Amosi 5:2 - Xitsonga (Bibele)

² “U wile, wanhwana wa Israele a nga ha tlheli a yima, u tlatlalatiwile ehansi, a ku na la n'wi pfuxaka.”

BIBELE Mahungu Lamanene

² “Israele, nhwana loyi a tengeke, ú wile, a nga ka a nga ha pfuki; ú siyiwile a lo lákáhlá ehansi, ku nga ri na loyi a n'wi pfuxaka.”

Amosi 5:2 Iomraidhean Croise

2 TIHOSI 15:29

Emasikwini ya Peka, hosi ya Israele, Tiglata-Pilezere, hosi ya Asiriya, a ta, kutani a teka Iyoni, na Avele-Beta-Maaka, na Yanowaka, na Kedexe, na Hasoro, na Giliyadi, na Galeliya, ni tiko hinkwaro ra Neftali, kutani a fambisa vaaki va kona eAsiriya.

2 TIHOSI 17:16

Va tshika milawu hinkwayo ya Yehovha, Xikwembu xa vona, kutani va tiendlela marhole lama chuluriweke va tiendlela ni swifaniso swa Axera va khinsama emahlweni ka vandla hinkwaro ra matilo, va tirhela Baali.

Esaya 14:21

Lunghiselani vana va yena ku dlawa hikwalaho ka ku dyoha ka vatata wa vona! Va nga ti tshuka va pfuka ku fuma misava, ni ku tata misava hi miti ya vona!”

Esaya 24:20

Misava yi dedeleka tanihi mupyopyi, yi ludzula tanihi ntsonga; yi tikeriwa hi xidyoho xa yona, yi wa, yi nga ha pfuki.

Esaya 3:8

Hikuva Yerusalema wa tsekatseka, Yuda wa dedeleka, hikuva marito ya vona ni mitirho ya vona swi lwa na Yehovha, ku karihisa mahlo ya yena lama kwetsimaka.

Esaya 37:22

Hi rona rito leri Yehovha a ri vulaka ehenhla ka yena: “ ‘Wa ku sandza, wa ku monya, yena wanhwana, n'wana Siyoni.

Esaya 43:17

La hlomiseke tigolonyi ni tihanci, nyimpi ni tinhenha ta matimba. Hinkwavo va wile va nga ha pfuki va herile va timekile tanihi rivoni.

Yeremiya 14:17

Kutani u va byela rito leri, u ku: ‘Mahlo ya mina ma ta huma mihloti vusiku ni nhlekanhi, ma nga ka ma nga yimi; hikuva nhwana wa tiko ra mina u tlhaviwile; mbanga ya yena hi leyikulu, i mbanga leyo vavisa ngopfu.

Yeremiya 18:13

“Loko swi ri tano, Yehovha u ri: ‘Vutisisani sweswi matiko, mi ku: “Xana un'wana a nga va kona la tshamaka a yingisa lexo tano-ke? Kambe nhwanyana wa Israele u endlile mhaka leyi chavisaka ngopfu.

Yeremiya 2:27

va nga lava nge eka murhi: ‘U tatana,’ ni ka ribye va ku: ‘Hi velekiwe hi wena.’ Hikuva va ndzi kombile xikosi, wu nga ri mombo hambi siku va humeleriwaka hi khombo, va ku: ‘Yima, u hi ponisa!’

Yeremiya 31:4

Ndzi ta ku aka, kutani u ta va u akiwile, wena, nhwanyana wa Israele! U ta va u tibombisa hi mirumba ya wena, u ta huma u famba exiyin'weni xa vatsaki.

Yeremiya 4:20

Ku onhaka ku vita ku onhaka kun'wana, hikuva ku ta onhiwa tiko hinkwaro; matende ya mina ma onhiwa kan'we, na yona mitsonga ya mina.

Yeremiya 50:32

Mutikukumuxi wa dedeleka, u ta wa, kutani a ku na munhu la nga ta n'wi pfuxa; ndzi ta tshivela ndzilo emitini ya yena, wu ta herisa matlhelo ya yena hinkwawo.

Yeremiya 51:64

kutani u ku: ‘Babilona u ta petisiwa sweswo, a nga ka a nga pfuxiwi emakhombyeni lawa ndzi nga ta ma tisa ehenhla ka yena.’ ” Marito ya Yeremiya ma hela kwala.

Yeremiya 8:4

“Kambe u va byela, u ku: Ku vula Yehovha: xana munhu a nga wa, a nga tlheri a pfuka xana? Xana munhu a nga hambuka, a nga tlheri xana?

Yeremiya 9:21

Hikuva rifu ri tlulela hi mafasitere ya hina, ri nghena etindlwini ta hina leti sasekisiweke ku ta dlaya vana emitsendzeleni, ni majaha etihubyeni.

Yeremiya 9:9

Xana ndzi nga tshikisa ku yini ku tshinya swilo leswo tano xana,” ku vula Yehovha? “Kumbe moya wa mina wu nga tshikisa ku yini ku tirihisela eka tiko lero tano xana?”

Swirilo 2:13

Xana ndzi ta ku vulavulela tihi? Kumbe ndzi nga ku fanisa na yini, nhwanyana wa Yerusalema? Ndzi ta ku fanisa na yini, leswaku ndzi ta ku chavelela, Wena nhwana, nhwanyana wa Siyoni? Hikuva ku onhaka ka wena kukulu, ku fana ni lwandle; I mani la nga ta ku horisa?

Hosiya 14:1

Israele, tlhelela eka Yehovha, Xikwembu xa wena, hikuva u wile hikwalaho ka ku dyoha ka wena.

Hosiya 6:2

Loko ku hele masiku mambirhi, u ta hi hanyisa; hi ra vunharhu, u ta hi yimisa leswaku hi hanya emahlweni ka yena.

Amosi 8:14

Vona lava hlambanyaka hi ku dyoha ka Samariya, va ku: ‘A ku hanye xikwembu xa wena Dani!’ Kumbe: ‘A ku hanye ndlela leyi yaka eBerexeba!’ ... va ta wa, a va nga ha tlheri va pfuka.”

Amosi 9:11

“Hi siku rero, ndzi ta pfuxa ntsonga wa Davhida lowu weke, ndzi siva timfa ta khumbi ra wona, laha ri mbundzukeke ndzi ta ri lunghisa, ndzi ta wu aka wu fana ni le mikarhini ya khale;