Biblia Todo Logo
Bìoball air-loidhne

- Sanasan -




1 Yohane 3:2 - Xitsonga (Bibele)

2 Varhandziwa, sweswi, hi vana va Xikwembu, kambe lexi hi nga ta va xona, a xi si vonaka; kambe ha swi tiva leswaku siku a humelelaka, hi ta fana na yena, hikuva hi ta n'wi vona hi xiviri xa yena.

Faic an caibideil Dèan lethbhreac

BIBELE Mahungu Lamanene

2 Varhandziwa, sweswi hi vana va Xikwembu. A swi si tikomba swinene leswi hi nga ta va swona, kambe ha swi tiva leswaku loko Kriste a humelela, hi ta fana na yena, hikuva hi ta n'wi vona hi xiviri xa yena.

Faic an caibideil Dèan lethbhreac

Testamente Leyimpsha Xichangana

2 Varhandziwa, svosvi hi vana va Xikwembu, asvisitikomba lesvi hingatava svona. Kambe hasvitiva lesvaku, loko yena atatikombisa ka hina, hitafana na yena, hikuva hitamuvona tani hi lesvi anga xisvona.

Faic an caibideil Dèan lethbhreac




1 Yohane 3:2
37 Iomraidhean Croise  

Hambi nhlonge ya mina yi onhakile, u ta pfuka; Ndzi ta vona Xikwembu ndzi nga ha ri enyameni.


U ta ndzi tivisa ndlela ya vutomi; Ku xurha ka ku tsaka ku kona emahlweni ka wena; Ni ku tsaka loku nga heriki evokweni ra wena ra xinene.


Loko ndzi ri mina eku lulameni ka mina, ndzi ta hlalela mombo wa wena; Loko ndzi pfuka evurhongweni, ndzi ta xurha xivumbeko xa wena.


Ku kurile swonghasi ku kateka ka wena. Loku ku vekelaka lava ku chavaka, Loku u tirhaka hakona emahlweni ka vana va vanhu, Ni ku pfuna lava chavelaka eka wena.


ndzi ta va nyika endlwini ya mina ni le rihlampfini ra mina vutshamo ni vito leri nga ta tlula ra vafana ni vanhwana; ndzi ta va nyika vito leri nga heriki leri nga hlanguriwiki.


Kambe i mani la nga tshamelaka siku ra ku ta ka yena? I mani la nga yimaka eku fikeni ka yena? Hikuva u kotisa ndzilo wa mun'okisi, ni xisibi xa vahlantswi.


Ku katekile lava nga ni timbilu leti tengeke, hikuva va ta vona Xikwembu.


Swi ta va tano hi siku leri N'wana wa Munhu a nga ta humelela ha rona.


hikuva va nga ka va nga ha fi, hikuva va ta fuma ni tintsumi, va va vana va Xikwembu, hi leswi va nga vana va ku pfuka.


Kambe hinkwavo lava nga ri amukela, ri va nyikile matimba ya ku endliwa vana va Xikwembu, va nga lava pfumelaka hi vito ra rona;


ku nga ri ku fela tiko ntsena, kambe hileswaku, a hlengeleta swin'we vana va Xikwembu lava hangalakeke.


Tatana, lava u ndzi nyikeke vona, ndzi rhandza leswaku laha ndzi nga kona, na vona va va kona na mina, va ta hamba va hlalela ku kwetsima ka mina loku u ndzi nyikeke kona, hikuva u ndzi rhandzile misava yi nga si va kona.


Kambe na wona Moya wu yimelana ni moya wa hina, wu tiyisa leswaku hi vana va Xikwembu.


Hikuva ndzi ringanisa leswaku nhlomulo wa nguva leyi, a wu faneri ku ringanisiwa ni ku kwetsima loku ku nga ta kombisiwa eka hina.


Hikuva leswi vumbiweke hinkwaswo swi langutela ku kombisiwa ka vana va Xikwembu hi ku navela lokukulu.


Hikuva lava xi titiveleke vona eku sunguleni, hi vona xi nga tihlawulela vona eku sunguleni, leswaku va ta xaxamela ni xifaniso xa N'wana wa xona, leswaku a va yena wa mativula exikarhi ka tindzisana leto tala.


