Daniele 11:4 - Xitsonga (Bibele)

⁴ Kutani, kutakuloko u tlakukile, ku fuma ka yena ku ta tshoviwa, ku avanyiseriwa etimhehweni ta mune ta le matilweni; kambe ku nga ka ku nga vi ka vatukulwana va yena, ni matimba ya vona ma nga ka ma nga ringani ni yo sungula, hikuva ku fuma ka yena ku ta tsuvuriwa ku ta pambuleriwa van'wana, va nga ri varikwavo.

BIBELE Mahungu Lamanene

⁴ Kambe loko a titwa a tiyile swinene mfumo wa yena wu ta pandzeka, wu avana wu huma mimfumo ya mune ni ku tlula; mimfumo leyi a yi nga tiyi ku fana ni lowo sungula, naswona a yi nga nyiketiwi eka vana va mufumi loyi; yi ta susiwa emavokweni ya vona, yi nyikiwa van'wana.

Daniele 11:4 Iomraidhean Croise

Pisalema 39:6

Kunene munhu wa fambafamba kukotisa ndzhuti, Va endla nkitsikitsi ku kuma swahava; U hlengeleta rifuwo, kambe a nga tivi la nga ta dya rona.

Eklesiasta 4:8

I munhu la tshameke a ri swakwe, a nga riki na wa vumbirhi, la pfumalaka n'wana kumbe makwavo; hambiswiritano, ntirho wa yena a wu na makumu, na wona mahlo ya yena a ma xurhi rifuwo. Xana ndzi tikarhatela mani, ndzi tsona moya wa mina ku kateka hikwalaho ka mani? Xolexo, na xona, i vuhava, i mhaka leyi nga humeseriki nchumu.

Yeremiya 12:15

Kambe kutakuloko ndzi va tsuvurile, ndzi ta tlhela ndzi va tsetselela; kutani ndzi ta va tlherisela un'wana ni un'wana endzhakeni ya yena, un'wana ni un'wana etikweni ra yena.

Yeremiya 12:17

Kambe kungakuloko va nga yingisi, tiko rero ndzi ta ri susa, ndzi ri tsuvula ndzi va ndzi ri herisa, ku vula Yehovha.”

Yeremiya 18:7

Kakuloko ndzi byela tiko, kumbe ku fuma, leswaku ndzi ta ri yimbula, ndzi ri kandziyela, ndzi ri heta;

Yeremiya 31:40

Nkova hinkwawo wa mitsumbu ni wa nkuma, ni masimu hinkwawo, ku yisa enambyaneni wa Kedroni ku fika eyinhleni ya nyangwa ya tihanci, hitlhelo ra vuxa, ku ta hlawuleriwa Yehovha; a ku nga ha mbundzuxiwi, a ku nga ha onhiwi hilaha ku nga heriki.”

Yeremiya 45:4

U ku eka yena: Ku vula Yehovha, a ku: Waswivo, leswi ndzi swi akeke ndzi ta swi mbundzuxa, ni leswi ndzi swi byaleke, ndzi ta swi tsuvula; swi tano emisaveni hinkwayo.

Yeremiya 49:36

Ndzi ta humesela Elamu mimoya ya mune, yi huma etinhleni ta mune ta le tilweni, kutani ndzi ta va hangalasa emimoyeni hinkwayo, ku nga ha ri na tiko leri valuveri va Elamu va nga fikiki eka rona.

Ezekiele 37:9

Kutani a ku eka mina: “Profetela moya, u profeta, wena, n'wana wa munhu, u ku eka moya: Ku vula Hosi Yehovha, a ku: Vuya hi timheho ta mune, wena moya, u hunga ehenhla ka vanhu lava feke lava, a va hanye kutani!”

Daniele 7:2

Kutani a tsala norho lowu, a tivisa tinhloko ta wona. Daniele a sungula, a ku: “A ndzi languta enorhweni wa mina wa vusiku, kutani ndzi vona timheho leta mune ta le tilweni ti pfuka hi matimba ehenhla ka Lwandle Lerikulu.

Daniele 7:6

“Endzhaku ka xona loko ndzi languta ndzi vona xivandza xin'wana lexi fanaka ni yingwe xi ri ni timpapa ta mune ta nyanyana enhlaneni wa xona, xivandza lexo a xi ri ni tinhloko ta mune, kutani xi nyikiwa vuhosi.

Daniele 7:8

Kakuloko ndzi languta timhondzo toleto, ndzi vona rimhondzwanyana rin'wana ri humelela exikarhi ka timhondzo tin'wana, kutani timhondzo tinharhu ta leto sungula ti guriwa hi rona, kutani, vonani, rimhondzo lero a ri ri ni mahlo lama fanaka ni ya munhu, ni nomu lowu vulavulaka hi ku tikurisa.

Daniele 8:22

Rimhondzo leri loko ri tshovekile, kutani timhondzo ta mune ti mila ematshan'weni ya rona, hileswaku ku fuma ka mune ku ta huma etikweni lero, kambe ku nga ka ku nga vi na matimba ya rona.

Daniele 8:8

Xiphongo xi va ni matimba hi ku tlurisa, kutani kuteloko xi fike ematimbeni ya xona, rimhondzo lero leha ri tshoveka, kutani ematshan'weni ya rona ku mila timhondzo ta mune to leha, ti kula tlhelo ra timheho ta mune ta le tilweni.

Zakariya 2:6

Yo! Yo! Balekani, n'wina mi nga etikweni ra n'walungu, ku vula Yehovha, hikuva ndzi mi hangalasile timhehweni ta mune ta tilo, ku vula Yehovha.

Zakariya 6:5

Kutani ntsumi yi ndzi angula, yi ku: “Sweswo i mimoya ya mune ya tilo leyi humaka laha yi nga yima emahlweni ka Hosi ya misava hinkwayo.

Matewu 12:25

Kasi Yesu hi ku tiva ku anakanya ka vona, a ku eka vona: “Ku fuma kun'wana ni kun'wana loku avanaka hi le xikarhi ka tilwisa, ku ta hundzuka mananga; ni muti wun'wana ni wun'wana, hambi yi ri yindlu leyi avanaka hi le xikarhi yi tilwisa, yi nga ka yi nga tiyi.

Luka 12:20

Kambe Xikwembu xi ku eka yena: ‘Wee xihunguki! Hi vusiku byebyi, moya wa wena wu ta tekiwa ka wena; kutani swilo leswo u swi lunghiseke, swi ta va swa mani xana?’

Nhlavutelo 7:1

Endzhaku ka swona, ndzi vona tintsumi ta mune ti yimile ematlhelweni ya mune ya misava ti sivela mimoya ya mune ya misava leswaku moya ni wun'we, wu nga tshuki wu hungela emisaveni ni le lwandle, hambi ku ri emurhini wu ri wun'we.