Amosi 4:1 - Xitsonga (Bibele)

¹ “Yingisani rito leri, n'wina matswele ya Baxani, lama nga entshaveni ya Samariya, n'wina lava xanisaka lavatsongo, mi xanisaka swisiwana, mi nge eka vanuna va n'wina: ‘Tisani, hi nwa!’

BIBELE Mahungu Lamanene

¹ “Yingisani mhaka leyi, n'wina tihomu ta mantswele ta Baxani, leti dyelaka eswitsungeni swa Samariya, n'wina mi xanisaka swisiwana, mi tshikelelaka vapfumari, n'wina mi byelaka vanuna va n'wina, mi ku: ‘Hi keleni, hi nwa!’

Amosi 4:1 Iomraidhean Croise

1 TIHOSI 16:24

A fuma eTirisa hi malembe ya khume na rin'we, kutani a xava eka Xemere ntshava ya Samariya hi titalenta timbirhi ta silivhere; a aka entshaveni, a thya muti lowu a wu akeke vito ra Samariya hikwalaho ka vito ra Xemere, hosi ya ntshava.

Ntirho 20:19

Hikuva u karhatile swisiwana, u va cukumetile, Kambe u onhile tindlu, a nga ti pfuxi.

Ntirho 24:4

Vapfumari va tshinetiwa endleleni, Swisiwana hinkwaswo swa tiko swi fanela ku tumbela.

Pisalema 12:5

“Hikwalaho ka khombo ra swisiwana ni ku rila ka vapfumari, Ndzi ta pfuka sweswi,” ku vula Yehovha; “Ndzi ta ponisa lava xanisiwaka.”

Pisalema 140:12

Ndza tiva leswaku Yehovha u lamulela vaxaniseki, U lulamisela vapfumari.

Pisalema 22:12

Ndzi rhendzeriwe exikarhi hi tinkunzi to tala; Tinkunzi ta Baxani, leta matimba, ti ndzi rhendzele;

Swivuriso 22:7

Mufuwi u fuma swisiwana, Ni loyi a lombaka i hlonga ra la n'wi lombeke.

Eklesiasta 4:1

Ndzi engeta kambe ndzi tsundzuka maxangu hinkwawo lama humelelaka ehansi ka dyambu, ndzi vona mihloti ya lava xanisiwaka, kambe ku nga ri na loyi a va miyetaka. Tlhelo ra vaxanisi va vona, ndzi vona ku nonon'hwa, kambe ku nga ri na mumiyeti wa vona.

Eklesiasta 5:8

Loko u nga vona etikweni rin'wana xisiwana xi xanisiwa, ni ku lulama ni ku avanyisa loko swi hombolokisiwa, u nga tshuki u hlamala ha swona, hikuva la tlakukeke ehenhla ka un'wana la tlakukeke u kona la langutelaka, ni Muungameri u kona la nga ehenhla ka vona.

Esaya 28:1

Khombo ri ni xintlontlo lexi tiarisaka xa vapyopyiwa va Efrayimi, khombo ri ni xiluva lexi vuneke byi nga vubombi bya vona, ehenhla ka nkova lowu noneke wa lava hluriwaka hi vhinyo!

Esaya 5:8

Va ni khombo lava engetelaka tindlu eka tindlu, lava hlanganisaka masimu hi masimu, mpfhuka wu ko wu hela, mi va n'wina mi ri swenu vini va tiko!

Esaya 56:12

“Tanani, ndzi ta lava vhinyo, kutani hi ta nwa leswi nga vila swinene! Mundzuku hi ta endlisa sweswo, ni ku tlurisa!”

Esaya 58:6

Ku titsona swakudya loku ndzi tsakisaka a hi kuloku xana: Ku susa tiketana ta lunya, ku tshunxa mapindza ya vukhumbi, ku tlherisa lava xanisiwaka va tshunxiwile, ni ku tshova mpingu wihi ni wihi?

Yeremiya 50:11

“Mi nga tsaka kunene, mi va mi tsakisisa, n'wina vaonhi va ndzhaka ya mina, mi tlula kukotisa thokazi erilambyaneni, mi rila kukota tihanci leta matimba.

Yeremiya 50:27

Tlhavani tinkunzi hinkwato ta vona ti xikiseleni eku dlaweni. Ku ni khombo vona hikuva ku tile siku ra vona, nkarhi wo holoveriwa ka vona.

Yeremiya 51:34

“Nebukadnetsara, hosi ya Babilona, u hi dyile, u hi hetile, u hi endlile xilo xa hava, u hi mitile kukota dragona, u tixurhisile khwiri hi ku nandziha ka hina, u hi hlongorile.

Yeremiya 6:6

Hikuva Yehovha wa tinyimpi a ku: “Tsemani mirhi, mi biyela Yerusalema, hi rihlampfu leri tlakukeke; hi wolowo muti lowu fanekelaka ku tshinyiwa; exikarhi ka wona ku tele ku xanisa.

