Amosi 3:7 - Xitsonga (Bibele)

⁷ Hikuva Hosi, Yehovha, a nga endli nchumu a nga si kombisa makungu ya yena eka malandza ya yena va nga vaprofeta.

BIBELE Mahungu Lamanene

⁷ Tivani leswaku HOSI N'wini wa hinkwaswo, a nga endli nchumu a nga rhanganga hi ku kombisa makungu ya yena eka vaprofeta malandza ya yena.

Amosi 3:7 Iomraidhean Croise

Genesa 18:17

Kutani Yehovha a ku: “Xana ndzi nga fihlela Abrahama leswi ndzi nga ta swi endla?

Genesa 6:13

Kavaloko Xikwembu xi byela Nowa, xi ku: “Makumu ya nyama yin'wana ni yin'wana ya fikile emahlweni ka mina, hikuva va tate misava hi mona; kutani sweswi, ndzi ta va lovisa swin'we ni misava.

2 TIHOSI 22:13

“Yanani, mi ndzi vutisela Yehovha, mi vutisela ni tiko ni va Yuda hinkwavo hikwalaho ka buku leyi kumiweke; hikuva vukari bya Yehovha lebyi hi pfurheleke byikulu, hikuva vatata wa hina a va yingisangi marito ya buku leyi, ku endla hinkwaswo hilaha hi tsaleriweke hakona eka yona.”

2 TIHOSI 22:20

Hikwalaho, ndzi ta ku amukela eka vatata wa wena, u ta amukeriwa hi ku rhula esirheni ra wena; mahlo ya wena ma nga ka ma nga voni makhombo hinkwawo lawa ndzi ma tiselaka ndhawu leyi.’ ” Kutani va yisa rito leri eka hosi.

2 TIHOSI 6:12

Un'wana wa malandza ya yena a ku eka yena: “A hi swona, hosi, n'wini wanga, kambe Elixa, muprofeta la nga etikweni ra Israele, u byela hosi ya Israele marito lawa u ma vulaka endlwini leyi u etlelaka eka yona.”

Pisalema 25:14

Makungu ya Yehovha i ya lava n'wi chavaka, Ku va dyondzisa ntwanano wa yena.

Esaya 18:4

Hikuva Yehovha u ndzi byerile, a ku: “Ndzi ta miyela, ndzi languta ndzi ri le ndlwini ya mina, tanihi mumu lowu nandzihaka loko dyambu ri xile, tanihi hunguva ya mberha enkarhini wa ximumu loko ku tshoveriwa.”

Yeremiya 23:22

Loko ingi va yimele emakungwini ya mina, a va ta tivisa tiko ra mina marito ya mina, va va hundzuluxa emikhuveni ya vona leyo biha ni le vumbabveni bya ku endla ka vona!

Ezekiele 29:21

Hi siku lero ndzi ta mirisela yindlu ya Israele rimhondzo, kutani wena, ndzi ta ku nyika nomu lowu ahlameke exikarhi ka vona; kutani va ta swi tiva leswaku hi mina Yehovha.”

Daniele 10:21

Ntsena ndzi rhandza ku ku tivisa leswi tsariweke ebukwini ya ntiyiso; kutani a ku na la ndzi pfunaka ku lwa ni lavaya, loko a nga ri Mikaele, hosi ya n'wina.”

Daniele 11:2

Kutani sweswi, ndzi ta ku byela swinene. “Waswivo, tihosi tinharhu ta ha ta va kona eka Vaperesi, kutani wa vumune u ta fuwa vukosi lebyi tlulaka bya tin'wana hinkwato, kutani kutakuloko a tinyike matimba hi rifuwo ra yena, u ta tivitanela vunyingi hinkwabyo ku ya lwa ni va ku fuma ka Yavhani.

Daniele 2:47

Kutani hosi yi vulavula na Daniele, yi ku: “Kunene Xikwembu xa n'wina i Xikwembu xa swikwembu, ni Hosi ya tihosi, ni muhlavuteri wa swihundla, hikuva xi kotile ku ndzi hlavutela xihundla xexo.”

Yohane 15:15

A ndza ha mi vuli malandza, hikuva nandza a nga tivi leswi hosi ya yena yi swi endlaka; ndzi mi vurile vanakulorhi, hikuva ndzi mi tivisile hinkwaswo leswi ndzi swi tweke eka Tatana.

Nhlavutelo 1:1

Ku hlavutela ka Yesu Kriste loku a ku nyikiweke hi Xikwembu, a ta tivisa malandza ya yena timhaka leti fanelaka ku humelela sweswi, leti a ti rhumeke hi ntsumi ya yena, a va a ti kombisa Yohane, nandza wa yena,

Nhlavutelo 1:19

Sweswi tsala timhaka leti u ti voneke ni leti nga kona sweswi, ni leti fanelaka ku ta endzhaku ka leti;

Nhlavutelo 10:7

kambe emasikwini ya rito ra ntsumi ya ntlhanu na mambirhi, loko yi ta yimba nanga hilaha xihundla xa Xikwembu xi nga ta hetiseka hilaha xi byeleke malandza ya xona ya vaprofeta hakona.

Nhlavutelo 4:1

Endzhaku ka sweswo ndzi languta, kutani ndzi vona nyangwa yi pfuriwile etilweni kutani rito lero rhanga leri ndzi ri tweke, ri vulavula na mina, ri fana ni nanga, ri ku: “Tlhandlukela halenu, ndzi ta ku kombisa leswi nga ta humelela endzhaku ka leswi.”

1 SAMIELE 9:15

Ku sele siku rin'we, a nga si fika Sawulo, Yehovha a ana a tivisile Samiele, a ku: