Amosi 1:5 - Xitsonga (Bibele)

⁵ Ndzi ta tshova tinghole ta Damaska, ndzi herisa lava akeke erivaleni ra Avene, ni la tamelaka nhonga ya vuhosi eBet-Edeni; kutani vanhu va Siriya va ta yisiwa evukhumbini eKiri,” ku vula Yehovha.

BIBELE Mahungu Lamanene

⁵ Ndzi ta tshova tinyangwa ta Damaska, ndzi lovisa vaaki va Nkova wa Avene ni loyi a fumaka muti wa Beta-Edeni; vaaki va tiko ra Siriya va ta ya evukhumbini etikweni ra Kiri.” HOSI yi vula sweswo.

Amosi 1:5 Iomraidhean Croise

2 TIHOSI 14:28

Leswi seleke swa timhaka ta Yerobuwamu, ni hinkwaswo leswi a swi endleke, ni vunhenha bya yena enyimpini, ni laha a tlheriseke Israele eDamaska na Hamata wa Yuda, timhaka leti, a ti tsariwanga ebukwini ya Tikronika ta tihosi ta Israele xana?

2 TIHOSI 16:9

Hosi ya Asiriya yi n'wi yingisa; kutani hosi ya Asiriya yi tlhandluka! Yi ya lwa na Damaska yi wu teka, yi yisa vaaki va kona eKiri, yi dlaya Resini.

Esaya 22:6

Elamu u tamele gadzi, ku humelela tigolonyi leti teleke tinhenha, ni vakhandziyi va tihanci; Kiri u hlomile switlhangu.

Esaya 43:14

Yehovha Mukutsuri wa n'wina, Muhlawuleki wa Israele u vula sweswo, a ku: “Hikwalaho ka n'wina ndzi rhumile nala ku hlasela Babilona, ndzi va balekisa hinkwavo, hambi va ri Vakalediya emabyatsweni lawa va nga tidzunisa ha wona.

Esaya 8:4

Hikuva n'wana a nga si tiva ku vula: ‘Tatana, manana!’ Xuma xa Damaska ni xuma xa Samariya swi ta yisiwa emahlweni ka hosi ya Asiriya.”

Yeremiya 50:36

Fumu a ri ve ehenhla ka lava vulavulaka mavunwa, leswaku va fana ni swihunguki! Fumu a ri ve ehenhla ka tinhenha, leswaku va ta va ni gome!

Yeremiya 51:30

Tinhenha ta Babilona ti tshikile ku lwa, ti tshamisile emakhokholweni; ti helele hi vurhenha bya tona, ti hundzukile vavasati; ku hiseriwa vuako bya tona; tinghole ta timbanti ta vona ti tshoviwile.

Swirilo 2:9

Tinyangwa ta yena ti mbombomele ehansi; U onhile, kutani u tshovile swipfalo ta tona; Hosi ya yena ni vafumi va yena va le matikweni; nawu a wa ha ri kona; Na vona vaprofeta va yena a va kumi ku bvumbha ka Yehovha.

Ezekiele 27:23

Harana, na Kana, na Edeni, ni vabindzuri va le Xeba, ni Vaasuru, ni va Kilimada a va bindzula na wena.

Ezekiele 30:17

Vavanuna lavantshwa va le Avene ni le Pi-Besete va ta wa hi fumu; yona miti yi ta ya evukhumbini.

Hosiya 10:8

Ku hele ni swivandla leswi tlakukeke swa Beta-Avene, leswi nga swidyoho swa Israele. Mitwa ni swinhlehlwana swa mila etialitarini ta vona: Kutani va ta ku eka tintshava: “Mi hi funengeta!” ni ka switsunga: “Hi weleni ehenhla!”

Amosi 5:5

“Mi nga tshuki mi lava Betele, mi nga tshuki mi ya eGiligala, mi nga tshuki mi hundzela eBerexeba; hikuva Giligala u ta yisiwa evukhumbini, Betele a endliwa swahava.”

Amosi 9:7

“Xana eka mina a mi fani na vana va Kuxi, n'wina, vana va Israele?” ku vula Yehovha. “Xana a ndzi humesanga Israele etikweni ra Egipta, kukota loko ndzi humesile Vafilista eKafitoro, ni Vasiriya eKiri?

Nahume 3:13

Vona, vanhu va wena lava nga eka wena i vavasati ntsena; tihuvo ta tiko ra wena ti tipfulele lava nga valala eka wena, swipfalo swa wena swi hisiwa hi ndzilo!