Yeremiya 7:6

Loko mi nga xanisi wamatiko, ni xisiwana, ni noni; kambe mi nga halati ngati leyi nga riki na nandzu endhawini leyi; loko mi nga fambi eka swikwembu swin'wana ku tilavela khombo:

Ezekiele 18:12

loko a xanisa xisiwana ni mupfumari, loko a yiva, loko a nga tlheriseli n'wini mali ya ku tiyisa ka yena, loko a tlakusa mahlo eka swifaniso swa swikwembu swahava, a endla manyala,

Ezekiele 22:12

Eka wena, ku amukeriwa tinyiko leswaku ku ta ta halatiwa ngati; u teka bindzu ni ku andzisa, u humesisa warikwenu mali hi ku vutla, u ri karhi u ndzi rivala, ku vula Hosi Yehovha.

Ezekiele 22:27

“Tihosana ta rona exikarhi ka rona ti fana ni timhisi leti handzulaka mbhari; ti halata ngati, ti lovisa mimoya ya vanhu leswaku ti andzisa rifuwo ra tona.

Ezekiele 22:29

Loko va ri vanhu va tiko leri, va endla ku xanisa, va titekela hi ku yiva; va xanisa xisiwana ni vapfumari; va xanisa wamatiko ku nga ri hi mfanelo.

Ezekiele 22:7

Va rhukana vatata wa vona ni vamana wa vona eka wena; wamatiko wa xanisiwa exikarhi ka wena, eka wena, la feleke hi tata wa yena, ni wansati wa noni va kandziyeriwa.

Ezekiele 34:16

Ndzi ta lava leyi lahlekeke ndzi landza leyi tlheleke, ndzi bohelela leyi tshovekeke, ndzi tiyisisa leyi vabyaka; kambe ndzi ta lovisa leyi noneke ni leya matimba; ndzi ta ti risa hi ku avanyisa.

Ezekiele 39:18

I nyama ya tinhenha leyi mi nga ta yi dya, i ngati ya tihosi ta misava leyi mi nga ta yi nwa, i makhuna, ni swinyimpfana, ni swiphongo, i tihomu to nona ta Baxani ntsena,

Yuwele 3:3

Va avelene vanhu va mina hi vuhlolotwana, va humesile wandzisanyana ku va hakelo ya muoswi, va xavile vhinyo hi wanhwana, va nwile.

Amosi 3:1

Yingisani rito leri, leri Yehovha a ri vulaka eka n'wina, vana va Israele, ni le ka ndyangu hinkwawo lowu ndzi wu humeseke etikweni ra Egipta,

Amosi 3:3

“Xana vambirhi va nga famba swin'we va nga pfumelelananga?

Amosi 5:11

Hikwalaho, leswi mi kandziyelaka lontsongo, mi teka koro ya yena hi nsele; hambiloko mi akile tindlu hi maribye lama vatliweke, mi nga ka mi nga tshami eka tona; ni loko mi simekile tivhinya leto saseka, mi nga ka mi nga nwi vhinyo ya tona.

Amosi 6:1

“Mi ni khombo n'wina lava tsakeke eSiyoni, na n'wina lava tshembeke ntshava ya Samariya! N'wina tihosi ta tiko leri nga emahlweni ka man'wana, n'wina lavo va yindlu ya Israele va titisaka eka n'wina!

Amosi 6:6

va nwa vhinyo emikambaneni, va tola mafurha ya oli, kutani a va twisiwi ku vava hi mbanga ya Yosefa.

Malakiya 3:5

Ndzi ta tshinela eka n'wina ku endla ku avanyisa, ndzi va mbhoni leyi hatlisaka eka timhaka ta vangoma ni vaoswani, ni lava hlambanyaka hi mavunwa, ni lava tekaka hakelo ya la hakeriwaka, ni ya noni, ni ya xisiwana, ni lava hambukisaka wamatiko, ni lava nga ndzi chaviki, ku vula Yehovha wa mavandla.

Tinhlayo 21:33

Kutani va hundzuka, va khandziya hitlhelo ra Baxani. Kutani Ogo, hosi ya Baxani, a huma ku ya hlangana na vona eEdreyi, a ri ni tiko ra yena hinkwaro, a lava ku lwa na vona.

Duteronoma 24:14

“U nga tshuki u dyelela mutirhi wa xisiwana la nga mupfumari exikarhi ka vamakwenu, kumbe exikarhi ka valuveri lava nga ta luvela etikweni ra wena ni le mitini ya wena;

Duteronoma 28:33

Tiko leri u nga ri tiviki ri ta dya mihandzu ya misava ya wena ni ya mitirho ya wena hinkwayo; kambe u ta xanisiwa ni ku khandliwa ntsena hi masiku hinkwawo;