Sweswi, hi vona hi xivonivoni, hi ritsandze; enkarhini wolowo hi ta vona hi mahlo lama langutanaka; sweswi ndzi tiva tlhelo rin'wana ntsena; enkarhini wolowo ndzi ta tiva kukota loko ndzi tiviwile na mina.


Kukota leswi hi nga funengela nghohe ya wa misava, hi ta funengerisa sweswo nghohe ya wa le tilweni.


Kambe kukota leswi tsariweke leswaku: “Timhaka teto, tihlo a ri si ti vona, ndleve a yi si ti twa, a ti humelelanga embilwini ya munhu; timhaka teto, Xikwembu xi ti lunghisele lava xi va rhandzaka.”


Hina hinkwerhu lava hlalelaka hi xivonivoni ku kwetsima ka Hosi, hi mahlo lama nga sirheriwangiki, hi hundzukile xifaniso xi ri xin'we na yena, hi ku kwetsima loku yisaka eku kwetsimeni, ku nga hi Moya wa Hosi.


Hikuva nhlomulo wo vevuka wa hina i wa nkarhinyana wolowo, wu karhi wa hi tirhela exumeni xa ku kwetsima lexi tlurisaka, lexi nga heriki;


hikuva hinkwenu mi vana va Xikwembu hi ku pfumela eka Yesu Kriste.


Kutani leswi mi nga vana, Xikwembu xi rhumile etimbilwini ta n'wina, Moya wa N'wana wa xona, lowu huwelelaka: “Abba,” hileswaku “Tatana!”


la nga ta hundzuluxa miri wa hina lowu solekaka, a wu endla xivumbeko xin'we ni miri wa yena lowo kwetsima, hilaha a nga ni matimba ya ku tivekela hinkwaswo ehansi ka yena.


Kutani Kriste, loyi byi nga vutomi bya n'wina, siku a vuyaka, na n'wina mi ta humelela na yena eku vonakaleni.


hi mukhuva wolowo, na yena Kriste, kuteloko a tiendlile mhamba kan'we ku susa ku dyoha ka lavo tala, a ta humelela ra vumbirhi a nga ha ri na swidyoho, eka lava n'wi languteleke leswaku a va hanyisa.


ha swona hi nyikiwile ku tshembisa lokukulukumba, loko saseka, leswaku hakona mi va ni ku averiwa ka vukwembu, hi ku sukela ku bola loku nga emisaveni hi ku navela.


Kutani sweswi, vana, tshamani eka yena, leswaku siku a humelelaka, hi ta va ni ku tshemba loku tiyeke, hi nga tshuki hi khomiwa hi tingana emahlweni ka yena, eku humeleleni ka yena.


Vamakwerhu, a ndzi mi tsaleri ku lerisa lokuntshwa, kambe i ku lerisa ka khale loku ngi mi ri na kona eku sunguleni; ku lerisa kuloko ka khale i rito leri mi ri tweke.


Vonani rirhandzu leronghasi leri Tatana a hi rhandzeke ha rona, loko hi vuriwa vana va Xikwembu! Loko misava yi nga hi tivi, hi leswi yi nga n'wi tivangiki.


Hikwalaho ku vonakalaka lava nga vana va Xikwembu, ni lava nga vana va Diyavulosi. Un'wana ni un'wana la nga endliki swo lulama, a hi wa Xikwembu, kukotisa loyi a nga rhandziki makwavo.


Varhandziwa, loko timbilu ta hina ti nga hi avanyisi, hi ni ku tshemba loku tiyeke eka Xikwembu.


Un'wana ni un'wana la pfumelaka leswaku Yesu i Kriste, u tswariwe hi Xikwembu; kutani un'wana ni un'wana la rhandzaka mutswari wa yena, u rhandza ni la tswariweke hi yena.


Ndzi ta n'wi nyika ni nyeleti ya mixo.


va ta vona mombo wa xona; vito ra xona ri ta tsariwa emimombyeni ya vona.


Lean sinn:

Sanasan


Sanasan