Daniele 12:3 - Xitsonga (Bibele)

³ Lavo tlhariha va ta vangama kukotisa ku vangama ka le matilweni, kutani lava dyondziseke lavo tala eku lulameni, va ta fana ni tinyeleti hi mikarhi ni mikarhi, hilaha ku nga heriki.

BIBELE Mahungu Lamanene

³ Varhangeri lava tlhariheke va ta saseka, va vangama ku fana ni tilo; lava kombeke mintshungu ndlela ya leswo lulama, va ta vangama kukota tinyeleti minkarhi hinkwayo.

Daniele 12:3 Iomraidhean Croise

Eksoda 34:35

Vana va Israele va vone leswaku mombo wa Muxe wa hatima, kutani Muxe a tlhela a tifunengeta mombo, a ko a tlhela a nghena ku ya vulavula na Yehovha.

Swivuriso 11:30

Mihandzu ya munhu wo lulama i murhi wa vutomi; La tlhariheke u tikumela timbilu ta vanhu.

Swivuriso 3:35

Lavo tlhariha va ta dya ndzhaka ya xichavo, Loko swi ri swihunguki, ku twala ka swona i tingana.

Swivuriso 4:18

Ndlela ya lavo lulama yi kotisa ku vonakala, Ku hatima ka kona ku engeteleka ku fikela nhlekanhi lowukulu.

Eklesiasta 12:9

Mudyondzisi a va a tlharihile; a engeta kambe a dyondzisa tiko ku tlhariha, kutani a vutisisa, a lavisisa a lunghisa marito layo tala ya vutlhari.

Esaya 53:11

Hikwalaho ka ntirho wa moya wa yena, u ta tsaka, a xurha; hi ku tiva ka yena, nandza wa mina wa ku lulama u ta khanisa vanhu vo tala, kutani yena hi xiviri xa yena u ta tirhwalela ku dyoha ka vona.

Yeremiya 23:22

Loko ingi va yimele emakungwini ya mina, a va ta tivisa tiko ra mina marito ya mina, va va hundzuluxa emikhuveni ya vona leyo biha ni le vumbabveni bya ku endla ka vona!

Daniele 11:33

Kutani lava tlhariheke, lava nga exikarhi ka tiko, va ta dyondzisa lavo tala, kambe van'wana va ta herisiwa hi matlhari, ni malangavi, ni ku bohiwa, ni ku phangiwa hi masiku man'wana.

Daniele 11:35

Kutani exikarhi ka lava tlhariheke, van'wana va ta wa leswaku va ta ringetiwa, ni ku hlantswiwa, ni ku basisiwa, ku yisa emikarhini leyo hetelela, hikuva, na yona mhaka leyo, yi vekeriwe nkarhi lowu; vekiweke.

Daniele 12:10

Lavo tala va ta hlantswiwa, va basisiwa, va ringetiwa, kutani lavo biha va ta tshama va endla swo biha; kutani a ku na mudyohi la nga ta twisisa, kambe lavo tlhariha va ta twisisa.

Matewu 13:43

Enkarhini wolowo lavo lulama va ta hatima kukotisa dyambu eku fumeni ka Tata wa vona. La nga ni tindleve ku yingisa, a a yingise.

Matewu 19:28

Yesu a ku eka vona: “Kunene, ndza mi byela, ndzi ri eka n'wina lava mi ndzi landzeke: Hi siku ra ku vuyetela ka hinkwaswo, loko N'wana wa Munhu a ta tshamisa exiluvelweni xa ku kwetsima ka yena, mi ta tshama, na n'wina, eswiluvelweni swa khume na swimbirhi, mi avanyisa tinxaka ta Israele leta khume na timbirhi.

Matewu 24:45

“Xana i mani nandza lonene, wo tlhariha, loyi Hosi ya yena yi n'wi vekeke mulanguteri wa malandza ya yona ku va nyika swakudya enkarhini wa swona?

Yohane 4:36

Kambe la tshovelaka u teka hakelo, a hlengeletela vutomi lebyi nga heriki mavele, leswaku la byalaka a tsakisana ni la tshovelaka.

Yohane 5:35

Yohane a a ri rivoningo leri pfurhaka, leri voningaka; kutani n'wina mi rhandzile ku tsakela ku vonakala ka yena hi nkarhinyana.

Timhaka 13:1

Vaprofeta ni vafundhisi van'wana a va ri ekerekeni leyi nga eAntiyoka; a a ri Barnaba, na Simoni la thyiweke Nigere, na Lukiyo wa Kirene na Manaheme la nga kurisiwa swin'we ni tetrarka Heroda, na Sawulo.

1 Vakorinto 3:10

Loko ndzi ri mina, hi tintswalo ta Xikwembu leti ndzi ti nyikiweke, ndzi akile masungulo kukota muaki lowo tlhariha, kutani un'wana u aka ehenhla ka wona.

Vaefesa 4:11

Kutani wa ha ri yena la nyikeke van'wana va va vaapostola, van'wana vaprofeta van'wana vavuri va Evhangeli, van'wana varisi ni vadyondzisi,

Vaheveru 5:12

Hikuva a swi mi fanele khale ku va vafundhisi, kasi ni sweswi, ma ha fanela ku tivisiwa masungulo ya timhaka ta Xikwembu; kutani mi hundzukile vanhu lava faneriwaka hi ntswamba, ku nga ri hi swakudya leswi tiyeke.

2 Petro 3:15

Kutani mi ringanisa leswaku Hosi ya hina, loko yi lehisa mbilu, i ku mi hlayisa, kukotisa loko Pawulo, makwerhu la rhandziwaka, a mi tsaleleke na yena, hi vutlhari lebyi a byi nyikiweke,

Nhlavutelo 1:20

xihundla xa tinyeleti ta ntlhanu na timbirhi leti u ti voneke evokweni ra mina ra xinene, ni xa tikandelari ta nsuku, hi xo lexi: Tinyeleti ta ntlhanu na timbirhi, i tintsumi ta tikereke ta ntlhanu na timbirhi; kutani tikandelari ta ntlhanu na timbirhi, i tikereke ta ntlhanu na timbirhi.

Vaavanyisi 5:31

“Oho! Yehovha! Valala hinkwavo va wena a va lovisiwe sweswo! Loko, va ri lava ku rhandzaka, va ta fana ni dyambu, Loko ri tsuvuka ematimbeni ya rona.” Kutani tiko ri etlela hi malembe ya mune wa makume.