Amosi 8:10 - Xitsonga (Bibele)

¹⁰ Ndzi ta hundzula mikhuvo ya n'wina mikosi, ni tinsimu hinkwato to tsaka, ndzi ti hundzula mahlomulo; ndzi ta ambexa swisuti hinkwaswo hi tinguvu to khwaxa, ndzi endla tinhloko hinkwato mimpandhla; e xirilo ndzi xi endla lexi fanaka ni xirilo lexi endleriwaka n'wana la nga swakwe, ku hetelela ka xona ku fana ni siku lero vava.

BIBELE Mahungu Lamanene

¹⁰ Ndzi ta hundzula minkhuvo ya n'wina yi va minkosi, ni tinsimu ta n'wina hinkwato ti va ta swirilo; ndzi ta mi ambexa leswo khwaxa hinkwenu, ndzi mi byewula ni tinhloko. Siku ra kona, ndzi ta ri endla ri fana ni ra ku rila n'wana un'we wa xinuna; eku heteleleni, ku ta sala mbitsi ntsena.”

Amosi 8:10 Iomraidhean Croise

Genesa 21:16

a ya tshamisa a langutana na yena empfhukeni wa ku copa ka vurha, hikuva a a ku: “Ndzi nga ti vona ku fa ka n'wananga!” A tshama a langutana na yena, kutani a tlakusa rito, a rila.

Ntirho 20:23

Hi nkarhi lowu a xurhisaka khwiri ra yena, Xikwembu xi ta n'wi ba hi ku hisa ka ku kariha ka xona, Xi ta n'wi nisela emarhumbyini ya yena ematshan'weni ya vuswa.

Ntirho 3:5

A ri laviwe hi munyama ni mindzhuti ya rifu, Mapapa a ma ri funengete, A ri chavisiwe hi leswi nyamisaka dyambu!

Ntirho 30:31

Haripa ya mina yi hundzukile xirilo, Ni nanga ya mina, rito ra lava rilaka.”

Esaya 3:24

Ematshan'weni ya leswo nun'hwela, ku ta va ku bola; ni le matshan'weni ya deveci, ku ta va pindza; ematshan'weni ya misisi leyi horhiweke, ku ta va mimpandhla; ematshan'weni ya tinguvu leto kokakoka, ku ta va saka lero khwaxa; ematshan'weni ya vumbhurhi, ku ta va xisandzu lexi funghiweke hi ndzilo.

Yeremiya 2:19

U ta holoveriwa hi ku biha ka wena, u ta biwa hi ku hundzuka ka wena; u ta tiva, u va u vona leswaku ku tshika Yehovha, Xikwembu xa wena, ni ku ka u nga n'wi chavi, i mhaka leyo biha,” ku vula Hosi, Yehovha wa tinyimpi.

Yeremiya 48:37

Hikuva tinhloko hinkwato ti byewuriwile, ni malebvu hinkwawo va byewurile va tlhavele mavoko hinkwawo, kutani tinguvu ta ku khwaxa ti le swisutini hinkwaswo swa vona.

Yeremiya 6:26

N'wana wa tiko ra mina, tibohe duku lero khwaxa, u vumbuluka enkumeni, u tirilela kukotisa loko va rilela n'wana la nga swakwe, u ba nkosi lowukulu wa ku vaviseka hikuva muonhi u ta hi humelela hi xipuku.

Swirilo 5:15

Ku tsaka ka timbilu ta hina ku herile; Ku cina ka hina ku hundzukile nkosi,

Ezekiele 7:18

Va ta ambala tinguvu leto khwaxa, ku chava ku va funengeta; tingana ti le mimombyeni ya vona, tinhloko ta vona ti byewuriwile.

Ezekiele 7:2

“N'wana wa munhu, Hosi Yehovha u vulavula ehenhla ka tiko ra Israele, u ri: Ku hela ku fikile; ku hela ku ta humelela emakun'wini ya mune ya misava!

Hosiya 2:11

Ndzi ta herisa mitsako ya yena hinkwayo ndzi herisa mikhuvo ya yena ni mitlango ya ku vonaka ka n'weti, ni Tisavata ta yena, ni tinhlengeletano ta yena hinkwato.

Hosiya 2:13

Kutani ndzi ta n'wi tshinya hi masiku ya va Baali lawa a va hiseleke gandzelo ha wona, a vuya a landzela swigangu swa yena, a tibombisa hi swingwavila ni vuhlalu; kasi mina wa ndzi rivala, ku vula Yehovha.

Yuwele 1:8

U kolola kukota wanhwana la ambaleke xuka ro khwaxa, a rilela nuna wa vuntshwa bya yena!

Levhitika 13:40

“Kungakuloko misisi ya munhu yi kundzumukile enhlokweni, i rihandla, u tengile.

Amosi 5:21

“Ndzi vengile, na swona ndza tsan'wa mikhuvo ya n'wina, a ndzi rhandzi ku nun'hwa ka leswi tlhaviwaka etinhlengeletanweni ta n'wina.

Amosi 5:23

Susani huwa ya tinsimu ta n'wina kule na mina, ndzi nga ka ndzi nga yingiseri mpfumawulo wa magubu ya n'wina;

Amosi 8:3

Tinsimu ta yindlu ya vuhosi, ti ta hundzuka swirilo hi siku rero,” ku vula Hosi Yehovha. “Ku ta tala mitsumbu, yi ta cukumetiwa hinkwako, ku miyeriwile.”

Nahume 1:10

Hikuva hambi va phasetelanile kukotisa emitweni, va pyopyile hi swakunwa swa vona, va ta hisiwa hinkwavo ku fana ni mungu lowu omeke.

Zakariya 12:10

Ndzi ta chela ehenhla ka yindlu ya Yuda ni le henhla ka vaaki va Yerusalema, moya wa tintswalo ni wa mikhongelo; kutani va ta languta eka mina loyi va n'wi tlhaveke. Va ta n'wi rilela kukota loko va rilela n'wana la nga tswariwa a ri yexe va hlomuka ngopfu ehenhla ka yena, kukotisa loko va hlomukela n'wana wa mativula.

Duteronoma 16:14

u ta titsakela enkhubyeni lowu, u ri wena, ni n'wana wa wena wa wanuna, ni wa wansati, ni nandza wa wena wa wanuna, ni wa wansati, ni Mulevhi, ni muluveri ni xisiwana, ni noni lava nga emitini ni ya wena.