Amosi 6:2 - Xitsonga (Bibele)

² “Yanani le Kaline, mi vona, loko mi suka kona, mi hundzela eHamata lonkulu, kutani mi ta rhelela le Gati wa Vafilista. Xana miti yoleyo yi sasekile ku tlula miti leyi ya n'wina xana? Kumbe tiko ra vona i rikulu eka tiko ra n'wina xana?

BIBELE Mahungu Lamanene

² n'wina mi nge, ‘Tsemakanyani mi ya vona muti wa Kaline, mi suka kona mi ya emutini lowukulu wa Hamata, kutani mi rhelela mi ya eGati muti wa Vafilista: Matiko lawa a ma tluli mimfumo ya n'wina ya Israele na Yuda, a ma kulanga ku tlula tiko ra n'wina!’

Amosi 6:2 Iomraidhean Croise

Genesa 10:10

Masungulo ya ku fuma ka yena a ri Babele na Ereke na Akade na Kaline, etikweni ra Xinara.

2 SAMIELE 8:9

Kambe Toyi, hosi ya Hamata, a twa leswaku Davhida a a hlurile tinyimpi hinkwato ta Hadadi-Esere;

1 TIHOSI 8:65

Enkarhini wolowo, Solomoni ni Vaisraele hinkwavo va endla nkhuvo; vunyingi lebyikulu lebyi humaka ku suka etlhelo ra Hamata ku fika exinambyaneni xa Egipta, byi hlengeletana emahlweni ka Yehovha, Xikwembu xa hina, hi masiku ya ntlhanu na mambirhi, ni masiku ya ntlhanu na mambirhi, kambe ma ri masiku ya khume na mune.

2 TIHOSI 17:24

Hosi ya Asiriya yi tisa vanhu va Babilona, ni va Kuta, ni va Avha, ni va Hamata, ni va Sefari-Vhayimi, yi va akisa emitini ya Samariya ematshan'weni ya vana va Israele, kutani va fuma tiko ra Samariya, va aka emitini ya rona.

2 TIHOSI 17:30

Vanhu va Babilona va endla Sukoti-Benoti, vanhu va Kuta va endla Nergala, vanhu va Hamata va endla Axima.

2 TIHOSI 18:34

Swi kwihi swikwembu swa Hamata ni swa Aripadi? Swi kwihi swikwembu swa Sefari-Vhayimi, ni swa Hena, ni swa Ivha xana? Xana Samariya wu kutsuriwile evokweni ra mina-ke?

2 TIHOSI 19:13

Yi kwihi hosi ya Hamata, ni hosi ya Aripadi, ni hosi ya muti wa Sefari-Vhayimi, ni ya Hena ni ya Ivha xana?’ ”

2 TIKRONIKA 26:6

A huma nyimpi ku ya lwa ni Vafilista, a mbundzuxa rirhangu ra Gati, ni rirhangu ra Yabine, ni rirhangu ra Axidodo; kutani a aka miti etikweni ra Axidodo ni ra Vafilista.

Yeremiya 49:23

“Hamata u khomisiwe tingana na Aripadi; hikuva va twile mhaka yo biha, va tsanile; i lwandle leri bobomaka, ri hluleka ku miyela.

Nahume 3:8

Xana u tlula No-Amoni, muti lowu ingi wu tshamise ehenhla ka milambu, ingi wu rhendzeriwe hi mati, lowu lwandle ingi xi ri xisirheleto xa wona, kutani rirhangu ra wona a ri huma elwandle?

1 SAMIELE 17:23

Kakuloko a ha vulavula na vona, nhenha lo va nge i Goliyadi, wa le Gati, a huma etinxaxeni ta Vafilista, a ya emahlweni, a vula marito walawo ya masiku, Davhida a va a n'wi yingisa.

1 SAMIELE 17:4

Ku huma emixaxeni ya Vafilista wanuna la tiyeke, lo va nge i Goliyadi; a a ri wa Gati; xiyimo xa yena a xi ri xa swisungunhu swa ntlhanu na xin'we, ni xandla xin'we.

1 SAMIELE 5:10

Kutani va rhuma areka ya Xikwembu eEkroni. Kakuloko areka ya Xikwembu yi nghena eEkroni, va huwelela, va ku: “Va fikisile areka ya Xikwembu xa Israele eka hina, ku hi dlaya hina ni tiko ra hina.”

1 SAMIELE 5:8

Kavaloko va rhuma vanhu, va ya vitana tindhuna hinkwato ta Vafilista, va ku: “Hi ta endla yini hi areka ya Xikwembu xa Israele xana?” Kutani va ku: “Areka ya Xikwembu xa Israele a yi heleketiwe Gati,” kutani va heleketa areka ya Xikwembu xa Israele kona.