Amosi 2:7 - Xitsonga (Bibele)

⁷ va navela ku vona ntshuri wa misava ehenhla ka nhloko ya xisiwana kutani va gombonyokisa timhaka ta lava nga ekhombyeni; munhu ni tata wa yena va nghenela nsati a ri un'we ku sandzisa vito ra mina leri hlawuriweke,

BIBELE Mahungu Lamanene

⁷ Va tsakela ngopfu ku kandziyela swisiwana ehansi, va gombonyokisa timhaka ta vapfumari; tatana ni jaha ra yena va yela nhwanyana un'we, va endlela ku nyamisa vito ra mina lero hlawuleka.

Amosi 2:7 Iomraidhean Croise

2 SAMIELE 12:14

kambe leswi u tsan'wiseke Yehovha eka valala va yena emhakeni leyi, n'wana loyi u velekeriweke yena u ta fa hakunene.”

1 TIHOSI 21:4

Kutani Akabu a muka endlwini ya yena a ri ni gome, a hlundzuka hikwalaho ka rito ra Naboto, wa Yizriele, loko a te: “Ndzi nga ka ndzi nga ku nyiki ndzhaka ya vatata wa mina.” A ya etlela esangwini ra yena, a fularha mombo wa yena, a nga dyanga nchumu.

Swivuriso 28:21

Ku ya hi nghohe ya vanhu a swi sasekanga. Hikwalaho ka xipandzwa xa vuswa munhu a nga tlula milawu.

Esaya 10:1

Khombo eka lava vekaka milawu leyi nga lulamangiki, lava tsalaka mapapila yo homboloka;

Esaya 10:2

va alela swisiwana mfanelo ya swona, va dya vapfumari va tiko ra mina, va endla tinoni ku tshumba ka vona, va dya swisiwana.

Esaya 3:14

Yehovha wa sungula ku avanyisa vakulukumba va tiko ra yena ni tihosi ta rona, a ku: “Mi dyile nsimu ya vhinya, kasi leswi phangiweke eka swisiwana swi kona etindlwini ta n'wina!

Esaya 3:15

Mi xanisa tiko ra mina hi matimba wahi, ni ku phyandlasa lava nga ekhombyeni xana?” ku vula Hosi, Yehovha wa tinyimpi.

Ezekiele 22:11

Un'wana u endle manyala ni nsati wa loyi a akeke na yena, un'wana u nyamise n'wingi wa yena hi vuhomboloki bya yena, un'wana u wisa etinganeni makwavo wa xisati, a nga n'wana wa tata wa yena.

Ezekiele 36:20

Loko va fikile ematikweni lawa ingi va ya eka wona, va lo nyamisa vito ra mina ro kwetsima, laha ingi vanhu va ku ha vona: ‘Volavo, i tiko ra Yehovha, va humile etikweni ra yena.’

Hosiya 4:14

Ndzi nga ka ndzi nga tshinyi vanhwanyana va n'wina, loko va tiendla swigangu, ni vasati va n'wina loko va oswana; hikuva n'wina mi ya hitlhelo ni vasati va mbiri, kutani mi endla magandzelo, n'wina, ni tinghwavava. Tiko leri a ri na ku twisisa; ra lahleka.

Levhitika 18:15

“ ‘U nga tshuki u funungula vuhava bya n'wingi wa wena; i nsati wa n'wana wa wena, u nga fununguli vuhava bya yena.

Levhitika 18:21

“ ‘U nga tshuki u nyiketa vana va wena leswaku ku phahliwa timhamba ta Moloko ha vona. U nga tshuki u sorisa vito ra Xikwembu xa wena. Hi mina Yehovha.

Levhitika 18:8

“ ‘U nga tshuki u funungula vuhava bya nsati wa tata wa wena; i vuhava bya tata wa wena.

Levhitika 20:3

Na mina ndzi ta languta munhu loyi, hi vukari, ndzi n'wi susa exikarhi ka tiko ra yena, hikuva u humesele Moloko n'wana wa yena ku nyamisa vukwetsimelo bya mina, ni ku endla xisandzu hi vito ra mina ro kwetsima.

Amosi 4:1

“Yingisani rito leri, n'wina matswele ya Baxani, lama nga entshaveni ya Samariya, n'wina lava xanisaka lavatsongo, mi xanisaka swisiwana, mi nge eka vanuna va n'wina: ‘Tisani, hi nwa!’

Amosi 5:11

Hikwalaho, leswi mi kandziyelaka lontsongo, mi teka koro ya yena hi nsele; hambiloko mi akile tindlu hi maribye lama vatliweke, mi nga ka mi nga tshami eka tona; ni loko mi simekile tivhinya leto saseka, mi nga ka mi nga nwi vhinyo ya tona.

Amosi 5:12

Hikuva ndza swi tiva leswaku ku dyoha ka n'wina ku tele ni leswaku swidyoho swa n'wina swi andzile ngopfu; mi xanisa la lulameke, mi amukela swo yimela lavo biha ha swona, kutani vapfumari a mi va avanyiseri ehubyeni.

Amosi 8:4

Yingisani mhaka leyi, n'wina lava tiyiselaka ku dya xisiwana ni ku lovisa vapfumari etikweni; n'wina lava nge: “Siku ra ku tshama ka n'weti ri ta hundza rini, hi ta xavisa mavele?

Mikiya 2:2

Va rhandza ku titekela masimu ni tindlu; kutani va pfukela wanuna ni yindlu ya yena, ni munhu la nga ni ndzhaka ya yena.

Mikiya 2:9

Vavasati va tiko ra mina, mi va hlongola etindlwini leti rhandzekaka ta vona; mi tekela vana va vona xibombo xa mina, hilaha ku nga heriki.

Sofoniya 3:3

Tihosi ta wona, i tinghala leti dzumadzumaka exikarhi ka wona; vaavanyisi va wona, i timhisi ta madyambu leti nga hlayiseriki nchumu swa mundzuku.

Varhoma 2:24

Hikuva vito ra Xikwembu ri soriwa hikwalaho ka n'wina exikarhi ka vahedeni hinkwavo, hilaha ku tsariweke hakona.

1 Vakorinto 5:1

Ku twele hinkwako leswaku vuoswi byi kona exikarhi ka n'wina, byi nga vuoswi lebyi nga vuriwiki exikarhi ka matiko, va te, un'wana u ni nsati wa tata wa yena.