Daniele 11:21 - Xitsonga (Bibele)

²¹ “Ematshan'weni ya yena ku ta humelela un'wana la solekaka, la nga lulameriwiki hi vuhosi, kutani u ta tikombisa hi ku rhula, a titekela vuhosi hi mano.

BIBELE Mahungu Lamanene

²¹ Munhu loyi a a vulavula na Daniele a engeta a ku: “Endzhaku ka sweswo ku ta humelela mufumi loyi a nga tsakeriwiki hi munhu, loyi vuhosi byi nga riki bya yena; ú ta humelela vanhu va nga ehleketanga nchumu, a titekela vuhosi hi vukanganyisi.

Daniele 11:21 Iomraidhean Croise

Pisalema 12:8

Loko ku fuma vanhu lava fanelaka ku soriwa, Lavo homboloka va tifambela hinkwako.

Pisalema 15:4

Emahlweni ka yena munhu la solekaka u fanele ku cukumetiwa, Kambe u chava vanhu lava chavaka Yehovha. Loko a hlambanyile, a nga hundzuki, hambi a nga onhakeriwa.

Pisalema 55:21

Nomu wa yena wu tlula phehlwa hi ku nandziha; Kambe ku lwa ku kona embilwini ya yena; Marito ya yena ma tlula mafurha hi ku olova, Kambe i mabanga lama hlomuriweke.

Esaya 32:5

Mbabva a yi nga ha vuriwi nkulukumba, ni mudyeleri a nga ka a nga vuriwi munhu wa tintswalo.

Daniele 11:20

“Kutani, ematshan'weni ya yena, ku ta tshama un'wana la nga ta rhuma murihisi a heta tlhelo ra ku saseka ra ku fuma, ntsena u ta hela hi masiku ma nga ri mangani, kambe a swi nga endliwi hi vurhenha, ni loko yi ri nyimpi.

Daniele 11:32

Kutani hi ku xengetela ka yena, u ta tikokela lava tlulaka xinakulobye, kambe tiko ra lava tivaka Xikwembu xa vona, ri ta tiya, ri tirha.

Daniele 11:34

Kutani loko va wile va ta vona ku pfuneka ku nga ri kungani, kutani lavo tala va ta namarhelana na vona hi ku kanganyisa.

Daniele 11:7

“Kambe hluke rin'wana ra timitsu ta yena ri ta humelela exitshan'weni xa yena, u ta ta enyimpini, u ta nghena emakhokholweni ya hosi ya le n'walungwini, kutani a endla hi vona hilaha a rhandzaka ha kona, a va hlula.

Daniele 4:17

Ku avanyisa kuloko ku huma emakungwini ya valanguteri mhaka yoleyi yi lerisiwile hi vahlawuriwa, leswaku lava hanyaka va tiva leswaku La nge henhlahenhla u ni ku fuma ehenhla ka vuhosi bya vanhu, ni leswaku u byi nyika loyi a rhandzaka ku n'wi nyika byona, ni leswaku a nga tlakusela eka byona la hundzisaka hi vutsongo.’

Daniele 7:8

Kakuloko ndzi languta timhondzo toleto, ndzi vona rimhondzwanyana rin'wana ri humelela exikarhi ka timhondzo tin'wana, kutani timhondzo tinharhu ta leto sungula ti guriwa hi rona, kutani, vonani, rimhondzo lero a ri ri ni mahlo lama fanaka ni ya munhu, ni nomu lowu vulavulaka hi ku tikurisa.

Daniele 8:23

Emakun'wini ya ku fuma loku, loko vadyohi va tatile mpimo, ku ta humelela hosi ya mombo wa tihanyi ni ya vutlhari byo hlavutela swihundla.

Daniele 8:25

Kutani hikwalaho ka ku tlhariha ka yena, mano ma ta kateka emavokweni ya yona, kutani yi ta tikurisa embilwini ya yona, yi va yi dlaya lavo tala lava tshameke hi ku tsaka, kutani yi ta pfukela Hosi ya tihosi matimba, kambe yi ta tshoviwa ku nga ri hi voko ra munhu.

Daniele 8:9

Eka rin'wana ra tona, ku mile rimhondzwana leri lehelaka tlhelo ra dzonga, ni le vuxeni, ni le tikweni lerinene;

Nahume 1:14

Loko u ri wena, Ninivha, Yehovha u lerisa, a ku: “Vito ra wena a ri nga ha byariwi. Endlwini ya swikwembu swa wena, ndzi ta susa swifaniso leswi vatliweke ni leswi chuluriweke, kutani ndzi ta ku lunghisela sirha, hikuva u xahava.”

1 SAMIELE 3:13

Ndzi n'wi byerile leswaku ndzi ta avanyisa yindlu ya yena hilaha ku nga heriki hikwalaho ka xidyoho lexi a xi tivaka. Hikuva vana va yena va tilavele ndzhukano ehenhla ka vona, kambe a nga va layanga.