Daniele 11:5 - Xitsonga (Bibele)

⁵ “Kutani hosi ya le dzongeni yi ta kuma matimba, kutani yin'wana ya tindhuna na ta yena yi ta n'wi tlula hi matimba, kutani yi ta fuma; ku fuma ka yona ku ta va ku fuma ka matimba lamakulu.

BIBELE Mahungu Lamanene

⁵ “Kutani mufumi wa tiko ra Egipta, ú ta va ni matimba, kambe yin'wana ya tihosana ta yena en'walungwini yi ta n'wi kulela, yi sungula na yona ku va ni mfumo lowukulu.

Daniele 11:5 Iomraidhean Croise

Daniele 11:11

Kutani hosi ya le dzongeni yi ta kariha ngopfu, yi ta huma nyimpi ku ya lwa na yena, yi ri hosi ya le n'walungwini, yona yi ta rhamba mavandla lamakulu; kambe mavandla lawa ma ta nyiketiwa emavokweni ya yena.

Daniele 11:14

Emikarhini yoleyo lavo tala va ta hundzukela hosi ya le dzongeni hi matimba; kutani vanhu va vurhenha exikarhi ka tiko ra wena va va tiarisa, va ko va ta hetisa xikombiso lexi: kambe va ta wela ehansi.

Daniele 11:25

Kutani u ta tinyika matimba, a tiyisa mbilu ku ya lwa ni hosi ya le dzongeni hi mavandla lamakulu; kutani hosi ya le dzongeni yi ta ya lwa hi nyimpi leyikulu leyi tlurisaka hi matimba, kambe yi nga ka yi nga tiyi, hikuva va ta endla hi mano ku n'wi onha.

Daniele 11:40

“Emikarhini ya makumu, hosi ya le dzongeni yi ta himana na yena, kutani hosi ya le n'walungwini yi ta wela ehenhla ka yena kukotisa xidzedze, hi tigolonyi ni lava khandziyeke tihanci, ni mabyatso layo tala; a ta nghena ematikweni a vavamela kukota nambu.

Zakariya 6:6

Tihanci ta golonyi yin'wana, ti ri leta ntima, ti humela etikweni ra n'walungu, to basa ti landzela mitila ya tona; ta mavala ti humela etikweni ra le dzongeni,”