Amosi 4:7 - Xitsonga (Bibele)

⁷ “Kambe, a ndzi mi tsonile mpfula, ka ha sele tin'hweti tinharhu mi nga si tshovela; ndzi nisela muti wun'wana, wun'wana ndzi nga wu niseri; nsimu yin'wana yi niseriwa, nsimu leyi nga niseriwangiki yi oma;

BIBELE Mahungu Lamanene

⁷ “Ndzi tlhele ndzi mi tsona mpfula, loko mavele ma nga si vupfa emasin'wini, ndzi nisela muti wun'wana empfula, wun'wana ndzi nga wu niseli; masimu man'wana ma yi kuma, kambe masimu lawa ma nga yi kumangiki, ma tshwa.

Amosi 4:7 Iomraidhean Croise

Eksoda 10:22

Muxe a tlakusa voko ra yena ehenhla, kutani munyama lowa ntima wu va kona etikweni ra Egipta hi masiku manharhu.

Eksoda 10:23

Vanhu va tsandzeka ku vonana, kutani a ku vanga na munhu la sukaka evutshan'weni bya yena hi masiku manharhu. Kambe vana va Israele a va tshama eku vonakaleni emitini ya vona.

Eksoda 8:22

Kambe hi siku rero ndzi ta hlawula tiko ra Goxeni, leri tiko ranga ri tshamaka eka rona, ku nga ka ku nga tshami mabawa kona u ta tiva hakona leswaku mina Yehovha ndzi kona exikarhi ka tiko leri.

Eksoda 9:26

Xihangu a xi nga ri kona etikweni ra Goxeni ntsena, laha i ngi vana va Israele va ri kona.

Eksoda 9:4

Kambe Yehovha u ta hlawula swifuwo swa Vaisraele exikarhi ka swifuwo swa Vaegipta, ku nga ka ku nga fi nchumu eka swilo hinkwaswo swa vana va Israele.’ ”

Esaya 5:6

Ndzi ta yi endla fusi yi nga ha hlakuriwi, yi nga ha rimiwi, ku ta mila mitwa ni swigatlu ntsena; kutani ndzi ta lerisa mapapa leswaku ma nga ha tshami ma nisa mpfula ehenhla ka yona.

Yeremiya 14:22

Xana un'wana a nga va kona exikarhi ka swahava swa matiko la nisaka mpfula-ke? Kumbe tilo ri nga tinisela mpfula-ke? Xana a hi wena Yehovha Xikwembu xa hina? Na swona hi tshembile wena hikuva hi wena la endleke leswo hinkwaswo.

Yeremiya 14:3

Vakulukumba exikarhi ka vona va rhuma lavatsongo ematini, kutani va ya emakheleni, kambe a va kumi mati, va tlhela, timbita ti nga ri na nchumu, va khomisiwa tingana, kutani va kanakana, va tifunengeta tinhloko.

Yeremiya 14:4

Varimi va khomisiwa tingana va tifunengetile tinhloko hikuva tiko ri ahlamele, hikuva mpfula a yi nga ni emisaveni.

Yeremiya 3:3

Hikwalaho mpfula yi nga siveriwa, ni mpfula ya hlovo a yi vanga kona; kambe mombo wa wena i wa muoswi, a ku khomiwi hi tingana.

Yuwele 2:23

Na n'wina vana va Siyoni, tsakani, mi tsaka ngopfu eka Yehovha, Xikwembu xa n'wina, hikuva u ta mi nyika hilaha ku fanelaka e timpfula letikulu, u ta mi nisela timpfula, timpfula ta rihunga, ni ta xirimo; hi wona masungulo.

Zakariya 14:17

Loko va ri: va tinxaka hinkwato ta misava leti nga taka ti nga tlhandlukeli eYerusalema ku ya khinsamela Hosi, Yehovha wa tinyimpi, a va nga niseriwi mpfula.

Yohane 4:35

Xana a mi hlayi leswaku ku sele tin'hweti ta mune, kutani ku ta tshoveriwa? Kambe ndzi ri eka n'wina: Tlakusani mahlo ya n'wina, mi languta masimu, hikuva ma vupfele ku tshoveriwa.

1 Vakorinto 4:7

Hikuva i mani la ku hlawuleke eka un'wana? Xana u na yini lexi u nga xi nyikiwangiki xana? Kutani loko u xi nyikiwile, u tidzunisela yini kukota loko ngi u nga nyikiwanga xana?

Duteronoma 11:17

hikuva vukari bya Yehovha byi ta mi pfurhela, u ta pfala tilo leswaku mpfula yi nga ha ni, na yona misava yi nga ha veki swa yona, kutani mi ta hatlisa ku fa emisaveni leyinene leyi Yehovha, Xikwembu xa n'wina, xi mi nyikaka yona.

Yakobo 5:17

Eliya a a ri munhu la titwaka kukota hina, kutani a kombela hi ku khongela leswaku mpfula yi nga ni, kutani a yi nangi emisaveni hi malembe manharhu, ni tin'hweti ta ntlhanu na yin'we.

Nhlavutelo 11:6

Va ni matimba yo pfala tilo leswaku mpfula yi nga ha ni hi masiku lawa va profeteke ha wona; kambe va ni matimba ya ku hundzula mati ma va ngati, ni ya ku ba misava hi makhombo walawo, hi mikarhi hinkwayo leyi va rhandzaka ku endlisa sweswo.