Amosi 1:3 - Xitsonga (Bibele)

³ Yehovha u ri: “Hikwalaho ka milandzu minharhu, kumbe ya mune ya Damaska, ndzi nga ka ndzi nga hundzuki, hikuva va kandziyile Giliyadi hi swileyi leswi tlhavaka swa tinsimbhi,

BIBELE Mahungu Lamanene

³ HOSI yi vurisa sweswo yi ri: “Ndzi nga ka ndzi nga tshiki ku ba vanhu va muti wa Damaska, hikuva va dyoha va vuyelela-vuyelela: Va xanisile vaaki va muti wa Giliyadi hi ku va handzulela hi tihariki ta nsimbhi.

Amosi 1:3 Iomraidhean Croise

1 TIHOSI 19:17

Kutani la nga ta balekela ripanga ra Hazaele, Yehu u ta n'wi dlaya, ni la nga ta balekela tlhari ra Yehu, Elixa u ta n'wi dlaya.

2 TIHOSI 13:3

Vukari bya Yehovha byi pfurhela Israele, kutani a va nyiketa Hazaele, hosi ya Siriya, na Bene-Hadada, n'wana Hazaele, emikarhini yoleyo hinkwayo.

2 TIHOSI 13:7

Hikuva Yehovha a a siyele Yowahazi nyimpi ya ntlhanu wa makume wa vakhandziyi va tihanci ntsena, ni tigolonyi ta khume, ni vavanuna lava fambaka hi milenge va 10 000; hikuva hosi ya Siriya a yi herisile Vaisraele, yi va endlile kukotisa ntshuri lowu kandziyeriwaka.

2 TIHOSI 16:9

Hosi ya Asiriya yi n'wi yingisa; kutani hosi ya Asiriya yi tlhandluka! Yi ya lwa na Damaska yi wu teka, yi yisa vaaki va kona eKiri, yi dlaya Resini.

2 TIHOSI 8:12

Hazaele a ku: “Hosi yanga yi rilela yini xana?” Yena a hlamula, a ku: “Hi leswi ndzi tivaka hilaha u nga ta onha vana va Israele hakona, u ta hisa miti ya vona ya makhokholo, u dlaya majaha ya vona hi tlhari, u phyandlasa swihlangi swa vona, u boxa makhwiri ya vasati va vona lava tikeke.”

Ntirho 19:3

Mi ndzi endlile munhu wo biha ka khume; A mi na tingana ku ndzi sandza.

Ntirho 5:19

Emakhombyeni ya ntlhanu na rin'we u ta ku kutsula, Ni ka laya ntlhanu na mambirhi, a ku na swo biha leswi nga ku khumbaka.

Swivuriso 6:16

Ku ni swilo swa ntlhanu na xin'we leswi vengiwaka hi Yehovha, Ndzi ri ntlhanu na swimbirhi lama nga manyala eka yena:

Eklesiasta 11:2

Byi nyike ka vanhu va ntlhanu na vambirhi, kumbe ka va ntlhanu na vanharhu; hikuva a ku tivi khombo leri nga ta humelela emisaveni.

Esaya 28:27

Hikuva aneta a yi huriwi hi xileyi, ni kumini a yi huriwi hi xigirigiri; kambe aneta yi huriwa hi nhonga, ni kumini hi nkhavi.

Esaya 41:15

“Vonani, ndzi endla ha wena xileyi lexi tlhavaka, lexintshwa. U ta faya, u va u sila tintshava, u endla switsunga leswi kotisaka mungu,

Esaya 7:16

kambe loko n'wana a nga si tiva ku ala leswo biha ni ku hlawula leswo saseka, tiko rero u chavaka tihosi ta rona letimbirhi ri ta onhiwa.

Esaya 7:8

Hikuva nhloko ya Siriya i Damaska, kutani nhloko ya Damaska i Resini, kutani malembe ya 65, loko ma hundzile, Efrayimi a nga ka a nga ha hlayiwi exikarhi ka matiko.

Esaya 8:4

Hikuva n'wana a nga si tiva ku vula: ‘Tatana, manana!’ Xuma xa Damaska ni xuma xa Samariya swi ta yisiwa emahlweni ka hosi ya Asiriya.”

Amosi 1:11

Yehovha u ri: “Hikwalaho ka milandzu minharhu, kumbe ya mune ya Edomu — ndzi nga ka ndzi nga hundzuki, hikuva u hlongorile makwavo hi tlhari, a cukumeta tintswalo hinkwato, vukari bya yena byi nga tshiki ku handzula, kambe a hlayisa vukari bya yena hi masiku,

Amosi 1:13

Yehovha u ri: “Hikwalaho ka milandzu minharhu, kumbe ya mune ya vana va Amoni — ndzi nga ka ndzi nga hundzuki, hikuva va handzule makhwiri ya vavasati lava tikeke va Giliyadi leswaku va kurisa tiko ra vona,

Amosi 1:6

Yehovha u ri: “Hikwalaho ka milandzu minharhu, kumbe ya mune ya Gaza — ndzi nga ka ndzi nga hundzuki, hikuva va fambile ni makhumbi layo tala ku va nyiketa Vaedomu,

Amosi 1:9

Yehovha u ri: “Hikwalaho ka milandzu minharhu, kumbe ya mune ya Tiri ndzi nga ka ndzi nga hundzuki, hikuva va nyiketile Edomu makhumbi layo tala, va nga anakanyi xinakulobye xa vuxaka,

Amosi 2:1

Yehovha u ri: “Hikwalaho ka milandzu minharhu kumbe ya mune ya Mowabu — ndzi nga ka ndzi nga hundzuki, hikuva va hisile marhambu ya hosi ya Edomu, va ma endle nkuma;

Amosi 2:4

Yehovha u ri: “Hikwalaho ka milandzu, minharhu kumbe ya mune ya Yuda — ndzi nga ka ndzi nga hundzuki, hikuva va sorile nawu wa Yehovha, a va hlayisanga ku lerisa ka yena, va hambuxiwa hi mavunwa ya vona lawa vakokwa wa vona va nga famba ha wona,

Amosi 2:6

Yehovha u ri: “Hikwalaho ka milandzu minharhu, kumbe ya mune ya Israele — ndzi nga ka ndzi nga hundzuki, hikuva va xave mali hi la lulameke, va xave tintanghu hi xisiwana,

Zakariya 9:1

Hi byebyo vuprofeta lebyi vuriweke hi Yehovha ehenhla ka tiko ra Hadiraka, byi ta tshama ehenhla ka Damaska; hikuva Yehovha u languta vanhu kukota loko a languta tinxaka hinkwato ta Israele.

Zakariya 9:2

Byi tshama ni le henhla ka Hamata la nga vandzakana na yena, ni le henhla ka Tiri na Sidoni, hikuva Tiri u tlharihile ngopfu.