:9

Vonani, leswo rhanga swi endlekile, kutani ndzi mi tivisa leswintshwa, ndza swi bvumbha swi nga si humelela.”

Esaya 45:7

Hi mina la endleke ku vonakala ni munyama, ndzi tsakisa munhu, ndzi n'wi rhumela khombo; hi mina Yehovha, la endleke swilo sweswo hinkwaswo.

Yeremiya 23:24

Xana munhu a nga fihleka exihundleni, leswaku ndzi nga n'wi voni, ku vula Yehovha? A ndzi ku: Matilo ni misava swi tele ha mina, ku vula Yehovha?

Yeremiya 33:3

Vitana eka mina, ndzi ta ku hlamula, ndzi ku komba leswikulu, leswi fihliweke, leswi u nga swi tiviki.

Daniele 2:11

Mhaka leyi laviwaka hi hosi ya nonon'hwa, kutani a ku na un'wana la nga yi kombisaka hosi, loko swi nga ri swikwembu leswi nga akangiki xikarhi ka vanhu.”

Daniele 2:19

Kavaloko xihundla lexo xi kombisiwa Daniele exikombisweni xa vusiku, kutani Daniele a khensa Xikwembu xa le henhla.

Daniele 2:47

Kutani hosi yi vulavula na Daniele, yi ku: “Kunene Xikwembu xa n'wina i Xikwembu xa swikwembu, ni Hosi ya tihosi, ni muhlavuteri wa swihundla, hikuva xi kotile ku ndzi hlavutela xihundla xexo.”

Daniele 5:11

Munhu u kona eku fumeni ka wena loyi moya wa swikwembu leswo kwetsima wu nga eka yena; emikarhini ya tata wa wena, ku kumiwe eka yena ku vonakala, ni mano, ni vutlhari lebyo ngi i vutlhari bya swikwembu; kutani hosi Nebukadnetsara, tata wa wena, a n'wi vekile ndhuna ya tintlhari ni ya vangoma, ni ya Vakalediya, ni ya va vungoma bya tinyeleti, a ri tata wa wena, hosi;

Daniele 5:14

Ndzi twile loko ku vuriwa, va ku: ‘Moya wa swikwembu wu le ka wena, ni leswaku ku kumiwile eka wena ku vonakala, ni mano, ni vutlhari lebyi tlurisaka.’

Matewu 13:13

Hikwalaho ndzi vulavulaka na vona hi swifaniso hileswaku, hambi va vona, va nga ka va nga vonisisi, hambi va yingisa, va nga ka va nga yingisi ni ku swi twisisa.

Yohane 1:9

A ku ri kona ku vonakala lokunene loku voningaka munhu un'wana ni un'wana la tumbulukaka la emisaveni.

Yohane 21:17

A tlhela a ku eka yena ra vunharhu: “Simoni, n'wana Yona, xana wa ndzi rhandza xana?” Petro a va ni tingana hikuva a a n'wi vutisa ra vunharhu, a ku: “Wa ndzi rhandza xana?” Kutani a ku eka yena: “Hosi, u tiva hinkwaswo, wa swi tiva leswaku ndza ku rhandza.” Yesu a ku eka yena: “Risa tinyimpfu ta mina.

Yohane 8:12

Kutani Yesu a tlhela a vulavula na vona, a ku: “Hi mina ku vonakala ka misava; la ndzi landzelaka, a nga ka a nga fambi emunyameni, kambe u ta va ni ku vonakala ka vutomi.”

1 Vakorinto 4:5

Hikwalaho mi nga tshuki mi avanyisa nchumu, nkarhi wu nga si fika, Hosi yi ko yi vuya; hi yona leyi nga ta humesela eku vonakaleni leswi fihliweke hi swa munyama, ni ku kombisa makungu ya timbilu; kutani enkarhini wolowu, Xikwembu xi ta nyika munhu un'wana ni un'wana ku dzunisiwa loku n'wi ringanaka.

Vaefesa 3:5

Xihundla xolexo a xi kombisiwanga vana va vanhu etinxakeni ti n'wanyana hilaha xi hlavuteriweke hakona emikarhini leyi, hi Moya, eka vaapostola va yena lavo kwetsima ni ka vaprofeta,

Duteronoma 29:28

Kambe Yehovha u va tsuvurile emisaveni ya vona hi vukari, ni ku holova, ni ku hiseka lokukulu, kutani u va cukumetile emisaveni yin'wana, hilaha swi vonekaka hakona namuntlha.’

1 Timotiya 6:16

a nga yena a ri swakwe la nga riki wa ku fa, la tiakeleke eku vonakaleni laha ku nga tshineleriwiki, loyi ku nga riki na munhu exikarhi ka vanhu la n'wi voneke ni la nga n'wi vonaka; loyi ku chaviwa ni matimba lama nga heriki swi nga eka yena. Amen!

Vaheveru 4:13

Kutani a ku na xivumbiwa lexi nga vonakiki emahlweni ka xona, kambe hinkwaswo swi tshama ntsena swi ri erivaleni emahlweni ka loyi hi nga ni mhaka na yena.

Yakobo 1:17

ku nyika hinkwako loku sasekeke, hambi ku ri ku ha hinkwako loku hetisekeke, ku ta hi le henhla, ku xika hi le ka Tata wa ku vonakala, loyi a nga riki na ku hundzuka, hambi wu ri ndzhutinyana kona.

1 Yohane 1:5

Mhaka leyi hi nga yi twa eka yena, leyi hi mi byelaka yona, hileswaku Xikwembu i ku vonakala, kutani a ku na munyama eka xona, nikutsongo.