Daniele 12:4 - Xitsonga (Bibele)

⁴ “Kutani wena, Daniele, funengeta timhaka leto, u lemela buku leyi ku yisa enkarhini wa makumu; lavo tala va ta yi xiya, kutani ku tiva ku ta engeteleka.”

BIBELE Mahungu Lamanene

⁴ “Sweswi, we Daniele, hlayisa timhaka leti ti tsariweke, u nga tshuki u boxa xihundla xa kona; lavo tala va ta rhendzeleka-rhendzeleka, va lava vutivi, kambe va nge byi kumi.”

Daniele 12:4 Iomraidhean Croise

Esaya 11:9

Ku nga ka ku nga endliwi swo biha, ni ku onhiwa entshaveni hinkwayo leyi kwetsimaka ya mina; hikuva ku tiva Yehovha ku ta eneta misava, tanihi leswi mati ma funengetaka vuento bya lwandle.

Esaya 29:11

Kutani hlavutelo hinkwayo eka n'wina yi kotisa timhaka ta buku leyi lemeriweke; yi nyikiwa munhu la tivaka ku hlaya, kutani mi ku eka yena: “Yi hlaye-ke!” A hlamula, a ku: “Ndza hluleka, hikuva yi lemeriwile.”

Esaya 30:26

N'weti wa n'weti wu ta fana ni ku vonakala ka dyambu, ku vonakala ka dyambu ku ta engeteriwa kantlhanu na kambirhi, kukotisa masiku ya ntlhanu na mambirhi, hi siku Yehovha a nga ta ntshuxa mbanga ya tiko ra yena, a horisa mipfembeti ya ku biwa ka yena.

Esaya 32:3

Mahlo ya lava vonaka ma nga ha siveriwi, ni tindleve ta lava yingisaka ti ta yingisela.

Esaya 8:16

Phutsa vumbhoni byebyo; u tiyisa hi mfungho vuprofeta lebyi, eka vadyondzisiwa va mina!

Yeremiya 5:1

“Fambani hi switarata swa Yerusalema, mi languta, mi vutisa mi lava emitsendzeleni ya kona loko mi nga kuma munhu, hambi a ri un'we, la phikelelaka ku famba hi ku lulama, la lavaka leswo saseka, leswaku ndzi ta tsetselela muti.

Daniele 10:1

Hi lembe ra vunharhu ra Korexe hosi ya Peresi, rito ri kombisiwa Daniele la thyiweke vito ra Beltexatsara; rito lero ri tiyile, kambe ri vula khombo lerikulu; kutani a xiya rito lero swinene, a twisisa ni xivono.

Daniele 10:14

Kutani ndzi tile sweswi ku ku tivisa leswi nga ta humelelela tiko ra wena emikarhini ya makumu; hikuva xa ha ri xikombiso xa leswi nga ta ta.”

Daniele 10:21

Ntsena ndzi rhandza ku ku tivisa leswi tsariweke ebukwini ya ntiyiso; kutani a ku na la ndzi pfunaka ku lwa ni lavaya, loko a nga ri Mikaele, hosi ya n'wina.”

Daniele 11:33

Kutani lava tlhariheke, lava nga exikarhi ka tiko, va ta dyondzisa lavo tala, kambe van'wana va ta herisiwa hi matlhari, ni malangavi, ni ku bohiwa, ni ku phangiwa hi masiku man'wana.

Daniele 11:40

“Emikarhini ya makumu, hosi ya le dzongeni yi ta himana na yena, kutani hosi ya le n'walungwini yi ta wela ehenhla ka yena kukotisa xidzedze, hi tigolonyi ni lava khandziyeke tihanci, ni mabyatso layo tala; a ta nghena ematikweni a vavamela kukota nambu.

Daniele 12:13

Kambe wena, yana eku heleni ka wena, u wisa, kutani u ta pfuka u yimela ndzhaka ya wena eku heleni ka masiku.”

Daniele 12:5

Kutani, mina Daniele, ndzi languta, kutani vonani, vavanuna van'wana vambirhi a va yimile, un'wana entsungeni wa halenu wa nambu, un'wana entsungeni wa hase.

Daniele 12:9

A ku eka mina: “Famba, Daniele, hikuva timhaka leti ti ta sala ti funengetiwile, ti lemeriwile ku fikela enkarhini wa makumu.

Daniele 8:17

Kutani a tshinelela laha ndzi yimeke kona, kakuloko a ta, ndzi rhurhumela, ndzi wa hi mombo ehansi, kutani a ku eka mina: “Xiyaxiya, n'wana wa munhu, ku vona loku ku ta hetiseka eminkarhini ya makumu.”

Daniele 8:19

Kutani a ku eka mina: “Languta, ndzi ta ku kombisa leswi nga ta humelela emakun'wini ya vukari, hikuva wu kona nkarhi lowu vekeriweke makumu.

Daniele 8:26

Kutani xivono xa madyambu ni xa mixo lexi vuriweke, hi swona kunene. Loko u ri wena, funengeta xivono xolexo, hikuva xi langutele mikarhi leya ha riki ekule ngopfu.”

Matewu 24:14

Kutani Evhangeli leyi ya ku fuma yi ta vuriwa emisaveni hinkwayo leswaku byi va vumbhoni eka matiko hinkwawo; hi kona ku nga ta humelela makumu.

Varhoma 10:18

Kambe ndzi ri: “Xana a va ri twanga xana?” E-e va ri twile: “Mpfumawulo wa vona wu vile emisaveni hinkwayo, ni marito ya vona ma twakale emakun'wini ya misava.”

Nhlavutelo 10:4

Kuteloko tindlati ta ntlhanu na timbirhi ti pfumisile marito ya tona, a ndzi lava ku tsala, kambe ndzi twa rito leri humaka etilweni, ri ku eka mina: “Lemela swilo leswi nga vuriwa hi tindlati leta ntlhanu na timbirhi, u nga swi tsari.”

Nhlavutelo 22:10

Yi engeta yi ku eka mina: “U nga tshuki u lema hi mfungho timhaka ta vuprofeta bya buku leyi, hikuva nkarhi wu kusuhi.

Nhlavutelo 5:1

Kutani ndzi vona evokweni ra xinene ra la tshameke exiluvelweni buku leyi tsariweke endzeni ni le handle, yi tiyisiwe hi mifungho ya ntlhanu na mimbirhi.