Daniele 10:13 - Xitsonga (Bibele)

¹³ Kambe hosi ya ku fuma ka Vaperesi yi kanetile na mina hi masiku ya makume mambirhi na rin'we, kambe waswivo Mikaele, yin'wana ya tindhuna letikulu, yi tile ku ta ndzi pfuna; kutani mina ndzi sele ndzi ri swanga eka tihosi ta Vaperesi.

BIBELE Mahungu Lamanene

¹³ Ntsumi leyi yimelaka mfumo wa Vaperesi ematilweni, yi ringetile ku hingakanya ndlela ya mina, yi ndzi sivela ku suka ku ringana masiku ya 21; kambe Mikaele, yin'wana ya tintsumi letikulu ta le tilweni, ú tile a ta ndzi lamulela, kutani ndzi n'wi siyile a ri karhi a lwa ni mfumo lowu wa Vaperesi.

Daniele 10:13 Iomraidhean Croise

Ezra 4:24

Kavaloko ku yima ntirho wa yindlu ya Xikwembu eYerusalema, wu yima ku fikela lembe ra vumbirhi ra ku fuma ka Dariyosi, hosi ya Peresi.

Daniele 12:1

“Enkarhini wolowo, Mikaele, ndhuna leyikulu, leyi yimelaka vana va tiko ra wena, u ta humelela, kutani masiku ya mapfalo ma ta va kona, layonghasi ma nga siki vaka kona mpfhuka matiko ma ri kona, ku fikela enkarhini wolowo. Ntsena emikarhini yoleyo, tiko ra wena ri ta ponisiwa, va nga hinkwavo lava tsariweke ebukwini.

Vaefesa 6:12

Hikuva eku lweni ka hina, a hi lwi na nyama na ngati, kambe hi lwa ni vafumi, ni leswa matimba, ni tihosi hinkwato ta munyama, ni mimoya leyo biha ya swivandla swa le henhla.

Vakolosa 2:10

Kutani eka yena mi kume ku tala hinkwako, yena a nga nhloko ya vuhosi hinkwabyo ni ya ku fuma hinkwako.

1 Vatesalonika 2:18

Hikwalaho, hi rhandzile ku ta eka n'wina, ngopfu mina Pawulo, ndzi ringetile kan'we na kambirhi, kambe Satana u hi siverile.

1 Petro 3:22

la nga ya etikweni, la nga evokweni ra xinene ra Xikwembu; tintsumi, ni tihosi, ni ku fuma swi ri karhi swi vekiwa ehansi ka yena.

Yuda 1:9

Kasi loko a ri Mikaele, ntsumi leyikulu, loko a kanetana na Diyavulosi, va ri karhi va lwetana hi ntsumbu wa Muxe, u chavile ku n'wi avanyisa hi mirhukano, kambe a ku: “Hosi a yi ku tshinye!”

Nhlavutelo 12:7

Kutani ku lwa ku va kona etilweni; Mikaele ni tintsumi ta yena va lwa ni dragona; yona dragona, yi lwa yi ri ni tintsumi ta yona.