Amosi 7:1 - Xitsonga (Bibele)

¹ Hi lexi xikombiso xa Hosi Yehovha, lexi a ndzi kombiseke xona: Vonani, u tshama a humesa tinjiya, loko byanyi byi tlhela byi hluka, endzhaku ka lebyi nga kutleriwa hosi.

BIBELE Mahungu Lamanene

¹ Kutani HOSI N'wini wa hinkwaswo a ndzi komba leswi hi xivono: A a ri karhi a vanga tinjiya, ti tlhotlhorhiwa hi nkarhi lowu byanyi a byi sungula ku hluka, endzhaku ka loko byi rhangile byi kutleriwa swifuwo swa hosi.

Amosi 7:1 Iomraidhean Croise

Esaya 33:4

Rifuwo ra n'wina leri mi ri phangeke ri ta tekiwa hi mukhuva lowu njiya yi tekaka ha wona; vanhu va ta tihoxela eka rona kukotisa tinjiya.

Yeremiya 24:1

Kuteloko Nebukadnetsara, hosi ya Babilona, a khome Yekoniya, n'wana Yoyakimi, hosi ya Yuda ni vakulukumba va Yuda, ni vavatli, ni vafuri va le Yerusalema, a va yisa eBabilona, Yehovha a ndzi kombisa swikombiso, a swi ri swirhundzu swimbirhi swa makuwa, swi vekiwile emahlweni ka tempele ya Yehovha.

Ezekiele 11:25

Kutani ndzi hlayela vabohiwa marito hinkwawo lawa Yehovha a ndzi kombiseke wona.

Yuwele 1:4

Leswi siyiweke hi timhera, swi phorhiwile hi njiya; leswi siyiweke hi njiya, swi dyiwile hi magerere; leswi siyiweke hi magerere, swi phorhiwile hi swidzedzane.

Yuwele 2:25

Ndzi ta mi tlherisela swakudya swa malembe lama nga dyiwa hi njiya, ni magerere, ni swidzedzane ni timhera, vandla ra mina lerikulu leri ndzi ri rhumeke exikarhi ka n'wina.

Amosi 4:9

“Ndzi bile mavele ya n'wina hi rivungu ni ku vuna; masimu ya n'wina layo tala ya mirhi ni ya vhinya, ni mikuwa ya n'wina, ni mitlhwari swi dyiwa hi tinjiya; hambiswiritano a mi tlhelelanga eka mina,” ku vula Yehovha.

Amosi 7:4

Hi lexi xikombiso, lexi Hosi Yehovha a ndzi kombiseke xona: Vonani, Hosi Yehovha a vitana ndzilo ku tshinya ha wona, wu va wu heta xidziva lexikulu, kutani wu sungula ku hisa masimu.

Amosi 7:7

Hi lexi xikombiso lexi a ndzi kombiseke xona. Ndzi vonile Yehovha Xikwembu a yimile ehenhla ka khumbi leri akiweke ri ku dzi, a a tamele ngoti ya ku ringanyeta evokweni ra yena.

Amosi 8:1

Hi lexi xikombiso lexi Hosi Yehovha a nga ndzi kombisa xona. Ndzi vone xirhundzu lexi teleke mihandzu leyi vupfeke.

Zakariya 1:20

Yehovha a ndzi kombisa vafuri va mune.

Malakiya 3:11

Ndzi ta sivela xisingiri, xi nga ti mi onhela swakudya swa tiko, kutani vhinya yi nga ka yi nga tshiki mihandzu ya yona etikweni, ku vula Yehovha wa mavandla.