Amosi 3:6 - Xitsonga (Bibele)

⁶ Nanga loko yi yimbiwa emutini, xana vanhu a va tshuki hinkwavo xana? Xana khombo ri nga humelela emutini ri nga humesiwi hi Yehovha?

BIBELE Mahungu Lamanene

⁶ Xana loko ku biwa nyandayeyo emutini, vanhu va nga tshika ku tsemeka nhlana xana? Khombo rona, xana ri nga wela muti, loko ri nga rhumeriwanga hi HOSI ke?

Amosi 3:6 Iomraidhean Croise

Genesa 50:20

N'wina a mi anakanyile ku ndzi endla swo biha, kasi Xikwembu xi kanele vunene, leswaku xi ta endla leswi humeleleke sweswi, xi ta hanyisa tiko lerikulu.

2 TIHOSI 6:33

Kakuloko a ha vulavula na vona, ntsumi yi ngirimela eka yena, yi ku: “Waswivo, khombo leri, ri huma eka Yehovha; xana ndza ha langutela yini eka Yehovha?”

Esaya 45:7

Hi mina la endleke ku vonakala ni munyama, ndzi tsakisa munhu, ndzi n'wi rhumela khombo; hi mina Yehovha, la endleke swilo sweswo hinkwaswo.

Yeremiya 10:7

I mani la nga ku chaviki, wena hosi ya matiko? Hikuva u fanela hi ku chaviwa, hikuva exikarhi ka lava tlhariheke hinkwavo eka vamatiko, ni le xikarhi ka ku fuma hinkwako ka kona, a ku na la fanaka na wena.

Yeremiya 4:19

Marhumbu yanga! Marhumbu yanga! Yowee! Ku vaviseka ka mbilu yanga! Mbilu ya pandza, ndzi nga ka ndzi nga miyeri; hikuva moya wa mina wu twa mpfumawulo wa mhalamhala ni wa nkosi wa nyimpi.

Yeremiya 4:5

“Byelani Yuda, mi tivisa Yerusalema, mi ku: ‘Yimbani mhalamhala etikweni, huwelelani,’ mi bongosa, mi ku: ‘Hlengeletanani, hi nghena emitini ya makhokholo.’

Yeremiya 5:22

Mi nga ka mi nga ndzi chavi xana,” ku vula Yehovha? “Xana mi nga ka mi nga rhurhumeri emahlweni ka mina xana? Mina ndzi nga endla hi sava nkova wa lwandle, wu nga ndzilakana lowu nga heriki, lowu ri nga taka ri nga wu tluri? Magandlati ya rona ma tsekatsekisiwa, kambe a ma na matimba; ma pfuma, kambe a ma wu tluri.

Yeremiya 6:1

“Vana va Benjamini, balekani exikarhi ka Yerusalema, mi yimba nanga eTekowa, yimisani xikombiso eBeta-Hakereme, hikuva khombo ri huma etlhelo ra n'walungu, ni ku onha lokukulu.

Ezekiele 33:3

Loko a vona fumu ri ta ehenhla ka tiko, a yimba mhalamhala, a tsundzuxa vanhu;

Hosiya 5:8

Yimbani mhalamhala eGibeya, mi yimba nanga eRhama; banani nkosi eBeta-Avene: Xirha xi le ndzhaku ka wena, Benjamini!

Amosi 3:5

Xana xinyanyana xi nga wela erisingeni leri nga ehansi, ku nga ri na xilo lexi rhiyiweke? Xana ntlhamu lowu vekiweke ehansi wu nga wachuka, wu nga phasi nchumu xana?

Sofoniya 1:16

I siku ra mhalamhala ni ra nkosi lowu tlhavelaka miti leya makhokholo ni ya marhangu layo tlakuka.

Zakariya 8:10

Hikuva emahlweni ka masiku wolawo, a ku nga ri na hakelo ya munhu ni xifuwo a xi nga ri na hakelo; la humaka ni la tlhelelaka a va nga ri na ku rhula hikwalaho ka nala; a ndzi tshiketa vanhu leswaku va lwa.

Timhaka 2:23

yeloyi-ke, u nyiketiwile hi makungu lama tiyeke ya Xikwembu ni ku titivela ka xona ka khale; kutani mi n'wi dlayile hi ku n'wi vamba hi mavoko ya swidyohi;

Timhaka 4:28

ku endla hinkwaswo leswi voko ra wena ni makungu ya wena ma swi leriseke eku sunguleni leswaku swi ta humelela.

2 Vakorinto 5:11

Sweswi, hikwalaho ka ku tiva ku chavisa ka Hosi, hi khongotela vanhu ku pfumela; kutani hi tiviwa hi Xikwembu, kambe ndza tshemba leswaku ha tiviwa ni le timpfalweni ta n'wina.