Amosi 8:5 - Xitsonga (Bibele)

⁵ Ni Savata yi ta hundza rini, hi ta pfula swivuya, hi ta hunguta mpimo, hi kurisa nxavo, hi hoxisa xikalo hi ku kanganyisa?

BIBELE Mahungu Lamanene

⁵ Mi byelana mi ku: “Xana nkhuvo wa siku ra ku tshama ka n'weti wu ta hela rini, hi ta kota ku xavisa mavele? Siku ra Savata rona ri ta hundza rini xana, hi ta kota ku xavisa mavele ya maxalana? Hi ta hunguta xisakana, kutani hi tlakusa nxavo wa kona, hi xisa vanhu hi mimpimo leyi nga riki yona;

Amosi 8:5 Iomraidhean Croise

2 TIHOSI 4:23

Yena a ku: “U yela yini eka yena namuntlha-ke? N'weti a wu si vonaka, naswona a hi Savata.”

Eksoda 31:13

“Byela vana va Israele, u ku: ‘Mi ta hlayisa Tisavata ta mina; hikuva i xikombiso xa n'wina na mina etinxakeni ta n'wina, mi ta ti va leswaku hi mina Yehovha la mi hlawulaka.

Swivuriso 11:1

Xikalo xa vunwa xi vengiwa hi Yehovha, Kambe mpimo lowo lulama wa n'wi tsakisa.

Swivuriso 16:11

Mpimo ni xikalo lexo lulama i swa Yehovha, Hinkwawo maribye ya ku pima lama nga enkwameni, i ntirho wa yena.

Swivuriso 20:23

Maribye mambirhi ya ku pima lama hambaneke i manyala eka Yehovha, Ni xikalo xa ku dyelela a hi xilo lexo lulama.

Esaya 1:13

Tshikani ku ndzi nehela mihlengo ya vunwa ndzi venga murhi lowu nun'hwelaka ni swimusi, ni Tisavata, ni tinhlengeletano; swa ndzi tsandza ku vona ku dlaya ku pfangene ni nkhuvo.

Esaya 58:13

“Loko u khoma nenge wa wena leswaku u nga tluri nawu wa Savata, hi ku ka u nga endli swa wena hi siku lero ra mina lero kwetsima, loko u vula leswaku siku ra Savata hi kona ku tsaka ka wena, ni leswaku lexi kwetsimeleke Yehovha xi fanekeriwa hi xichavo; loko u ri hlawula hi ku ka u nga fambi hi tindlela ta wena, hi ku ka u nga endli ku rhandza ka wena, u nga vuri timhaka ta swahava,

Hosiya 12:7

Kambe loko u ri wena, tlhelela eka Yehovha, u hlayisa tintswalo ni ku lulama, u titshembela Xikwembu xa wena hi masiku.

Hosiya 12:8

Efrayimi i Mukanana (muxavisi); evokweni ra yena u tamele xikalo xa ku xisa, u rhandza ku kanganyisa.

Levhitika 19:36

Mi ta va ni xikalo lexo lulama, ni maribye ya xona yo lulama; ni efa leyi lulameke ni hino leyi lulameke: hi mina Yehovha, Xikwembu xa n'wina, la mi humeseke eEgipta.

Zakariya 5:6

Ndzi ku: “Xini?” Kutani yi ku: “I efa leyi humelelaka.” Yi engeta, yi ku: “Hi xona xifaniso xa vona hinkwako emisaveni.”

Zakariya 5:8

Kutani yi ku: “Loyi i vudyohi!” Kutani yi n'wi hoxa endzeni ka efa, yi hoxa ni xifunengeto lexo tika xa ntsopfu ehenhla ka nomu wa yona.

Malakiya 1:13

Kutani mi ri: ‘Languta, a hi ku karhata ka xona!’ Mi vuya mi xi sola, ku vula Yehovha wa mavandla; mi tisa lexi yiviweke, ni lexi khwitaka, ni lexi vabyaka, mi endla gandzelo ha swona! Xana ndzi ta swi amukela emavokweni ya n'wina xana? Ku vula Yehovha.

Tinhlayo 10:10

Emasikwini ya ku tsaka ka n'wina, ni le mikhubyeni ya n'wina, ni le ku sunguleni ka tin'hweti, mi ta yimba tinanga mi ri karhi mi humesa tiholokosta, ni magandzelo ya n'wina ya ku khensa, swi ta va xitsundzuxo emahlweni ka Xikwembu xa n'wina. Hi mina Yehovha, Xikwembu xa n'wina.”

Vakolosa 2:16

Hikwalaho, munhu a nga tshuki a mi sola emhakeni ya ku dya ni ya ku nwa, hambi ku ri emhakeni ya mikhuvo, ni ya tin'weti letintshwa ni ya Tisavata;

1 SAMIELE 20:5

Davhida a ku eka Yonatani: “N'weti yi ta vonaka mundzuku, ndzi ta fanela ku tshamisa eku dyeni ni hosi; ndzi tshike ndzi famba, ndzi ya tumbela emasin'wini ku fika siku ra vunharhu nimadyambu.