Daniele 11:12 - Xitsonga (Bibele)

¹² Kutani mavandla ya yena ma ta tikurisa, kutani mbilu ya yena yi ta tikukumuxa ngopfu, u ta wisa makume ya madzana ya vanhu; ntsena a nga ka a nga hluri.

BIBELE Mahungu Lamanene

¹² Mhaka leyi yi ta tsakisa ngopfu mufumi wa le dzongeni. Kutani ú ta rhumela mavuthu layo tala eku lweni, kambe ma ta ya fela kona hi magidigidi, kutani eku heteleleni, va le dzongeni va ta tsandzeka ku hlula valala va vona.

Daniele 11:12 Iomraidhean Croise

2 TIHOSI 14:10

U hlurile Edomu, kutani mbilu ya wena yi ku kukumuxile: tsakela ku twala ka wena, u sala ekaya! U pfuxela yini khombo leswaku u hluriwa wena, ni va Yuda na wena?”

2 TIKRONIKA 25:19

U vurile, u ku: ‘Waswivo, ndzi hlurile Edomu,’ kutani mbilu ya wena yi ku kucetele ku tidzunisa; sweswi, tshama ekaya ka wena! Xana u nga lavela yini khombo leswaku u lovisiwa, wena, ni va Yuda na wena-ke?”

2 TIKRONIKA 26:16

Kuteloko a kumile matimba, mbilu ya yena yi tikukumuxa yi ko yi n'wi lovisa; a dyohela Yehovha, Xikwembu xa yena, hi ku nghena etempeleni ya Yehovha ku hisa mirhi ealitarini ya mirhi ya risuna.

2 TIKRONIKA 32:25

Kambe Hezekiya a nga tlheriselanga Xikwembu hilaha a katekisiweke hakona, hikuva mbilu ya yena yi tikurisa; ku kariha ka Yehovha ku va kona henhla ka yena ni le henhla ka Yuda na Yerusalema.

Swivuriso 16:18

Ku tikurisa ku rhangela ku lova, Ku tidzunisa ku rhangela ku wa.

Ezekiele 28:17

Mbilu ya wena yi titlakusile hi ku saseka ka wena, u borise vutlhari bya wena hikwalaho ka ku kwetsima ka wena; ndzi ku cukumete ehansi, ndzi ku veke emahlweni ka tihosi, ti ta ku hlalela.

Ezekiele 28:2

“N'wana wa munhu, u nge eka hosi ya Tiri, u ku: Hosi Yehovha u ri: Hikuva mbilu ya wena yi titlakusile, u vule leswaku: ‘Ndzi xikwembu, ndzi tshame exitshan'weni xa Xikwembu, exikarhi ka malwandle,’ kambe u munhu, a ku Xikwembu, hambi u veke mbilu ya wena ku fana ni mbilu ya Xikwembu.

Ezekiele 28:5

Hi vukulu bya vutlhari bya wena, ni mabindzu ya wena, u andzise rifuwo ra wena, kutani mbilu ya wena yi titlakusile hi rifuwo ra wena.

Daniele 11:11

Kutani hosi ya le dzongeni yi ta kariha ngopfu, yi ta huma nyimpi ku ya lwa na yena, yi ri hosi ya le n'walungwini, yona yi ta rhamba mavandla lamakulu; kambe mavandla lawa ma ta nyiketiwa emavokweni ya yena.

Daniele 11:13

Hikuva hosi ya le n'walungwini yi ta hlengeleta kambe mavandla layo tala lama hundzisaka yo sungula, kutakuloko ku hundzile malembe man'wana, yi ta fika, yi ri ni nyimpi leyikulu ni vuhosi lebyo tala.

Daniele 5:23

Kambe u tikurisile emahlweni ka Hosi ya matilo; ku tisiwile emahlweni ka wena mindzheko ya yindlu ya yena; kutani wena, ni tindhuna ta wena, ni vasati va wena, ni swigangu swa wena, mi nwile vhinyo emindzekweni yoleyo, kutani u dzunisile swikwembu swa silivhere, ni swa nsuku, ni swa koporo, ni swa nsimbhi ni swa mitsandze, ni swa maribye, leswi nga riki na ku vona, ni ku yingisa, ni ku tiva; kasi Xikwembu lexi nga fumbarhela ku hefemula ka wena, ni mitila hinkwayo ya wena evokweni ra xona, a ku xi dzunisanga.

Daniele 8:25

Kutani hikwalaho ka ku tlhariha ka yena, mano ma ta kateka emavokweni ya yona, kutani yi ta tikurisa embilwini ya yona, yi va yi dlaya lavo tala lava tshameke hi ku tsaka, kutani yi ta pfukela Hosi ya tihosi matimba, kambe yi ta tshoviwa ku nga ri hi voko ra munhu.

Duteronoma 8:14

mbilu ya wena yi nga tshuki yi tikurisa, u va u rivala Yehovha, Xikwembu xa wena, lexi ku humeseke etikweni ra Egipta, endlwini ya vukhumbi,

1 Timotiya 3:6

Kambe a nga tshuki a va mupfumeri lontshwa, a nga ti tshuka a tikurisa, kutani a wela eku avanyiseni ka Diyavulosi.

1 Petro 5:5

Na n'wina lavantshwa, tivekeni ehansi ka lavakulu, mi ambala ku titsongahata, mi ri karhi mi tiveka ehansi ka van'wana, hikuva “Xikwembu xi alela lava tikurisaka, kambe xi tsetselela lava titsongahataka.”