Amosi 8:3 - Xitsonga (Bibele)

³ Tinsimu ta yindlu ya vuhosi, ti ta hundzuka swirilo hi siku rero,” ku vula Hosi Yehovha. “Ku ta tala mitsumbu, yi ta cukumetiwa hinkwako, ku miyeriwile.”

BIBELE Mahungu Lamanene

³ Hi siku ra kona, tinsimu ta le ntsindza ti ta hundzuka swirilo. Ndzi vula sweswo, mina HOSI N'wini wa hinkwaswo. Mintsumbu yi ta tala swinene. Etindhawini hinkwato va ta yi cukumetela ehandle, va miyerile.”

Amosi 8:3 Iomraidhean Croise

Pisalema 39:9

Ndzi miyerile, ndzi nga ahlamisi nomu, Hikuva hi wena la tirhaka.

Esaya 37:36

Hi vusiku byebyo, ntsumi ya Yehovha yi huma, yi dlaya vavanuna va 185 000 emixaxeni ya Vaaxuru nimixo, kuteloko va pfukile, maswivo a yi ri mitsumbu ntsena.

Yeremiya 22:18

Hikwalaho, Yehovha a nga vula ematshan'weni ya Yoyakimi, n'wana Yosiya, hosi ya Yuda a ku: “A nga ka a nga rileriwi va ku: ‘Yo, makwerhu!’ Hambi va ku: ‘Yo, makwerhu wa wansati!’ A nga ka a nga rileriwi va ku: ‘Yo, hosi! Yo, vuhosi bya yena!’

Swirilo 2:10

Vakulu va nhwanyana wa Siyoni va titshamele ehansi, va timiyelela; Va ticherile tinhloko ta vona hi ntshuri, Va tibohile tinguvu leto khwaxa. Vanhwanyana va Yerusalema, va khomiwile hi tingana, va korhamele ehansi.

Yuwele 1:11

Varimi va tsemeke nhlana, ni varimi va vhinya va kolola hikwalaho ka koro ni barley, hikuva ntshovelo wa masimu wu onhakile.

Yuwele 1:13

N'wina vaprista, ambalani maxuka mi tiba swifuva! Rilani, n'wina lava mi tirhelaka alitari. Tanani mi tshama nivusiku, mi funengele maxuka, n'wina lava mi tirhelaka Xikwembu xa mina! Hikuva mihlengo ni magandzelo a swa ha fiki endlwini ya Xikwembu xa n'wina!

Yuwele 1:5

Hanyanyani, swidakwa, mi kolola! Na n'wina hinkwenu, vanwi va vhinyo, rilelani dzova ra vhinyo leri vutliwaka enon'wini wa n'wina!

Levhitika 10:3

Muxe a ku eka Aroni: “Hi lexi Yehovha a xi leriseke, loko a ku: ‘Ndzi ta kwetsimisiwa hi lava ndzi tirhelaka, ndzi dzunisiwa emahlweni ka tiko hinkwaro.’ ” Kambe Aroni a miyela.

Amosi 4:10

“Ndzi mi rhumele ntungu lowu fanaka ni wa le Egipta, ndzi dlayile majaha ya n'wina hi tlhari, tihanci ta n'wina ti phangiwa, ku nun'hwa loku humaka emixaxeni ya n'wina ndzi ku fikisile etinhompfini ta n'wina; hambiswiritano, a mi tlhelelanga eka mina,” ku vula Yehovha.

Amosi 5:16

Hikwalaho, ku vula Yehovha Xikwembu xa tinyimpi, yena Hosi: “Swirilo swi ta va kona eswivandleni hinkwaswo, kutani va ta huwelela emitsendzeleni hinkwayo, va ku: ‘Yoo! Yoo!’ Murimi u ta vitaneriwa ku rila, ni lava tivaka tinsimu ta mahlomulo va vitaneriwa mikosi.

Amosi 5:23

Susani huwa ya tinsimu ta n'wina kule na mina, ndzi nga ka ndzi nga yingiseri mpfumawulo wa magubu ya n'wina;

Amosi 6:4

“Va seketele ehenhla ka switshamo leswi endliweke hi timhondzo ta ndlopfu, va tiolorile ehenhla ka masangu ya vona, va dya swinyimpfana swa ntlhambi, ni marhole lama nonisiweke.

Amosi 6:5

Va ri karhi va yimbelela tinsimu ta swahava hi mpfumawulo wa magupu; va tisungulela swo yimbelela ha swona kukota Davhida,

Amosi 6:8

Hosi, Yehovha, u hlambanyile hi moya wa yena, a ku: Ku vula Yehovha, Xikwembu xa tinyimpi: “Ndzi vengile ku tikurisa ka Yakobo, ndzi yila tindlu ta yena ta vuhosi; ndzi ta nyiketa valala muti ni hinkwaswo leswi nga eka wona.”

Amosi 8:10

Ndzi ta hundzula mikhuvo ya n'wina mikosi, ni tinsimu hinkwato to tsaka, ndzi ti hundzula mahlomulo; ndzi ta ambexa swisuti hinkwaswo hi tinguvu to khwaxa, ndzi endla tinhloko hinkwato mimpandhla; e xirilo ndzi xi endla lexi fanaka ni xirilo lexi endleriwaka n'wana la nga swakwe, ku hetelela ka xona ku fana ni siku lero vava.

Nahume 3:3

Vakhandziyi va nyiketa, savula ra hatima, fumu ra hatima, lava tlhaviweke hi lavanyingi — i tinyandzanyandza ta lava dlaweke, a ku na laha mitsumbu yi helaka kona — va khunguvanyeka hi mitsumbu leyi feke!

Sofoniya 1:7

Miyelani emahlweni ka Hosi Yehovha! Hikuva siku ra Yehovha ri tshinele; hikuva Yehovha u lunghise xitlhavelo, u basisile lava a va viteke.