Amosi 8:12 - Xitsonga (Bibele)

¹² Va ta famba va huma elwandle rin'wana va ya eka rin'wana, va ta tsutsuma va huma en'walungwini ku ya fika evuxeni, va tsendzeleka va ri karhi va lava rito ra Yehovha, kambe va nga ka va nga ri kumi!

BIBELE Mahungu Lamanene

¹² Va ta tsendzeleka, va suka emakumu ka tiko va ya fika emakumu, va ya ni le matlhelweni hinkwawo ya timheho; va ta tsutsuma va ya hala ni hala, va ri karhi va lava rito ra mina HOSI, kambe a va nga ri kumi.

Amosi 8:12 Iomraidhean Croise

Swivuriso 1:28

Enkarhini wolowo va ta vitana eka mina, kambe ndzi nga ka ndzi nga hlamuli; Va ta ndzi lava, kambe va nga ka va nga ndzi kumi.

Swivuriso 14:6

Musandzi u lava vutlhari, kambe a nga byi kumi, Kasi mano ma kumeka hi ku olova hi lava nga ni ku twisisa.

Swivuriso 29:18

Mahlori loko ku ri hava, a ku na nawu etikweni, Kambe siku ri hlayisaka milawu, ri katekile!

Ezekiele 20:3

“N'wana wa munhu, vulavula eka vakulukumba va Israele, u ku eka vona: Hosi Yehovha u ri: Xana mi tele ku ta ndzi vutisa xana? Ndza hanya, a ndzi pfumeli ku vutisiwa hi n'wina, ku vula Hosi Yehovha.

Ezekiele 20:31

Kutani mi tisa magandzelo ya n'wina mi hisa ni vana va n'wina, mi ri karhi mi tinyamisa hi swifaniso swa n'wina hinkwaswo ku fikela ni namuntlha; kutani ndzi nga pfumela ku vutisiwa hi n'wina, yindlu ya Israele xana? Hi ku hanya ka mina, ku vula Hosi Yehovha, ndzi nga ka ndzi nga vutisiwi hi n'wina!

Daniele 12:4

“Kutani wena, Daniele, funengeta timhaka leto, u lemela buku leyi ku yisa enkarhini wa makumu; lavo tala va ta yi xiya, kutani ku tiva ku ta engeteleka.”

Hosiya 5:6

Va ta lava Yehovha hi tinyimpfu ta vona, ni tihomu ta vona, kambe va nga ka va nga n'wi kumi: U va fularhelile.

Matewu 12:30

Loyi a nga yimiki na mina, u lwa na mina; ni la nga hlengeletiki na mina, wa hangalasa.

1 SAMIELE 3:1

Wandzisanyana Samiele a a tirhela Yehovha emahlweni ka Heli. Kambe rito ra Yehovha a ri kala emasikwini lawa; ni mahlori ma nga talanga.