Daniele 2:11 - Xitsonga (Bibele)

¹¹ Mhaka leyi laviwaka hi hosi ya nonon'hwa, kutani a ku na un'wana la nga yi kombisaka hosi, loko swi nga ri swikwembu leswi nga akangiki xikarhi ka vanhu.”

BIBELE Mahungu Lamanene

¹¹ Leswi hosi yi kombelaka swona swa tika. A ku na munhu la nga kotaka ku hlamusela hosi, loko swi nga ri swikwembu, kambe swona a swi tshami na vanhu.”

Daniele 2:11 Iomraidhean Croise

Genesa 41:39

Kutani Faro a ku eka Yosefa: “Leswi Xikwembu xi nga ku kombisa mhaka leyi hinkwayo, a ku na munhu lowo tlhariha ni lowa ku twisisa kukotisa wena.

Genesa 41:8

Nimixo, moya wa Faro a wu tshukile; kutani a rhuma ku ya vitana vangoma hinkwavo va Egipta ni tintlhari ta kona. Kutani Faro a va hlavutela milorho ya yena, kambe a ku vanga na un'we wa vona la tivaka ku hlamusela swona eka Faro.

1 TIHOSI 8:27

“Kambe, xana kunene Xikwembu xi nga aka emisaveni xana? Waswivo, matilo ni matilo ya matilo a ma ku eneri; xana-ke Yindlu leyi ndzi akeke yona a hi yitsongo ku tlurisa xana?

2 TIKRONIKA 6:18

“Kambe xana kunene Xikwembu xi nga aka ni munhu emisaveni xana? Waswivo, matilo, ni matilo ya matilo ma nga ka ma nga ku ringani; swi tsandza ni yindlu leyi ndzi yi akeke!

Pisalema 132:14

“La, i vuwiso bya mina hi laha ku nga heriki; Ndzi rhandza ku aka kona, hikuva ndzi ku naverile.

Pisalema 68:18

U tlhandlukele ehenhla, u yise vakhomiwa, U tekile tinyiko exikarhi ka vanhu, Ni le xikarhi ka lava tiarisaka, Leswaku ku va ni vuako bya Yehovha Xikwembu exikarhi ka vona.

Eksoda 29:45

ndzi ta aka exikarhi ka vana va Israele, ndzi va Xikwembu xa vona;

Eksoda 8:19

Kavaloko tin'anga ti ku eka Faro: “I ritiho ra Xikwembu!” Hambiswiritano, mbilu ya Faro yi nonon'hwa, a nga yingisanga hilaha Yehovha a nga vula hakona.

Esaya 47:12

Tana sweswi u ri ni ku hlahluva ka wena, ni vungoma bya wena lebyi u byi tirheke evuntshweni bya wena, kumbexana byi ta ku pfuna, byi ku endla la chaviwaka hi vanhu!

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Esaya 8:18

Vonani, hi mina loyi ni vana lava Yehovha a ndzi nyikeke vona, hi ta va swikombiso ni swifaniso eka Israele, hi ku lerisa ka Yehovha wa tinyimpi, la akeke entshaveni ya Siyoni.

Daniele 4:4

Mina, Nebukadnetsara, a ndzi hanya hi ku tsaka endlwini ya mina, ndzi ri ni ku kateka endlwini ya mina ya vuhosi.

Daniele 5:11

Munhu u kona eku fumeni ka wena loyi moya wa swikwembu leswo kwetsima wu nga eka yena; emikarhini ya tata wa wena, ku kumiwe eka yena ku vonakala, ni mano, ni vutlhari lebyo ngi i vutlhari bya swikwembu; kutani hosi Nebukadnetsara, tata wa wena, a n'wi vekile ndhuna ya tintlhari ni ya vangoma, ni ya Vakalediya, ni ya va vungoma bya tinyeleti, a ri tata wa wena, hosi;

Yuwele 3:21

Ndzi ta hlantswa ngati ya vona, leyi ndzi nga siki yi hlantswa, kutani Yehovha u ta aka eSiyoni.”

Tinhlayo 35:34

Mi nga tshuki mi onha tiko leri mi nga ta aka eka rona, laha ndzi akeke kona; hikuva hi mina Yehovha la akeke exikarhi ka vana va Israele.’ ”

Matewu 19:26

Yesu a va languta, a ku eka vona: “Loko va ri vanhu, i mhaka leyi va tsandzaka, kambe Xikwembu a xi tsandzi hi nchumu.”

Yohane 1:14

Kutani Rito ri endliwile nyama, ri akile exikarhi ka hina, kambe hi hlalele ku vangama ka rona, ku nga ku vangama ka N'wana la nga swakwe, la humaka eka Tatana, a tele tintswalo ni vunene.

Yohane 14:17

wu nga moya wa ntiyiso, lowu misava yi nga hluleka ku wu amukela, hikuva a yi wu voni, a yi wu tivi; kambe n'wina ma wu tiva, hikuva wu tshama na n'wina, kutani wu ta va ka n'wina.

Yohane 14:23

Yesu a hlamula a ku eka yena: “Kungakuloko munhu a ndzi rhandza, u ta hlayisa marito ya mina, kutani Tatana u ta n'wi rhandza, kutani hi ta ta eka yena, hi aka eka yena.

2 Vakorinto 6:16

Tempele ya Xikwembu yi ni ku pfumelelana kwihi ni swifaniso leswi khongeriwaka? Hikuva hi n'wina mi nga tempele ya Xikwembu lexi hanyaka, kukotisa leswi Xikwembu xi nga te: “Ndzi ta tiakela exikarhi ka vona, ndzi tifambela kona, ndzi ta va Xikwembu xa vona, kutani vona va ta va tiko ra mina.”

Nhlavutelo 21:3

Kutani ndzi twa rito lerikulu ri huma exiluvelweni, ri ku: “Vonani tabernakela ya Xikwembu exikarhi ka vanhu; xi ta aka na vona, ri ta va tiko ra xona, kutani Xikwembu xi ta va na vona hi xiviri xa xona, xi va Xikwembu xa vona.