Amosi 4:10 - Xitsonga (Bibele)

¹⁰ “Ndzi mi rhumele ntungu lowu fanaka ni wa le Egipta, ndzi dlayile majaha ya n'wina hi tlhari, tihanci ta n'wina ti phangiwa, ku nun'hwa loku humaka emixaxeni ya n'wina ndzi ku fikisile etinhompfini ta n'wina; hambiswiritano, a mi tlhelelanga eka mina,” ku vula Yehovha.

BIBELE Mahungu Lamanene

¹⁰ “Ndzi mi rhumele ntungu wo fana ni wa le Egipta, ndzi tshikile majaha ya n'wina ma dlayiwa enyimpini, ndzi mi tekerisa ni tihanci ta n'wina, ndzi endla leswaku risema ra mintsumbu ri mi pfala tinhompfu, emixaxeni ya n'wina; kambe hambiswiritano, a mi tlhelelanga eka mina.” HOSI yi vula sweswo.

Amosi 4:10 Iomraidhean Croise

2 TIHOSI 10:32

Emikarhini yoleyo Yehovha a sungula ku hunguta tiko ra Israele; Hazaele a hlasela va Israele endzilakaneni hinkwawo wa vona,

2 TIHOSI 13:3

Vukari bya Yehovha byi pfurhela Israele, kutani a va nyiketa Hazaele, hosi ya Siriya, na Bene-Hadada, n'wana Hazaele, emikarhini yoleyo hinkwayo.

2 TIHOSI 13:7

Hikuva Yehovha a a siyele Yowahazi nyimpi ya ntlhanu wa makume wa vakhandziyi va tihanci ntsena, ni tigolonyi ta khume, ni vavanuna lava fambaka hi milenge va 10 000; hikuva hosi ya Siriya a yi herisile Vaisraele, yi va endlile kukotisa ntshuri lowu kandziyeriwaka.

2 TIHOSI 8:12

Hazaele a ku: “Hosi yanga yi rilela yini xana?” Yena a hlamula, a ku: “Hi leswi ndzi tivaka hilaha u nga ta onha vana va Israele hakona, u ta hisa miti ya vona ya makhokholo, u dlaya majaha ya vona hi tlhari, u phyandlasa swihlangi swa vona, u boxa makhwiri ya vasati va vona lava tikeke.”

Eksoda 10:27

Kambe Yehovha a nonon'hwisa mbilu ya Faro, a ala ku va tshunxa.

Eksoda 10:3

Kutani Muxe na Aroni va ya eka Faro, va ku eka yena: “Yehovha, Xikwembu xa Vaheveru, xi te: ‘U ta ala ku fika kwihi ku titsongahata emahlweni ka mina? Tshunxa tiko ra mina ri ya ndzi tirhela.

Eksoda 14:4

Ndzi ta nonon'hwisa mbilu ya Faro, u ta va landza; kambe ndzi ta tidzunisa ha Faro ni nyimpi ya yena hinkwayo; Vaegipta va ta tiva leswaku hi mina Yehovha.” Kutani va endlisa sweswo.

Eksoda 15:26

“Loko u yingisa rito ra Yehovha, Xikwembu xa wena, u endla leswi lulameke emahlweni ka yena, loko u rhiya ndleve eku leriseni ka yena, kutani u hlayisa milawu ya yena hinkwayo, ndzi nga ka ndzi nga ku tiseli makhombo lama nga wela Vaegipta; hikuva hi mina Yehovha muongori wa wena.”

Eksoda 8:19

Kavaloko tin'anga ti ku eka Faro: “I ritiho ra Xikwembu!” Hambiswiritano, mbilu ya Faro yi nonon'hwa, a nga yingisanga hilaha Yehovha a nga vula hakona.

Eksoda 9:12

Kambe Yehovha a nonon'hwisa mbilu ya Faro, a nga yingisanga Muxe na Aroni, hilaha Yehovha a nga byela Muxe hakona.

Eksoda 9:17

Loko u tikurisa ehenhla ka tiko ra mina, u engeta u ala ku ri tshunxa,

Esaya 34:3

Lava tlhaviweke va vona va cukumetiwa ntsena, mitsumbu ya vona ya nun'hwa, kutani ngati ya vona yi khuluka etintshaveni.

Esaya 50:11

Vonani, n'wina hinkwenu lava tshivelaka ndzilo, mi ri karhi mi tirhendzele hi swisa leswi pfurhaka, yanani emalangavini ya ndzilo wa n'wina, mi lwa hi swisa leswi mi swi lumekeke! Swilo leswo swi ta mi humelela swi huma evokweni ra mina; mi ta etlela eku vavisekeni!

Esaya 9:12

va ri Vasiriya, tlhelo ra le vuxeni, ni Vafilista tlhelo ra vupeladyambu; va ta holongela Israele hi nomu lowu ahlameke. Hambiswiritano, vukari bya yena a byi si tlhela, ni voko ra yena ra ha tshambulutiwile.

Esaya 9:13

Kambe tiko a ri tlhelelanga eka loyi a ri baka, a ri lavi Yehovha wa tinyimpi.

Esaya 9:17

Hikwalaho Hosi yi nga ka yi nga tsakeri timbhuri ta rona, yi nga ka yi nga tsetseleri swisiwana ni tinoni ta rona; hikuva hinkwavo i vadyohi ni vabihi, milomu hinkwayo yi vulavula swisandzu ntsena. Hambiswiritano, vukari bya yena a byi si tlhela, ni voko ra yena ra ha tshambulutiwile.

Yeremiya 11:22

Hikwalaho Yehovha wa tinyimpi u vula a ku: ‘Langutani, ndzi ta va ba! Lavantshwa va ta fa hi tlhari, ni vana va vona va xinuna ni va xisati va fa hi ndlala.

