Amosi 1:9 - Xitsonga (Bibele)

⁹ Yehovha u ri: “Hikwalaho ka milandzu minharhu, kumbe ya mune ya Tiri ndzi nga ka ndzi nga hundzuki, hikuva va nyiketile Edomu makhumbi layo tala, va nga anakanyi xinakulobye xa vuxaka,

BIBELE Mahungu Lamanene

⁹ HOSI yi vurisa sweswo yi ri: “Ndzi nga ka ndzi nga tshiki ku ba vanhu va muti wa Tiri, hikuva va dyoha va vuyelela-vuyelela: Va yisile mintshungu ya vanhu evukhumbini, va va nyiketa eka Vaedomu, va tshova ntwanano wa xinakulobye.

Amosi 1:9 Iomraidhean Croise

2 SAMIELE 5:11

Kutani Hiramu, hosi ya Tiri, a rhumela Davhida tintsumi, ni mirhi ya Kedari, ni vavatli va mapulangi ni va maribye va ta akela Davhida yindlu.

Pisalema 83:7

Gebali na Amoni na Amaleke, Va Filista ni vaaki va Tiri,

Yeremiya 25:22

ni tihosi hinkwato ta Tiri, ni tihosi hinkwato ta Sidoni, ni tihosi ta eswihlaleni swa ntsunga wa ehase ka lwandle;

Yeremiya 47:4

Hikwalaho ka siku leri taka ra ku herisa Vafilista hinkwavo, ra ku angwetlela Tiri na Sidoni ni lava siyiweke ku va tatisa; hikuva Yehovha u ta herisa Vafilista lava seleke exihlaleni xa Kafitoro.

Ezekiele 27:1

Rito ra Yehovha ri ta eka mina na kambe, ri ku:

Ezekiele 27:27

Mitirho ya wena, ni switolo swa wena vanhu va mabyatso ya wena ni vafambisi va wona, lava sivaka timfa ta mabyatso ya wena, ni lava ku fambiselaka bindzu ra wena, ni valwi va wena hinkwavo, va nga varikwenu kun'we ni mavandla ya wena hinkwawo lama nga ekarikwenu, va ta wela eswidziveni swa malwandle esikwini ra ku wa ka wena.

Ezekiele 28:1

Rito ra Yehovha ri ta eka mina, ri ku:

Ezekiele 28:18

Hi vunyingi bya ku homboloka ka wena, ni vudyohi bya mabindzu ya wena, u nyamise swivandla leswo kwetsima swa wena. Hilaha ndzi nga humesa ndzilo exikarhi ka wena; wu ku dyile, kutani ndzi ku endle tala ra nkuma emisaveni, emahlweni ka hinkwavo lava ku vonaka.

Amosi 1:11

Yehovha u ri: “Hikwalaho ka milandzu minharhu, kumbe ya mune ya Edomu — ndzi nga ka ndzi nga hundzuki, hikuva u hlongorile makwavo hi tlhari, a cukumeta tintswalo hinkwato, vukari bya yena byi nga tshiki ku handzula, kambe a hlayisa vukari bya yena hi masiku,

Amosi 1:6

Yehovha u ri: “Hikwalaho ka milandzu minharhu, kumbe ya mune ya Gaza — ndzi nga ka ndzi nga hundzuki, hikuva va fambile ni makhumbi layo tala ku va nyiketa Vaedomu,

Obadiya 1:11

Esikwini leri u nga yima ha rona emahlweni ka yena, esikwini leri valala va yena va phangaka mavandla ya yena, kutani vamatiko va nghena hi tinyangwa ta yena, va hlahluva Yerusalema hi vuhlolotwana, na wena a wu kotisa un'wana wa vona.

Zakariya 9:1

Hi byebyo vuprofeta lebyi vuriweke hi Yehovha ehenhla ka tiko ra Hadiraka, byi ta tshama ehenhla ka Damaska; hikuva Yehovha u languta vanhu kukota loko a languta tinxaka hinkwato ta Israele.

Matewu 11:21

a ku: “U ni khombo wena Korazini, u ni khombo wena Betsayida, hikuva mahlori lama nga endliwa eka rikwenu loko ingi ma endliwile eTiri na le Sidoni, miti yoleyo ingi yi hundzukile khale, yi teka tinguvu leto khwaxa ni nkuma.

Matewu 11:22

Hikwalaho ndzi nge eka n'wina: Ku ta vevuka eka Tiri na Sidoni ku tlula eka n'wina esikwini ra ku avanyisa.

Luka 10:13

“U ni khombo wena, Korazini! U ni khombo, wena, Betsayida! Hikuva masingita lama endliweke exikarhi ka n'wina, loko ngi ma endliwile eTiri na Sidoni, miti leyi, ingi yi tisorile khale hi tinguvu leti khwaxaka ni nkuma.

Luka 10:14

Hikwalaho eku avanyisiweni, ku ta vevuka eka Tiri na Sidoni ku tlula eka n'wina.