Amosi 5:4 - Xitsonga (Bibele)

⁴ Hikuva Yehovha u te eka yindlu ya Israele: “Ndzi laveni, kutani mi ta hanya.

BIBELE Mahungu Lamanene

⁴ HOSI yi vurisa sweswo eka Vaisraele yi ri: “Lavani mina, mi ta hanya;

Amosi 5:4 Iomraidhean Croise

2 TIHOSI 20:3

“Oho! Yehovha, wa nga anakanya leswaku ndzi fambile emahlweni ka wena hi ku lulama, ni mbilu leyi tengeke, ndzi endlile leswinene emahlweni ka wena.” Kutani Hezekiya a rila ngopfu.

1 TIKRONIKA 28:9

Na wena, Solomoni, n'wananga, tiva Xikwembu xa tata wa wena, u xi tirhela hi mbilu leyi tengeke ni ku tsaka ka moya; hikuva Yehovha a kamba timbilu hinkwato, kutani a tivisisa makungu hinkwawo ya ku anakanya. Kungakuloko u n'wi lavisisa, u ta n'wi kuma; kambe loko u n'wi tshika, u ta ku cukumeta hilaha ku nga heriki.

2 TIKRONIKA 15:2

kutani a humelela emahlweni ka Asa, a ku eka yena: “Wee Asa, ni va Yuda hinkwenu, ni va Benjamini, ndzi yingiseni! Yehovha u na n'wina loko mi ri na yena; kungakuloko mi n'wi lava, u ta pfumela ku kumiwa hi n'wina; kambe loko mi n'wi tshika, u ta mi tshika.

2 TIKRONIKA 20:3

Yoxafati a chava, a tilunghisa ku lava Yehovha, kutani a lerisa va Yuda hinkwavo ku titsona swakudya.

2 TIKRONIKA 20:4

Kavaloko Vayuda va hlengeletana ku lava matimba eka Yehovha, va suka ni le mitini hinkwayo ya Yuda, va ta lava Yehovha.

2 TIKRONIKA 34:3

Hi lembe ra ntlhanu na manharhu ra ku fuma ka Yosiya loko a ha ri lontshwa, a sungula ku lava Xikwembu xa Davhida, tata wa yena; hi lembe ra 12 ra ku fuma ka yena, a sungula ku basisa Yuda na Yerusalema, a susa tindlu ta switsunga ni swifaniso swa Axera, ni swifaniso leswi vatliweke, ni swifaniso leswi chuluriweke.

Pisalema 14:2

Yehovha u langutile vana va vanhu a ri etilweni, A ta vona xana u kona la nga ni ku twisisa, La lavaka Xikwembu.

Pisalema 22:26

Lava nga ekhombyeni va ta dya va xurha; Lava lavaka Yehovha va ta yimbelela tinsimu ta yena; Timbilu ta n'wina ti ta hanya hi laha ku nga heriki.

Pisalema 27:8

Mbilu ya nga yi ndzi byela swa wena, yi ku: “Lavani mombo wa mina!” Ndzi ta lava mombo wa wena, oho Yehovha!

Pisalema 69:32

Lava nga enhlomulweni va ta swi vona, va tsaka; N'wina lava lavaka Xikwembu timbilu ta n'wina ti ta hanya.

Pisalema 69:33

Hikuva Yehovha wa yingisa swisiwana, Kutani a nga sandzi vabohiwa va yena.

Esaya 31:1

Khombo eka lava rilelaka Egipta ku lava ku pfuniwa, va titiyisa hi tihanci, va tshemba tigolonyi, hikuva ti tele va tshemba vakhandziyi va tihanci hikuva va ni matimba kasi a va languti Mukwetsimi wa Israele, a va lavi Yehovha!

Esaya 55:3

Rhiyani tindleve, tanani eka mina, yingisani, kutani mimoya ya n'wina yi ta hanya: ndzi ta endla na n'wina ntwanano lowu nga heriki, ku tiyisa tintswalo ta mina eka Davhida.

Yeremiya 38:20

Yeremiya a n'wi hlamula, a ku: “U nga ka u nga nyiketiwi, Kambe yingisela rito ra Yehovha leri ndzi ku byelaka rona: Swi ta saseka eka wena, kutani moya wa wena wu ta hanya;

Ezekiele 18:9

loko a famba hi milawu ya mina, a va a hlayisa ku lerisa ka mina, a ri karhi a tshembeka, munhu loyi u lulamile, kunene u ta hanya, ku vula Hosi Yehovha.

Hosiya 10:12

Mi tibyalela hi ku lulama, mi tshovela hi vunene; mi tirimela vuhalulo lebyintshwa; hikuva i nkarhi wa ku lava Yehovha, a kondza a ta, a mi nisela ku lulama.

Amosi 5:6

Lavani Yehovha, mi ta hanya, leswaku a nga tshuki a wela yindlu ya Yosefa tanihi ndzilo, kutani ndzilo wolowo wu herisa Betele, ku nga ri na munhu la wu timaka.

Sofoniya 2:3

Lavani Yehovha, n'wina, vatitsongahati hinkwavo va tiko, lava endlaka hi ku lerisa ka yena, lavani ku lulama, mi lava ku titsongahata; kumbe mi ta tifihla esikwini ra vukari bya Yehovha.

Matewu 7:8

Hikuva un'wana ni un'wana la kombelaka, wa nyikiwa; la lavaka, wa swi kuma; ku ta pfuleriwa la gongondzaka.

Duteronoma 32:46

Hlayisani etimbilwini ta n'wina marito lawa hinkwawo, lawa ndzi endlaka vumbhoni namuntlha ha wona emahlweni ka n'wina; mi ta ma lerisela vana va n'wina, va ta yingisa ni ku endla hi marito hinkwawo ya nawu lowu.

Duteronoma 32:47

Hikuva a hi rito ro hava eka n'wina kambe i vutomi bya n'wina; kutani mi ta lehisa ha rona masiku ya n'wina emisaveni leyi mi nga ta yi teka loko mi perile Yordani.

Duteronoma 4:29

Hi kona mi nga ta lava Yehovha, Xikwembu xa n'wina, kutani, kutakuloko u xi lava hi mbilu hinkwayo ya wena, ni moya hinkwawo wa wena, u ta xi kuma.