Yeremiya 15:3

Ndzi ta veka eka vona makhombo ya tinxaka ta mune, ku vula Yehovha: ri ta va tlhari leri dlayaka, ni timbyana leti handzulaka ni makoti ya tilo, ni swivandzana swa matiko ku dya ni ku onha.

Yeremiya 16:4

“Va ta fa hi rifu lero biha, va nga ka va nga rileriwi, ni ku yimberiwa va nga ka va nga yimberiwi; kutani va ta va vulongo ehenhla ka misava. Va ta dlawa hi fumu ni ndlala, kambe mitsumbu ya vona yi ta dyiwa hi tinyanyana ta le henhla, ni swivandzana swa misava.”

Yeremiya 18:21

Hikwalaho, nyiketa ndlala vana va vona, u va tshiketela fumu; vasati va vona a va feriwe hi vana va ve tinoni, kutani vanuna va vona a va dlawe hi rifu, ni majaha ya rikwavo a ma tlhaviwe hi fumu enyimpini!

Yeremiya 48:15

Mowabu u onhakile, miti ya yena yi tlhandluka wu ri musi; lavantshwa, lava hlawuriweke va yena va xikela eku dlayiweni, ku vula loyi vito ra yena a nga Yehovha wa tinyimpi.

Yeremiya 49:26

Hikwalaho majaha ya kona ma ta wa emitsendzeleni, tinhenha hinkwato ti ta hetiwa hi siku rero ku vula Yehovha wa tinyimpi.

Yeremiya 5:3

Oho Yehovha! Xana mahlo ya wena a ma tivi ku lulama-ke? Wa va ba, kambe a va twi ku vavisa; wa va herisa, kambe va ala ku amukela ku layiwa; va tinonon'hwisile mimombo ya vona ku tlurisa ribye, kutani va ala ku hundzuka.

Yeremiya 6:11

Ndzi tele hi mahlundzu ya Yehovha, ndzi karhele ku ma sivela. “Ma halatela eka vana va entsendzeleni, ni le nhlengeletanweni ya majaha; hikuva wanuna u ta khomiwa swin'we ni nsati; la dyuhaleke ni la heteke masiku ya yena.

Yeremiya 9:22

Vulavula, u ku: “Yehovha u vurisile, a ku: ‘Mitsumbu ya vanhu yi ta wa yi kotisa vulongo emasin'wini, ni kukotisa tinyandza endzhaku ka mutshoveri, ku nga ri na loyi a ti rholelaka.’ ”

Hosiya 11:5

Efrayimi a nga ka a nga tlheleri eEgipta, kambe u ta fumiwa hi Asiriya; hikuva va arile ku tlhelela eka mina.

Yuwele 2:20

“Loko xi ri xirha xexo lexi humaka etlhelo ra n'walungu, ndzi ta xi susa exikarhi ka n'wina, ndzi xi hlongolela etikweni leri omeke; mavandla ya xona lama xi rhangelaka emahlweni, ndzi ta ma hoxa elwandle ra le vuxeni, ni ya le ndzhaku ndzi ma susumetela elwandle ra le vupeladyambu; kutani ku nun'hwa ka xona ku ta humela ehandle ku bola ka xona ku ta hangalaka, hikuva xi endle leswikulu.

Levhitika 26:16

na mina ndzi ta mi endla leswi: ndzi ta mi rhumela nchavo, xifuva, ni ku hisa ka miri swi ta heta mahlo ya n'wina, swi ta herisa ni timbilu ta n'wina; mi ta byalela timbewu ta n'wina mahala: valala va n'wina va ta ti dya.

Levhitika 26:25

Ndzi ta rhumela ehenhla ka n'wina matlhari yo rihisela ntwanano wa mina; kutani, kutakuloko mi hlengeletanile emitini ya n'wina, ndzi ta rhuma ntungu exikarhi ka n'wina kutani mi ta nyiketiwa emavokweni ya nala.

Amosi 4:6

“Kasi a ndzi mi rhumerile ndlala emitini ya n'wina hinkwayo, ni ku pfumaleka ka vuswa ematlhelweni hinkwawo; hambiloko swi ri tano, a mi tlhelelanga eka mina,” ku vula Yehovha.

Amosi 8:3

Tinsimu ta yindlu ya vuhosi, ti ta hundzuka swirilo hi siku rero,” ku vula Hosi Yehovha. “Ku ta tala mitsumbu, yi ta cukumetiwa hinkwako, ku miyeriwile.”

Hagayi 2:17

Ndzi mi bile hi ku kurha, ni rivungu, ni xihangu, emitirhweni hinkwayo ya mavoko ya n'wina, kambe a ku na un'we eka n'wina la tlheleleke eka mina, ku vula Yehovha.

Duteronoma 28:21

Yehovha u ta ku namarheta rifu, u ko u herisiwa emisaveni leyi u nga ta nghena eka yona ku yi fuma.

Duteronoma 28:22

“Yehovha u ta ku ba hi vuvabyi bya xifuva, ni ku hisa ka miri, ni ku pfimba, ni mumu lowukulu, ni fumu, ni dyandza, ni ku bola ka mavele; makhombo lawa, ma ta ku hlongorisa u ko u lova.

Duteronoma 28:60

U ta vuyisa ehenhla ka wena mavabyi hinkwawo ya Egipta, lawa u nga rhurhumela emahlweni ka wona, kutani ma ta ku namarhela.

Duteronoma 7:15

Yehovha u ta hlongola vuvabyi hinkwabyo ekule na wena; a nga ka a nga ku vavisi hi xin'we xa swivabyi leswo biha swa Egipta, leswi u swi tivaka, kambe u ta vavisa ha swona hinkwavo lava ku vengaka.